باب شقتى فتح ابتسمت بفرحه بس افتكرت انه مزعلنى فدخلت اوضه النوم وعملت نفسى نايمه ..
لقيت باب الاوضه فتح وضوء كشاف وسمعت همسهم يالا بسرعه دور على فلوس او دهب وخلينا نمشى بسرعه يالا .
ـ غمضت عينى بخوف ورعب لان سمعت حد فيهم بيقول فى واحده نايمه تعالى شوف كدا جيه ناحيتى وسلط ضوء الكشاف عليا حاولت ما ابربش بعينى ولقيته قال دى نايمه خلص بسرعه ويالا
هو قال كدا وانا اخدت نفسى براحه وهما فتشوا فى الاوضه واكيد اخدوا حتتين الدهب اللى حيلتى
باب الشقه سمعته فتح اكيد دا جوزى رفعت راسى وبصيت لقيت واحد بيقول الحق يا معلم دى صحت لقيت المعلم دا جيه عليا مسكنى من شعرى وزعق فيا : بقا عامله نفسك نايمه يا بنت الكـ....ـلب تعالى هنا شدنى وقومنى
لقيت جوزى جاى عليا وقال : سيبها بقولك لقيت الشاب التانى جيه من ورا جوزى ولسه بيقرب منه زعقت وقولتله حاسب بص وراه وبدا الشجار بنهم ولما المعلم دا حس ان جوزى هيأذى اللى معاه فسابنى وراح هو كمان علشان يضربوا جوزى ....
اتوترت ومش عارفه اعمل اى اخر حل قدامى لما لقيت المعلم دا مطلع سكـ...ـينه و هيموت جوزى بيه روحت جبت بسرعه فازه وخبطتها على دماغه و دماغه نزفت ووقع على الارض فلقيت الشاب التانى اللى معاه جاب كوبايه المايه اللى جانبه على غفله وخبطها جامد فى دماغه خوفت واترعبت لما لقيت جوزى واقع فى الارض ودماغه بتنزف .
لقيت الشاب دا جيه ناحيتى وابتسملى ابتسامه دبت الرعب جوايا وانا وقفت مكانى بعيط ومش بتحرك وطلع من الاوضه ورجع وكتف جوزى بحبل وحاول يفوق المعلم بتاعه بس مافقش انا كأن حاجه اديتنى اشاره انى اجرى اخرج من الشقه واجيب حد يساعدنا ....
فعلا جريت وفتحت الباب ولسه هخرج لقيت اللى قفل الباب وزقنى بعنف على جوه وجرنى على اوضه الاطفال
اتكلم بصوت عالى : بقا كل دا يطلع منك دا انا هوريكى اللى محدش عرف يورهولك وهجم عليها ضرب جامد بـ اقلام وهى من قوه الاقلام قاومت كتير الاغماء بس مااستحملتش واغمى عليها .
ـ فاقت وكان الضوء داخل من الشباك فتحت عنيها لقت انها لوحدها فى الاوضه افتكرت ان دا كان حلم او كابوس بشع واهى اخيرا فاقت منه بس اتصدمت اول لما الباب فتح ودخل منه المعلم ووراه الشاب دا ...
خافت منهم بس جمعت قوتها وقالت : جوزى فين وهو كويس صح ..؟؟
ـ المعلم ضحك بسخريةوقال : هو كويس خالص خالص .
ـ بخوف : قصدك إيه ..؟
ـ قصدى ان جمال ريحه على الاخر وكان بيشاور على الشاب اللى معاه .
ـ وجهت سؤالى لجمال المره دى وقولت : عملت ايه في جوزى يا حقير ...؟
ـ عملت كل خير يمدام حاولت اريحه بسهوله بس هو تعبنى فروحت مخلص عليه .
ـ شهت بصوت عالى والدموع غرقت وشى واتكلمت بشئ من الامل وقولت : قصدك اى بخلصت عليه دى ...؟
ـ قصدى انى كتمت نفسه لحد ما خلص الروح راحت لصاحبها .
أنت تقرأ
اسكريبتات روان أحمد ♥️
General Fictionادخل عالمى بحيث يوجد المرح والكوميديا والكثير لتستمتع به وكل اسكريبت غير مرتبط باللى قبله.
