اسكريبتات روان أحمد ♥️

اسكريبت 45

ـ عندك قضيه بكرا فى المحكمه اول قضيه ليكى ارفعى رأسنا ويارب الفلوس اللى دفعناها طول السنين دى تيجى بنفع .
ـ  قولت بصوت منخفض وانا داخله اوضتى : ان شاء الله .

"صحيت من النوم مفزوعه بسبب صوت المنبه ".
ـ طول الليل كنت بحلم بـكاوبيس مفزعه بس أن شاء الله مش هيحصل حاجه من كل دا و هكسب القضيه دى،  دا اكيد من التوتر بس...

ـ نزلت من التوكتوك بكل ثقه ودخلت المحكمة لقيت موكلتى اللى هترافع عنها مستنيانى دخلنا القاعه سوا ولقيت الناس كتير ومحامين كتير فتوترت وخوفت ،
قعدت ابص تانى فى الورق اللى معايا وفضلت اتنفس علشان اقلل التوتر اللى عندى دور القضيه بتاعتى الـ ٢٥ فقعدنا فى المحكمه نستنى ...

ـ الـ ٢٥ تتفضل .
ـ صمت شديد فى قاعه المحكمه وصوت خطواتى واضح وموكلتى ورايا قدمت ليه الورق وبدأت اترافع بس بتوتر خلصت المرافعه والقاضى قال : حضانه الاولاد هتفضل مع الزوج نظرا لان موكلتك اتجوزت فالحضانه سقطت منها  ، واللى جنبه قال : اللى بعده .

طلعنا من القاعه .
ـ موكلتى قالت بغضب : انتى فاشله هروح اوكل محامى شاطر بدالك انا غلطانه انى وكلتك من البدايه .
ـ وسابتنى ومشت ......

ـ مشيت فى الطرقات بدموع وبفكر ازاى انا مش نافعه فى حاجه خالص كدا ولا بعرف اطبخ ولا حتى بعرف ابقى شاطره فى وظيفتى ولا حتى كنت فالحه فى الدراسه فاشله من جميع النواحى قطع تفكيرى صوت بينادى عليا ....

ـ لو سمحتى .
ـ مسحت دموعى والتفت وقولت : افندم .
ـ انتى مش عرفانى يا رحاب .
ـ فى الحقيقه انا عرفاه بس قولت بجمود : لا حضرتك مين .
ـ انا عدنان جاركوا فى الشارع .
ـ  بابتسامه :انت معانا فى الشارع انا اول مره اشوفك .
ـ دا بس لانك مش بتنزلى الشارع كتير المهم انا شوفتك جوه .
ـ ابتسامتى اختفت وقولت : شوفتنى .
ـ متزعليش انتى بس محتاجه تدريب فى مكتب محاماه وتبقى اشطر محاميه .
ـ بفرح: بجد يعنى فى امل انى ابقى ناجحه .
ـ اكيد .
'" طلع من جيب الجاكيت كارت ومد ايده ليا"
وقال : دا الكارت بتاعى ومكتوب فيه عنوان مكتبى تقدرنى ترنى عليا فى اى وقت وتيجى تتدربى عندى .

ـ روحت وسمعت ما لا يسر من اهلى عن قد ايه انا فاشله .

"'عدى اسبوعين ".

وانا بفكر فيهم اروح و أواجه فشلى وانجح ولا هفضل فاشله طول عمرى مهما حاولت .
المهم فى الاخر لقيتى كتبت رقمه تلقائى على الفون واخدت نفس ورنيت جرس اتنين تلاته وصل لخمسه ومحدش رد ، اخدت نفس اشجع نفسى ارن تانى فرنيت
جرسين وبعد كدا الخط فتح .
ـ الو مع حضرتك مكتب أستاذ عدنان محمد يفندم اى اوامر .
ـ اتكلمت بتوتر : الأمر لله بس الاستاذ عدنان قالى انى ممكن اجى اتدرب عنده .
ـ اه حضرتك الاستاذه رحاب .
ـ اه انا .                      ـ تمام يفندم ممكن تيجى الوقت اللى تحبيه .
ـ طب بكرا الاستاذ موجود اجى .
ـ اه يفندم تقدرى تشرفينا بكره الساعه 4 .
ـ تمام شكرا ليكى يا حبيبتى.