اسكريبتات روان أحمد ♥️

اسكريبت 12

#اسكريبت.

يخربيك إيدك يا شيخ إيديك دى ولا إيد هون .

-خفيفه يا بت قومى اعملى كوبايه شاى بقى.

-الهى تتشوى فى نار جهنم انت إيه كل شويه شاى شاى انا زهقت من القهوه اللى عايشه فيها دى .
خلصتى المرشح قومى يالا .
ابو شكلك يا شيخ روح عليك كميه برود تغطى قاره افريقيا بحالها .
- ماتعملهوش من غير نفس اصل انا عارفك لما ماتكونيش عايزه تعملى حاجه بتطلع وحشه شبه وشك .
- دمك سم .
عملت الشاى وطلعتله :الشاى اهو .
-تسلم إيدك يا قمر.
-إيه التحول دا يا عريس انت كلمت حبيبه غيرتك مزاجك ولا إيه .
- اتكلم بهيام :هى من ناحيه تغير المزاج فهو اتغير فعلا .
-يخراابى على الحب ،اوعدناااا يارب .
-بضحكه استفزاز :هو بكرشك دا هتتحبى .
رجعت خلصه شعرى ورا ودنى بغرور :الست من غير كرش ما تسواش قرش مش زيك يا خله سنان انت .
-انا خله سنان طب تعالى هنا بقا لما اوريكى .
جريت منه وهو جرى ورايا كالعاده بتاعتنا علشان يضربنى
وانا اللى كالعاده باخذ ضرب ولا اكننا مصارعين فى حلبه قصدى بديله انا وعلشان بيصعب عليا بخليه يهزمنى ربنا يجعلنى دايما من جبر الخواطر ..
استوووب شويه......
(احب اعرفكوا بنفسى أنا مى عندى 20 سنه فى كليه أدآب والمصارع دا أخويا على هيتجوز قريب ياله خلينى اخد أوضته علشان اكبر من بتاعتى ..).
~~~~~~~~~~~~~~~~~~~~~~~~~~~
انهارده فرحك ياعريسسس صحى النوم ياله .
-الله يخربيتك ويحرق اليوم اللى شوفتك فيه غورررى من وشى .
-بقى كدا يا علوه تكرش اختك ياله يعم هستحملك بس النهارده علشان انت عريس.
-طب شكرا لكرم اخلاقك اطلعى بقى واقفلى الباب وراكى.
-طب فووق بقى علشان انهارده فرحك هااا.
"""""""""""""""""""""
دخلنا القاعه واخويا القمر وعروسته القمرين بيرقصوا سلو وحاجه قمر ماشاء الله،اوعدنااا يارب .
روحت علشان اسلم على المعازيم وجت الفقره اللى الكل بيحبها ايوااا هى المهرجانات وياله نولعهااا بقاااا.
لقيت ماما بتنادى عليا روحتلها .
-فى حاجه يا ماما .
-اه تعالى علشان تسلمى على طنط عفاف وابنها اللى لسه جاى من برا .
-فى نفسى "امى شكلها ناويه توافق راسين فى الحلال 😂".
روحت سلمت على طنط وابنها اااه على ابنها دا الواد حليوه وقمر والله .
  -خلصنا الفرح وودعت اخى الوحيد إهئ إهئ إهئ
- ماتعيطيش يا مى ما انا هبقى اجيلكوا علطول .
- فى نفسى 'ايداا انا بعيط ليه اوضته انا هاخدها نيهاهاها ،    -لولولولولولى مبااارك اخى العزيز .
-ايه التحول المفاجئ دا .
-سيبك منها يا روحى هى علطول هبله كدا .
وركب عربيته هو وعروسته ومشى على بيته ،وانا وماما وبابا روحنا ونمنا من التعب .
تانى يوم صحيت طبعا هنقلب الشقه كلها ترويق ومسح وهد حيل وقطم وسط ونشغل الصب ونشتغل بذمه بقا 😂.
عدى شهر على جواز علوه، عقبالى بقا وودونى على بيت حبيبى نعيش مع بعض .
لقيت تليفونى بيرن ،ووه دا رقم غريب .
-الو مين .
- يا جمال الفستان ولون الفستان عليكى.
-احلف بالله كان حلو اصل صحابى كانوا بيقولوا انه متخنى سيكا .
-والله الفستان كان حلو صحابك دول مش بيفهموا .
-هههههههه طب اتصدق انك دمك عسل ،اوعك تكون معجب ولا حاجه انا كدااا اتغر ههههه .
-اعتبرينى معجب  .
-سكت شويه بصدمه وقفلت فى وشه ، انا ناقصه هبلك على الصبح قال معجب قال ههههه ،بس ياترى مين دا ،اما اقوم اكل الاكل  افيد من التفكير .
عدى وقت ولقيت طنط عفاف جايه تقعد معانا شويه والصراحه طنط عفاف دمها خفيف وسكر سبتها هى وماما يقعدوا مع بعض سوا واخدت قعدتها ومشت .
تانى يوم لقيت علوه داخل قومت حضنته عريسنا عامل ايه .
-الحمد لله بخير .
-اومال عروستنا فين .
-سيبك من حبيبه انا عايز اتكلم معاكى شويه .
- اتفضل يا استاذ علوه قول .
-فى واحد صاحبى عايز يتقدملك .
-يخويا اخيراا شوفت منك حاجه عدله ما انا ياما قولتلك هاتلى واحد صاحبك بس يكون حلو وانت اللى منفضلى.
- هههههههه يخربيتك يا مى عمرك ماهتتغيرى ابداا على العموم هو جاى بكرا تمام .
بوسته من خده :تمام يا عريس زق عجلك بقا علشان استعد .
-بصدمه من دلوقتى .
-اوماال ياله خد الباب فى ايدك .
تانى يوم لبست فستان سيمبل ولفت طرحه شيك وطلعت بصنيه الحاجه الساقعه حطيت الصنيه وقعدت جنب بابا ،رفعت عينى اشوف مين اللى قاعد لقيت ابن طنط عفاف دى باينلها احلوت اوى يابوى هههه .
يا آنسه مى .
هاا نعم .
-بقالى شويه بنادى عليكى اقولك انهم سابونا وخرجوا وانتى سرحانه ومبتسمه .
-احيييه على الكسفه اللى انا فيها ،اسفه انا معاك اهو .
-بما انك مكسوفه ابدا انا :انا لسه جاى من لندن كنت بدرس هناك اداره اعمال والحمدلله اشتغلت وكونت نفسى كمان ونزلت علشان العروسه وبعد فرحنا باذن الله هنسافر تانى وانا عندى 28 سنه  .
-فى نفسى "يبركت دعاكى ياما هسافررر لندن هههه "
فوقت من تفكيرى عليه وهو بيقول :وانتى بقا .
-عرفته بنفسى وبعدين سألته :انت بتعرف تعوم .
-استغرب سؤالى وقالى اه بعرف ط
قاطعته وبسأله :اوعك علشان تكون استقريت هناك فتره طويله تكون اوبند ميند ومش حمش على حريمك .
-ابدااا دا انا عندى عرق صعيدى .
-ضحكت على كلامه وهو شاركنى الضحك وبعد كدا مشى حقيقى كان لطيف جدا .
العريس وافق وانا صليت استخاره واستريحت و وافقت عليه وجيه يوم الخطوبه .....
وانا وهو قاعدين فى الكوشه لقيته ميل عليا وبيقول :ياجمال الفستان ولون الفستان عليكى .
-بالله عجب قطعت كلامى لما افتكرت ومعالم الصدمه بانت على وشى هو انت .
-اه انا  .
-بس جبت رقمى منين ساعتها.
-البركه فى مامتى ومامتك وكمان انا حبيتك اول لما شوفتك فى فرح على وقولت هى دى  .
- يعنى انتوا مطبخينها سوا وانا الهبله اللى فى النص .
-يعنى انتى سيبتى كل اللى قولته ومسكتى فى انك ماكونتيش تعرفى .
اه ازااى يعنى امى تخب
قاطعت كلامى لما لقيته مسك إيدى وبيقولى بحبك .
- "الاه الاه الواد ثبتنى الصراحه 😂" ضحكت وسكتت .
" ضحكت يعنى قلبها مال .

-روان أحمد ♥️🦋.
ـ رايكم يا قمرات 🦋.