اسكريبتات روان أحمد ♥️

اسكريبت 47

ـ ورد هانم بتنظف الصالون مره واحده .

ـ ضحكت وقولت: زى ما انتى شايفه كدا .

ـ ابتسمت وقالت بغمزه: مين الضيف المهم اللى جاى ..؟
ـ بابتسامه عريضه: بابا وافق انه يقابل مراد .
ـ حضنتها وقالت : بجد الف مبروك يا حبيبتى.
ـ الله يبارك فيكي بس قولى يارب بابا يوافق على الجوازه .
ـ ان شاء الله هيوافق .

< بعد خمس ساعات>

لبست دريس وردى سيمبل والميك اب خفيف الساعه سبعه كان الجرس رن اكيد جيه جريت اقف ورا العامود علشان اشوف هو وبابا هيقولوا اى ....

ـ بدأ الكلام عادى ولسه متحمسه اسمع اللى هيتقال لقيت اللى شدنى من كتفى التفت لقيتها امى دخلتنى الاوضه وقالت : عيب كدا، كدا كدا باباكى هيقولك رأيه فيه لما يمشى تمام وخليكى هنا ولما انادي تطلعى بالحاجة الساقعه .

ـ اختى دخلت بعد ما امى طلعت وقعدت جنبى وقالت : مقدره اللى انتى  قلقانه و متحمسه علشان دا حب عمرك فمتقلقيش ان شاء الله خير .
ـ يارب يارب.

بعد تقريبا ساعه طلعت بالعصير ولقيت الاجواء مشحونة فحطيت العصير ولفيت بحزن واضح علشان امشى لقيت بابا قال :  على كدا الخطوبه عايزاها الخميس ولا الجمعه .

ـ وقفت فى مكانى بذهول مش مصدقه اللى سامعاه فبصيت لمراد فـاتأكدت لما لقيت ابتسامه عريضه على وشه
ضحكت بفرحه وجريت على بابا حضنته وقولت : انت احسن أب فى الدنيا دى كلها .

ـ ضحك وقال : يـبكاشه ، استأذن أنا و اسيبكم مع بعض شويه .
ـ بابا خرج من الصالون ومراد جيه قعد جنبى على الكنبه وباس ايدى وقال : مبروك يا وردتى .
ـ ضحكت بفرحه وقولت : مبروك عليا انت يا مرادى .
ـ علفكره مجاوبتيش على سؤال والدك الخطوبه جمعه ولا خميس .
ـ ضحكت وقولت: انت تحبه يوم اى ..؟
ـ رأيى من رأيك . 
ـ خلاص خليها خميس اى رأيك .
ـ على بركه الله .

ـ روح، وانا كنت طايره من الفرحه يااه اخيرا حلم اربع سنين اتحقق .....
ـ نزلنا يوم الاربع جبت دبله و توينز ونقينا دبلته .

ـ لابسه فستان سواريه بيج على ميكب هادى والاغانى شغاله ومش مصدقه ان انا عروسه وكمان هتخطب للى بحبه .
ـ جيه بالبدله البيج اصلنا عاملين ماتشينج وبوكيه الورد وخلاص لبست دبلته يجماعههه .

< بعد ثلاث سنوات >

ـ مش معقول يا مراد انت مش مراد اللى حبيته واتجوزه لا انت حد تانى .
ـ ببرود : ممكن اكون اتغيرت فى الصيانه ولا حاجه .
ـ انت واكل برود مش معقول هتجننى .
ـ قام وقال بغنى وشدها ترقص معاه  : هيجننى دا هيجننى كل ما اقرب يبعد عنى اعااااااا .
ـ  زقته وقالت : حتى الكلام حوله اغنيه .
ـ طب انتى مشكلتك اى غير انى مخرجتكيش امبارح .
ـ مشكله اووه قول مشاكلك اى .
ـ بحنيه : طب يستى مشاكلك اى .
ـ ماما ماما : امبو امبو ( يعنى عايز يشرب ) .
ـ ادى اول مشكله .
ـ بس كدا انا هشربه يستى .
ـ قعدت على الركنه بتعب ، رجع مراد وهو شايل على اللى عنده سنه وثلاثه اشهر وقعد جنب ورد حط ابنه فى الارض يلعب وهو طبطب على ورد بحنيه .
ـ اتكلم بحنيه بالغه : حاسه بتعب او وجع .
ـ حضنته وقالت : انا تعبانه يا مراد مش قادره البيبي اللى جوه دا تاعبنى وشاورت على بطنها المنتفخه اثار الحمل واللى بره دا تاعبنى اكتر وشاورت على "على" اللى بيلعب بالكوره وشاورت على مراد وانت كمان تاعبنى .
ـ  طب انا تاعبك فى اى بس ...
ـ انت مش عارف يعنى .
ـ تؤتؤ عرفينى انتى طيب .
ـ الفوطه اللى مليون مره قولت متتحطش على السرير حطتها بردوا وشراباتك قولتلك عشروميت مره حطهم على جنب اغسلهم مترمهومش كدا فى اى مكان عرفت انت تاعبنى فى اى وايه اللى عرفنى انك مش مراد اللى اتجوزته لانك فى اول الجواز كنت نظيف ومنظم دلوقتى كل حاجه اتغيرت خالص يا مراد وانا تعبت منكوا كلكوا .

ـ انا اسف حقك عليا والله بعد كدا هتلاقى كل حاجه فى مكانها .
ـ وعد .                        ـ وعد يستى.
ـ واي رأيك تروحى عند مامتك يومين تستريحى شويه .

ـ بفرح:عندك حق على الاقل هستريح من على ،معالم وشها اتحولت لزعل : طب هستريح من على طب ودا "شاورت على بطنها " هعمل فيه اي دا تاعبنى مش بعرف انام ولو شميت اى حاجه بر...جع وتاعبنى جامد .

ـ باس كف ايديها وحضنها وقال : كلها اربع شهور ياروحى بس .
ـ بادلته الحضن وقالت بابتسامه: كلها اربع شهور واشوفه قدام عينى كله يهون بس واشوفه بصحه واحضنه.
ـ أن شاء الله يجى بالسلامه سى عمرو .
ـ بعبوس : متقولش عمرو ان شاء الله هتبقى بنوته واسميها بسمه .
ـ ماختلافناش بنت او ولد بس مين قلك انى هسميها بسمه لو بنت هسميها عليا علشان تبقى نفس حرف اخوها .
ـ زعقت وقولت : عليا مش دى البنت اللى كانت بتحبك ايام الجامعه .
ـ بنفى : لا دا انتى الحمل اثر على مخك جامد .
ـ بتأكيد : هسميها بسمه يا مراد هااا بقا .
ـ يعنى هى عند وخلاص يستى موافق .
ـ ايوا كدا لازم توافق انت سميت على انا اسمى بنتى .
ـ طب ما نعملك سونار ونريح دماغنا يا ورد .
ـ لا مش هعمل وان شاء الله هجيب بنت انا حاسه وقلبى عمره ما يغلط .

< الف مبروك يا حبيبتى ولد زى القمر >

ـ قاعده على السرير فى المستشفى تعبانه مراد جيه وقالها بضحك : قلبى عمرى ما يغلط ابدا هههه .
ـ طبطب على ضهرها بحنيه وقال : حمد الله على سلامتك يا ام عمرو .
ـ بغيظ : الله يسلمك يا مراد .

ـ لـ روان احمد.
ـ تـمـت ..✨
ـ رأيكم يا أحباب ♥️