Unicode
"ဘာလဲ ကျနော်ချောလို့အဲ့လောက်ကြီးစိုက်ကြည့်နေတာလား"
သူ့အပြောကြောင့်မင်းသားရှောင်းမှသူတို့အနေအထားကိုသတိရသွားဟန်
"အဟမ်း..."
လုပ်ချောင်းတစ်ခုဖန်တီးလို့ သူ့ပေါ်ဖိထားရာမှခွာသွားကာ ဘေးဘက်တွင်ထိုင်နေသည်
သူလည်းလှဲနေရာမှထထိုင်လို့
မင်းသားရှောင်းကိုကြည့်နေလိုက်သည်
"မင်းငါ့ကိုဘာလို့မသတ်တာလဲ မင်းရဲ့သိုင်းပညာအရည်အချင်းနဲ့ဆို ငါခုခံချိန်တောင်ရမှာမဟုတ်ဘူး ဘာလို့လဲ"
အရင်ကမင်းသားရှောင်းနဲ့မတူစွာ သူ့အားစူးစိုက်ကြည့်လို့မေးလာတဲ့မင်းသားရှောင်းအား
သူ့လက်ထဲမှဓားမြောင်ကိုဓားအိမ်ထဲပြန်ထည့်လို့
"မင်းသားရှောင်းကိုသတ်လိုက်ရင် ကျနော်မုဆိုးဖိုဖြစ်သွားမှာပေါ့ "
သူရယ်ကာနောက်ပြောင်ပြောလိုက်ပြီး မင်းသားရှောင်းကိုကြည့်မိတော့ သူ့အားမျက်မှောင်ကြုံ့ကာ စူးရဲစွာကြည့်နေပြန်သည်
အခြေအနေမဟန်တာကြောင့်သူမျက်နှာကိုပြန်တည်လိုက်ကာ
"ကျနော်သာမင်းသားရှောင်းကိုသတ်လိုက်ရင် မိဖုရားယဲ့တို့ မယ်မယ်ကြီးတို့နဲ့ပြသနာတက်မှာပေါ့ အခုကျနော်မင်းသားရှောင်းကိုဓားနဲ့ခြိမ်းခြောက်တယ်ဆိုတာလဲ မင်းသားရှောင်းတကယ်ရူးမရူးစမ်းသပ်ချင်လို့"
"ငါ့ကိုဒီလိုမဖွယ်မရာတွေဝတ်ပြီးမြူစွယ်ခဲ့တာကလည်း ငါရူးမရူးသိချင်လို့ပဲလား"
မျက်နှာတည်နဲ့မေးလာတဲ့မင်းသားရှောင်းရဲ့အပြောကြောင့် သူ့ရဲ့ဖရိုဖရဲဖြစ်နေတဲ့ဝတ်ရုံတွေကိုပြင်လိုက်မိကာ
"အင်းပေါ့ ဘာလို့ဆိုမင်းသားရှောင်းကအရမ်းရှက်တတ်နေလို့လေ အရူးတွေကမရှက်တတ်ဘူး တစ်ချို့အရူးတွေဆိုကိုယ်လုံးတီးကြီးနဲ့အပြင်မှာတောင် လျှောက်သွားနေကြတာ ဒါပေမဲ့မင်းသားရှောင်းကလေ ကျနော်နဲ့အဲ့လိုလေးကပ်လိုက်တာနဲ့ကိုရှက်နေလိုက်တာ တအားသိသာလို့"
ပြောလည်းပြော သူ့မျက်နှာနှင့်ရုတ်တရက်နီးကပ်လာတဲ့ ကောင်လေး ရဲ့မျက်နှာအား ရှောင်းကျန့်တစ်ခန ငေးကြည့်မိသွားသည်
ဒါပေမဲ့သူကြာကြာမကြည့်နိုင်ပါ နားရွက်တွေပူလာတာကြောင့်အမြန်အကြည့်လွှဲလိုက်မိသည်
ဒါကိုရှေ့မှကောင်လေးကရယ်လို့
YOU ARE READING
Consort of the crazy prince(မင်းသားရူးရဲ့ကြင်ယာတော်)(Complete)
Fanfictionhistorical ကိုမှ ရိပေါ်strongဖြစ်တဲ့typeလေးပါနော် {idol imageထိခိုက်လိုစိတ်မရှိပါဘူး} historical ကိုမွ ရိေပၚstrongျဖစ္တဲ့typeေလးပါေနာ္ {idol imageထိခိုက္လိုစိတ္မရွိပါဘူး}
