Uni...
ဆန်တွေမြို့သို့သွင်းမည်ဖြစ်၍ ဝေဟင်မင်းဆက်တစ်ယောက် အတော်အလုပ်ရှုပ်နေ၏..ဆန်အိတ်တွေရေလိုက် စာရင်းပြန်ကြည့်လိုက် လာမည့်ကားမျှော်ကြည့်လိုက်နဲ့...
"အမေ ကားလာတော့မှာလား"
"မလာသေးဘူး..မင့်အရီးတို့တောင်လာအုန်းမှာ"
ခဏကြာတော့ အမေပြောသည့်အတိုင်း အရီးခင်စိန်တို့ရောက်လာကြ၏..လှည်းနဲ့လာသည်ဖြစ်ပြီး ဆန်အိတ်တို့ပါသေးသည်..
"အရီး..ရောင်းမို့လား"
"အေး..ဆန်တွေအထွက်ကောင်းလို့ဟေ့...ဒီနှစ်များများရောင်းမလို့"
ဒီနှစ်ကအရင်နှစ်တွေထက် စပါးအထွက်တိုးကြ၍တော်တော်လေး ရောင်းကြ၏..
ဝေဟင် ဆန်ချသည်ကို ခဏကြည့်နေပြီးမှ ရုတ်တရက်ဇာနည်လင်းယုန်ကို သတိရပြီးလှည့်လည်ကြည့်ရှုလိုက်သည်..ဘယ်တွေရောက်နေသည်မသိ မနက်ကတင် ပေါ်လိုက်ပျောက်လိုက်ဖြစ်နေသည်ပင်..
"အမေ..ဇာနည်လင်းယုန်ရော"
အနားတွင်ရပ်နေသည့်အမေ့ကိုမေးတော့ အမေကလဲ ဟိုကြည့်ဒီကြည့်ရှာနေလေသည်..
"သာစည်တို့ကိုအကြိုသွားတာ..ဒီနေ့ပြန်မှာတဲ့"
"အော်"
နေပြည့်ရောပါပါ့မလားဟု စိတ်ထဲတွေးမိသွားသည်...ဒါပေမယ့် သာစည်ကလူလည်ပဲ..တစ်ယောက်ထဲတော့ ပြန်မလာလောက်ဘူး..
ခဏနေတော့ ကုန်တင်ကားတစ်စီးရောက်လာပြီးဆန်တွေတင်သွား၏..အမေပါအတူလိုက်သွားသည်မို့ ဝေဟင်တစ်ယောက်တည်းကျန်ခဲ့တော့သည်...
"အရီး ထိုင်ပါအုန်း"
အိမ်အောက်မှကွက်ပျစ်ကိုညွှန်ပြရင်းပြောလိုက်တော့ ခင်စိန်နှင့်ဦးလေးကဝင်ထိုင်သည်...
"ခင်ကြည့်သားမက်က ဒီမှာတော်တော်အခြေကျနေရောပေါ့"
"မဟုတ်ပါဘူး"
"မင့်ယောက္ခမကို အလုပ်ကူနေပြီဆို..သူ့မှာ သဘောတွေခွေ့နေတာ"
အမေ့ အလုပ်တွေကိုဝေဟင်နည်းနည်းလည်လည်ဝယ်ဝယ်ရှိလာပြီဖြစ်သဖြင့် အများအားဖြင့် ဝေဟင်ကသာလုပ်လေ့ရှိပြီး အမေကတော့ မီးဖိုချောင်ကိုတာဝန်ယူ၏
YOU ARE READING
ချစ်ယောမြေမှ မောင့်အမောပြေ (ခ်စ္ေယာေျမမွ ေမာင့္အေမာေျပ )
عاطفية"မောင့်ဝေဟင် အကြည်ပန်းမနွမ်းရွာကပန်းတွေဘာလို့မနွမ်းလဲသိလား" "ပန်းတွေပေါလို့မလား" "ဟင့်အင်း..မောင့်ဝေဟင်ရှိနေလို့ပါ" (မောင့်ကိုချစ်ခင်ပါ မြတ်နိုးပါ မေတ္တာရှိပါလေ... မောင့်ကိုပဲ ချစ်ခင်ပါ မြတ်နိုးပါ သစ္စာရှိပါလေ) Myanmar Oc started Date (10.9.2323) E...
