اسكريبتات روان أحمد ♥️

اسكريبت 42

ماسكه فى رقبه شخص مجهول وبتقول اوعى تسيبنى
راح شال ايديها من على رقبته وحاول يزقها بعيد مسكت فى رقبته اكتر وقالت لو سبتنى بجد هغرق انا مش بعرف اعوم وبتقولها بعياط .
ـ طب خفى ايدك شويه علشان مانغرقش احنا الاتنين
وبعدين مش بتتزفتى تعومى  نزلتى المايه ليه .
ـ ماهو ماهو.
ـ ماهو اى خلصى .
ـ اخويا سابنى وجرى ورا مزه كدا انما ايه قمر .
ـ فى عقله : والله مافى قمر غيرك حمحم وقال :طب ياله علشان اطلعك .
ـ اهو اتزفتنا بقينا على الشط سيبى رقبتى بقا خنقتينى .
ـ بعدت عنه والدموع فى عنيها من طريقته ليها وقالت :انا آسفه و سابته وجرت من قدامه .
ـ انا ليه اسلوبى كان معاها وحش كدا بس من حقى دا انا كنت هموت مخنوق بسببها بس انا غلطان بردوا لما اشوفها هبقى اعتذرلها ورجع البحر تانى ....

ـ اهلا بالبيه اللى ساب اخته تغرق وجرى ورا المزه طب كنت خدنى معاك او طلعنى لكن تجرى كدا دى النداله بعينها .
ـ اهدى بس يا تونه يا حببتى.
ـ انت كدا بتعصبنى اكتر بتونه دى اسمى فاتن يا مهزء واخدت المخده وحدفته بيها بغيظ .
ـ اخد المخده قبل ما تلبس فى وشه وراح قعد جنبها وقال بهدوء :انا اسف انا عارف ان انا غلطان ويستى مش هتتكرر تانى وباس دماغها .
ـ ابتسمت وقالت :مسمحاك بس دا لو نزلت معاك المايه تانى ابقى ورينى وشى .

"'تانى يوم "
ـ قاعده على الشط تحت الشمسيه وبتشرب مشروبها المفضل ومشغله ميوزيك هاديه وبتتفرج على اللى حواليها .
مره واحده اتفزعت وقلقت  ومش عارفه تروح فين ولا تيجى منين فغطت وشها بالفوطه اللى معاهم وقالت :يارب مايشوفنى ان شاء الله لا يارب ما يشوفنى .

بصت من ورا الفوطه لقيته عدى من قدامها وماشفهاش  حمدت ربنا ورجعت لحالتها الطبيعيه لقت اللى رجع وقال : يا آنسه .
ـ بصت ليه وبعد كدا بصت حواليها، فـ قال :يا آنسه انا بكلمك انتى .
ـ بصتله وقالتله انا ،هز دماغه بـ آه .
ـ وقفت قدامه وقالت : افندم .
ـ انا آسف .
ـ بصتله باستغراب وقالت : اسف على اى .
ـ حمحم وقال : على معاملتى ليكى المره اللى فاتت مكانش ينفع اتكلم معاكى بالاسلوب دا فانا بعتذر على كدا .
ـ ابتسمت وقالت : وانا متشكره جدا ليك المره اللى فاتت مشكرتـكش على انقاذك ليا فشكرا ليك .
ـ العفو على اى يا آنسه ، اسمى عمرو وعلى العموم فرصه سعيده واى مره عايزه تغرقى واجى انقذك انا تحت امرك يا انسه .
ـ ضحكت وقولت : فاتن وشكرا ليك مره تانيه ومش هتتكرر وانزل تانى توبه خلاص .
ـ فضحك وقال : عادى كلنا كنا كدا واتعلمنا وانتى هتتعلمى أن شاء الله .
ـ ان شاء الله.

" ما تيجى انزلى البحر يا تونه شويه .
ـ ولد يا مهزء انت انزل علشان تسبنى اغرق وتمشى انت والله لما نرجع لاقول لابوك واخليه يربيك بطريقته يا مهزء .

ـ تونه حببتى ثقى فيا المره دى دا انا خالوده حبيبك وبعدين مش احنا جايين نصيف ف يالا علشان انزلك تعومى شويه دى كلها يومين وراجعين .
ـ خلاص ادينى عشر دقايق البس المايوه واجى .

نزلت البحر فلقيت خالد بيدخلنى لجوا بس مش اوى فى ناس حوالينا .
ـ كفايه لحد هنا انا هنا هعرف ابلبط براحتى بس خليك جنبى علشان لو غرقت تلحقنى .
ـ عومى يا تونه وانبسطى وانا هنا هستناكى لحد ما تغرقى وانقذك يا اختى يا حببتى .
ـ ند..ل ومهز..ء من يومك يا اخويا.

ـ اليومين عدوا ورجعنا البيت وحقيقى كانت فتره لذيذه لان خالد اخويا اتعرف على عمرو وطلعوا من سن بعض تقريباً.
وهو محترم مهذب وحليووه ..

=ماما انا رايحه البيوتى سنتر علشان عندى عروسه النهارده .
ـ ربنا معاكى وانا متاكده ان العروسه هتطلع قمر من تحت ايدك يا تونه .
ـ دعواتك يا ماما انا ماشيه بقا .
ـ فى رعايه الله .

ـ اى يا عروسه رأيك فى الفاينل لوك ..؟
ـ تحفه اوى اوى بجد شغلك سيمبل وتحفه يا روحى.
ـ اهم حاجه انه عجبك وربنا يتمملك على خير.

(العريس جيه الفريست لوك كان تحفه خصوصا هما بيحبوا بعض من سنتين وشكلهم كيوت اووى) .

لقيت اللى بينادى عليا ببص لقيته عمرو .
جيه عليا وقال ايه الفرصه السعيده دى .
ـ انا اسعد اخبارك ايه.
ـ الحمدلله تمام انتى اخبارك ايه.
ـ بخير ، شكلك تبع العريس صح .
ـ وانتى تبع العروسه صح .
ـ لا انا الميكب ارتست  هنا ودا البيوتى سنتر بتاعى .
ـ اووه علشان كدا العروسه طالعه قمر اكيد اخدت الحلاوه دى منك .
ـ ضحكت بكسوف وقولت : هى قمر اصلا ربنا يهنيها .
ـ انا حاسس انك انتى كمان هتبقى عروسه قريب .
ـ  باستغراب وضحك: ممكن .!
ـ مش ممكن هو فعلا .
ـ بضحك: ايه اللى مخليك متاكد عندك عريس ليا يعنى .؟
ـ تؤتؤ انا العريس اى رأيك ...؟
ـ اتصدمت واتكسفت وقولت : اا ان نت بتقول اى ى ..؟
ـ بغمزه :هتبقى قمر بالميكب يا تونه .
ـ  وانت هتبقى حلو بالبدله .

"'ويخلق الله انسان لنا لانجد الامان إلا بقربه🦋".

ـ لـ روان احمد .
ـ تمـت ..🦋
ـ رأيكم يا أحباب..🦋