اسكريبتات روان أحمد ♥️

اسكريبت54

ـ يعنى بذمتك واحده وهى بتتـ...ـقتل بتحط ايديها على وشها و اكمل بسخريه :  يعنى ايدك هى اللى هتمنعها تقتـ..ـلك .

ـ  بسخريه : المره الجايه ابقى اتعلم رده فعل كويسه وانا بنقـ..ـتل  وأكملت بشهقات وبكاء : أ أنت مشوفتهاش كانت ماسكه السكـ..ـينه ازاى د دى كانت ه هتقـ..ـتلنى .

ـ  مسح على وجهه بتعب وقال بحنيه : اهدى يا فطوم كدا و  روحى دلوقت وتعالى بكرا علشان نقفل المحضر .
ـ بصيتله بعيونها الحمرا من كثره البكاء وقالت بغباء : يعنى انت مش هتروحى اى روحى دى .
ـ بتشنج :  اروحك اى انا لسه ورايا شغل وبعدين دى العيله كلها برا .
ـ بدموع : ولو مش انت ظابط والمفروض تروحنى وتتطمن عليا افرض هربت وجات تنتقم منى علشان حبستها .
ـ اى جو الروايات دا يحببتى دى فى سجن مش فى بيت خالتك هى اتفضلى امشى .
ـ مسحت دموعها ومسكت ايديها بوجع وقالت بغضب : بقا كدا يا خالد طب تمام وقامت مشت بغضب وهى بتعرج وبتتألم من وجع ايديها ورجليها .
بص فى أثرها باستغراب وحب ورجع كمل شغل .

"روحت البيت دخلت على السرير وامى اخدتنى فى حضنها فعيطت بخوف حقيقى لما شوفت الجرح اللى فى ايدى وفى رجلى وكأنه فيديو واشتغل قدامى من تانى  .."

< كنت فى حمام الكليه بظبط حجابى واتصور كام صوره حلوه لقيت "حبيبه" داخله فحطيت تليفونى فى الشنطه ومشيت علشان اخرج لان حصل بينها  وبين صحبتى سوء تفاهم فتدخلت علشان أحله بهدوء شتمتنى وقالتى متدخلش وكانت هتضـ..ـربنى فدافعت عن نفسى وزقيتها وضربـ..ـتها بالقلم ومن ساعتها وهى بتكرهنى و بتبصلى نظرات مش مريحه ،
لقيتها مسكتنى من ايدى وقالت بغل : فكرك نسيت القلم اللى ادتهولى ولا اى وربى لاردهولك اضعافه يا معـ..ـفنه بقا انا حبيبه الحوفى اللى تتـ..ـضرب من واحده زيك .....

ولقيتها رفعت ايدها وهتنزل بيه على وشى فحاولت احرر ايدى من قبضتها وبالايد التانيه منعت ايدها انها تضـ..ـربنى بس فشلت  لانها كانت اسرع منى  الضـ..ـربه كانت جامده حسيت ان ودنى صفرت وشئ دافى بينزل من فمى وزقتنى جامد وقعت على الارض ولقيتها طلعت سـ..ـلاح ابيض  حطيت ايدى على وشى بخوف وانا بصرخ حسيت بشئ حاد اتغرز  فى رجلى صرخت بوجع وحاولت ابعدها عنى لقيتها طلعتها من رجلى وبغل اكبر باين فى عنيها غرزتها فى ايدى كل دا وانا بصرخ بوجع وبعيط وبنادى على حد يلحقنى حسيت انى هيغمى عليا فلقيتها بتقول بهمس كأنه فحيح افعى  : مش قولتلك حقى هأخده أضعاف واغمى عليا .....

فوقت لقيت نفسى فى المستشفى وايدى ملفوفه ورجلى برضوا ملفوفه لقيت كل العيله حواليا فضلت ابكى فى كل حضن شويه لحد ما عينى جات علي خالد واول لما شوفته صرخت وقولت بعياط  : حضرت الظابط انا عايزه اعمل محضر .

ـ صحيت من الالم أخدت مسكن الوجع هدى فنمت تانى .

ـ ياله يا فاطمه علشان خالد مستنيكى  .
ـ حاضر يا بابا ماما بتلبسنى اهو خلصت وطلعت لقيت خالد قاعد مع بابا ، بابا كان عايز يجى وخالد رفض وقال انه هيودينى ويجبنى لانه معندوش شغل انهارده .
مشيت بالعافيه وهو ساندنى لحد ما ركبنا عربيته و وصلنا القسم ...
ـ دخلنا مكتب ظابط زميله لقيته بيقول بهدوء :هيسألك كام سؤال وبعدها هنروح تمام .
ـ هزيت راسى بهدوء .
خلصت وطلعنا خالد مسك ايدى ومشينا لقيتها جايه متكلبشه فى ايد العسكرى خوفت ومسكت فى ايده جامد لقيتها بتضحك نفس ضحكتها المخيفه اليوم دا فخوفت اكتر وداريت وشى فى كتفه وهو اخدنى فى حضنه وطبطب عليا لما بدأت اعيط شالنى ومشى بيا للعربيه وانا بعد ما كنت خايفه وبعيط بقيت بعيط علشان مكسوفه ركبنى العربيه  واتحرك بينا بس مش طريق البيت دا .

ـ اتكلمت بخجل : خالد انت رايح فين دا مش طريق البيت.
ـ بمرح : هخطفك اى رأيك .
ـ بضحك : يعنى لما تيجى تخطفنى اكون متشلفطه كدا .
ـ يستى عجبانى بردوا .
ـ بخجل وهمس : عجباك .
ـ وقف العربيه عند مكان جميل ونزل فتحلى العربيه ومد ايده ليا وقال بحماس: تعالى هوريكى مكان هايل .
ـ ابتسمت على حماسه وحطيت ايدى فى ايده وسندت عليه وقولت : طب يالا .
ـ مشيت جنبه وانا بتفرج على المكان كان فيه ورود كتير لحد ما اتفجأت لما فتح باب وظهر فستان زفاف  بسيط ورقيق والمكان متزين وجميل بصتله باستغراب ...

باس ايدى وقعدنى على كرسى وقال : انا كنت مستنى انك تخلصى كليتك واتجوزك لكن بعد اللى حصل دا خلاص انا هتجوزك وابقى اوديكى انا واجيبك علشان افضل مطمن عليكى .
ـ صدمه كبيره حطت عليها واتكلمت بغباء: تتجوزنى .
ـ مهتمش لصدمتها واتكلم وعيون بتلمع فرحه : اى رأيك فى الفستان دا لكتب الكتاب عجبك ولا اجبلك غيره .
ـ فاقت من الصدمه المؤقته وابتسمت بخجل : لا عجبنى .
ـ بابتسامه وحب : افهم من كدا انك موافقه .
ـ حطت ايديها السليمه على وشها وقالت بخجل : بحبك .
ـ سمعت ضحكه شالت ايديها من على وشها وبصتله بانزعاج وقالت : بتضحك على اى .
ـ اتكلم بعد ما خلص ضحك : لا لا مفيش حاجه .
ـ بغضب : لا قول بتضحك على اى .
ـ بضحك : اصلك حتى وانتى بتنـ..ـقتلى حطيتى ايدك على وشك .
ـ بغضب : روحنى يا خالد .
ـ بابتسامه حب قعد على ركبته قدامها وقال : بحبك يا فطوم .
ـ بصيتله بخجل وهو قال : اول ما تتحسنى نتجوز علطول .
هزيت رأسى بخجل وقام شالنى وقال بهمس : طول ما انتى معايا هحميكى وافديكى بعمرى يا عمرى .

 
    " وكأن القمر اختار وجهك لتصبحى انعكاسه ✨".

ـ لـ روان احمد.
ـ تـمـت ...♥️
ـ رأيكم يا أحباب ✨.