Uni...
"ဖယ်စမ်း"
ကိုယ်ပေါ်ဖိထားသူအား သာစည် အားကုန်သုံးကာတွန်းချပစ်လိုက်သည်..ထို့နောက်ကမန်းကတမ်းပြန်ရပ်ပြီး သူ့အားစိုက်ကြည့်လိုက်သည်...
သူက မထီသရီနဲ့ကြည့်သည့်အခါ သူ့နှုတ်ခမ်းတွေဆီအကြည့်ရောက်သွားသော သာစည် အကြည့်လွှဲမိသည်..နွေးနေသေးသော နဖူးပြင်အား လက်ဖဝါးဖြင့် ခပ်ကြမ်းကြမ်းပွတ်ဆွဲပစ်လိုက်သည်..
ငါ...နမ်းခံလိုက်ရတယ်....
"ခွေးကောင်..ဆင်း..မင်းဆင်းသွားစမ်း"
လက်ညိုးဖြင့်ထိုး၍အော်ပြောလိုက်သည့်အခါ ရထားပေါ်မှလူအများအပြားဝိုင်းကြည့်လာကြပြီး သူလဲ လှုပ်လှုပ်ရှားရှားဖြစ်သွားသည်..
ထို့နောက်ကုန်းလျက်သားနဲ့ သာစည်အနားလျှောက်လာလေသည်
"မရှက်ဘူးလား..လူတွေဝိုင်းကြည့်ကုန်ပြီ"
သူ့စကားကြောင့် သာစည် ခပ်ရို့ရို့ဖြစ်သွားသည်..ထို့နောက် ကိုယ်ရှိန်သတ်ပြီး သူ့အားပြန်ပြောလိုက်သည်..
"ဘာလို့လိုက်လာတာလဲ..."
"မင်းကိုယ့်ကိုအကြွေးမပေးရသေးဘူး..ဒိ့ပြင် နောက်ထပ်အမှုတစ်ခုတိုးပြန်ပြီ"
သူကအောက်ပိုင်းကိုမျက်စပစ်ပြရင်းပြောတော့ သာစည်သဘောပေါက်သွားသည်.သူကုန်းကွကွဖြစ်နေတာ..အစောနားကသူကန်လိုက်လို့ပဲ...
"ကျုပ်ကရွာပြန်မလို့ !
"သိတယ်လေ..မင်းငါ့ကိုရွာခေါ်သွားရမှာ"
နေပြည့်၏စကားကြောင့် အနားရောက်လာသောလင်းယုန်က မေးငေါ့ရင်းမေးသည်..
"ဘာကိုတုန်း!
လင်းယုန် သာစည်အား ရထားပေါ်တွင်စောင့်ကြည့်နေစဉ် လူတစ်ယောက်နဲ့ရုတ်ရုတ်သဲသဲဖြစ်နေသည်ကိုတွေ့ရသည်...သူသွားချင်သော်ငြား မေ့မြောနေသော ဝေဟင်က လင်းယုန်ပုခုံးထက်မှီလျက် ရှိနေသည့်အပြင်..ထားခဲ့ရန်စိတ်မချသည်မို့ မသွားခဲ့ရပေ...
ရထားပေါ်နှစ်ယောက်လုံးတက်လာပြီးမှ သူ့ဆီရောက်မလာသေးသော သာစည်ကြောင့် လင်းယုန် ဝေဟင်အား ထားခဲ့ကာလိုက်ကြည့်လာရသည်..ထိုစဉ် သာစည်နဲ့ အတူ နေပြည့်ကိုပါတွေ့လိုက်ရသည်..
YOU ARE READING
ချစ်ယောမြေမှ မောင့်အမောပြေ (ခ်စ္ေယာေျမမွ ေမာင့္အေမာေျပ )
Romance"မောင့်ဝေဟင် အကြည်ပန်းမနွမ်းရွာကပန်းတွေဘာလို့မနွမ်းလဲသိလား" "ပန်းတွေပေါလို့မလား" "ဟင့်အင်း..မောင့်ဝေဟင်ရှိနေလို့ပါ" (မောင့်ကိုချစ်ခင်ပါ မြတ်နိုးပါ မေတ္တာရှိပါလေ... မောင့်ကိုပဲ ချစ်ခင်ပါ မြတ်နိုးပါ သစ္စာရှိပါလေ) Myanmar Oc started Date (10.9.2323) E...
