اسكريبتات روان أحمد ♥️

اسكريبت 37

ـ متجمعين كلهم على سفره فى بيت العيله مستنين المغرب يأذن علشان يفطروا .

ـ الجده : رمضان كريم وينعاد علينا وعليكوا بخير .
ـ كلهم بصوت واحد: اللهم آمين .

ـ المغرب أذن فطرنا كلنا ، وبصيت لعيال خوالى بشفقه لانى الوحيده انا واختى اللى بينهم مدركين تماماً تاتا مجمعه العيله كلها ليه وخصوصا الشباب ضاع شبابكوا يا عيال ...

ـ الجده بصت ليا ولاختى واتكلمت : ياله يا شباب علشان نحلى .
ـ ابتسموا ومشوا ورانا على اساس انهم يروحوا الريسيبشن بس للاسف احنا وديناهم على السطح .

ـ استغربوا لما شافوا السجاد بس Take it easyشباب .

ـ ملك (اختى ) حبايب قلبى ياله كله يشمر الهدوم علشان نغسل السجاد .

ـ عمار بصلها وقالها قولتى اى .
ـ اتكلمت : اقصد انت اللى حبيبى ياله بقا علشان نخلص بدرى.
ـ عمار : ايوا كدا اتلمى .
ـ اتكلم فؤاد بذهول : كل دا سجاد مجمعين سجاد مصر كله ولا اى .
ـ محمد وحسن فى نفس الوقت : يا غبى دا سجاد العيله كله .
ـ اتكلم خالد بغضب : طب واحنا مالنا ومال غسيل السجاد .
ـ اسر بعدم صبر : بقولكوا اى بلاش كلام كتير وياله نغسله لاننا ادبسنا فيه خلاص .

كل دا دار وانا قاعده ساكته فى مكانى متابعه الحوار بس ولما خلصوا كلام قمت ....
ـ ياله يا ملك هاتى الخرطوم علشان يبدأوا غسل السجاد .
ـ اسر اتكلم : طب ملك وانتى لازمتكوا اى انزلوا .
ـ ضحكت وقولت : ماهو بقا اللى متعرفهوش يا ابن خالى ان انا وملك اشراف يعنى السجاده اللى غسيلها وحش او انتوا مكروتنها هتعيدوا غسيلها .
ـ كل واحد شتم بصوت مش مسموع و ابتدوا غسيله بالغصب .

"' انا لطيفه انا واختى البنات الوحيدين فى عائله امى والباقى شباب نظرا لعددنا الصغير دا لان تاتا مخلفه ولدين وبنت ، خالى الكبير معاه ( اسر وخالد وفؤاد ) وخالى الوسطانى معاه( عمار ومحمد وحسن ) وامى اخر العنقود جابتنا بنتين ، اختى مخطوبه لعمار وبيحبوا بعض ، وانا بحب اسر بس البيه مش واخد باله اصلا. "

ـ وهما بيغسلوا الخرطوم فلت من ايدى راح جيه على فؤاد راح فؤاد مسكه وغرقنى بالمايه روحت جريت ومسكته منه وغرقته وغرقت كل اللى واقف بالمايه وفضلنا نلعب بالميه ولاحظت اسر بيبصلى وانا كنت ببصله وابتسم لحد ما لقينا خالى بيقول : انتوا بتغسلوا ولا بتلعبوا خلصوا ياله ونزل وسابنا ضحكنا كلنا وخلصوا السجاد .
ـ حقيقى انا تعبتلهم لان السجاد كان كتير اوى دا انا كنت ماسكه الخرطوم وتعبت وملك من رش البرسيل تعبت اومال هما بقا .

ـ روحنا بيتنا وكل يوم نصلى التراويح و نسهر كلنا وحقيقى
اجمل ليالى هى ليالى رمضان .

ـ ملك هى وعمار خطيبها بيتفسحوا وانا هروح اصلى التراويح لوحدى .
ـ صليت وخرجت لقيت شويه شباب كدا واقفين على جنب وشكلهم مش مريح فسرعت خطوتى ولقيتهم بيعاكسوا .
ـ مردتش عليهم وفضلت ماشيه فلقيت اللى ماشى ورايا بيقول : صحيح طلع الاسود على الاسد بيجيب الحسد .

ـ اتوترت وفضلت ماشيه لحد ما سمعت واحد صاحبه بيقول سيبها ياعم وتعالى .
ـ فضلت ماشيه ووقفت على حته على جنب اخد نفسى لانى توترت ،لقيت اسر وحسن شافونى وجم عليا .
ـ اسر اتكلم : مالك واقفه كدا ليه .
ـ ا ا انا واقفه شويه وكنت همشى .
ـ حسن : مالك متوتره كدا ليه .
ـ م مفيش هتوتر من اى يعنى .
ـ ممكن يا حسن تمشى وانا هحصلك .
ـ حسن هز راسه ومشى لقيته بصلى وانا بصتله باستغراب .
ـ اى فى اى بتبصلى كدا ليه .
ـ مفيش بس اى اللى خلاكى تصلى لوحدك .
ـ مفيش يا سيدى بس ملك هى وعمار راحوا خرجوا وانا روحت صليت .
ـ لقيته مسك ايدى وقالى تعالى ياله نتمشى شويه .
ـ اتوترت من مسكت ايده معرفش يمكن تكون مسكه اخويه او حاجه بس انا حسيت بحاجه غريبه واحساس غريب فسحبت ايدى بهدوء من ايده فلقيته بيبص ورايا بنظره غضب حسيت انه الشاب اللى كان بيرخم عليا ومسك ايدى ومشينا وانا استسلمت ومشيت معاه ....

قعدنا فى كافيه وطلب اتنين عصير .
ـ ممكن افهم مسكت ايدى ليه وجينا هنا ليه ياابن خالى .
ـ ابتسم وقال ببراءه: مسكت ايدك علشان ماتتهوش منى يابنت عمتى .
ـ يسلام يعنى انا مش عارفه طريق بيتنا وشهقت بصدمه : ماما اكيد قلقانه علشان انا اتاخرت انا مروحه .
ـ مسك ايدى قعدنى وقال عمتى عارفه انك معايا .
ـ بلمت وقولت : عارفه منين ..؟
ـ بصراحه كدا يا لطيفه انا هتجوزك فى شهر ٦ الجاى .
ـ ضحكت وقولت : اللى هو بعد شهرين دا .
ـ ابتسم وقال : اه وفى نفس يوم اختك وعمار كمان .
ـ شكل كدا وانت جاى فى السكه انبوبه وقعت على دماغك ولا حاجه انا قايمه مروحه .
ـ على فكره يا لطيفه .
ـ بصيتله وقولت : فى هبل تانى عايز تقوله .
ـ هو مش هبل على فكره .
ـ انجز وقول عايزه اروح .
ـ بـحـبــك .
ـ بربشت بعيونى كذا مره وقولت : اى قولت اى .
ـ يعنى دبش وكمان طرشه قولت : بـحـبـك يا لطيفه .
ـ عيونى دمعت من الفرحه وقولت : وانا كمان بحبك .
ـ طب مانا عارف .
ـ كالح اوى بس بحبك بس قولى حبيتنى امتى يا ابن خالى .
ـ من زمان بس من يوم غسيل السجاد تاكدت من حبى ليكى .
ـ ضحكت وقولت :طب ياريتنا كنا غسلنا السجاد من زمان ياابن خالى .
ـ مسك ايدى وقال : والله ابن خالك واقع من زمان يا بنت عمتى .

" وكأن مسكت يدك تحتوي على طمأنينة العالم .. ♡ "

ـ لـ روان احمد.
ـ تمت .... ♡
ـ متنساش الفوت ورأيكم يا لُطاف 💝