ـ حرااااامى .
" سمعت صوت اختى وهى بتقول حرامى معقول حرامى الساعه 8 بالليل لا وكمان جاى وانا بسرح شعرى توقيت غلط خالص فجريت اخدت عصايه كانت جنب سريرى وجريت على الصوت ".
بصيت بحذر من ورا الستاره لقيت واحد كدا وماسك اختى مكمم ليها بقها بايده وبيوشوشها بحاجه فى ودنها ...
دماغى فى لحظه فكرت ارجع ارن على بابا وماما يرجعوا بسرعه يلحقونا ولا ممكن يأذى اختى فى الشويه دول فبسرعه جريت وخبطته بالعصايه على دماغه ولحسن حظى انه كان ظهره ليا .
ـ وقع وبسرعه جريت على اختى اطمن انها بخير لقيتها بتضحك .…
بتقولى : يخربيتك يا قمر اى يا بنتى الشجاعه دى الحمد لله يعنى ضمنت ان ابن خالتك هيكون فاقد للذاكره.
ـ ابن خالتى مين هو دا مش حرامى يا زفته ...؟؟؟
بضحك=لا يختى دا انا ومؤمن اللى عملنا كدا .
ـ بغيظ روحت انقضيت عليها بقا يا كلـ..ـبـه كنت هموت من الرعب بسببك وممكن كنت قتلـ..ـته فيها طب وحياتك لما امك وابوكى يجوا لخليهم يقـتـ..لوكى وبعد ما الماتش بتاعنا خلص...
^ لقيت اللى قاعد على الارض وماسك رأسه .
ـ روحت ناحيته بغضب بقا يا معفـ..ـن اول لما تاخد اجازه من الجيش تقطعلى فيها الخلف كدا منك لله ومفيش حمدالله على السلامه.
ـ لقيته ضحك وقال :دا انا كنت هموت بسببك بقا حد يضرب حد بالعنف دا .
ـ هو انت كنت حد دا انت حرامى بس لما اشوف امك لخليها تنفخك على عمايلك دى .
ـ طب روحى لمى النكشه دى الاول بعد كدا تعالى اتكلمى.
كل دا تحت ضحك شمس اختى سبتهم ودخلت بغيظ كملت تسريح شعرى ونمت .
(تانى يوم ) فى التجمع العائلى :.
كله عمال يضحك على اللى حصل بعد ما مؤمن وشمس حكوا ليهم وطبعا العيله لما صدقت حاجه تمسك فيها وتفضل تغلس علينا بيها ..
خالى اتكلم : جدعه يا قمر والله يستاهلوا اللى انتى عملتيه لا بجد بنت اختى بميت راجل .
ـ ابتسمت وقولت بغمزه: شكرا يا خالو يا حبيبى انا كدا هجوزك عروستك عندى .
ـ اتكلم بضحك : ايوا بنت اختى اللى حاسه بيا وعارفه انى عايز عروسه .
ـ لقيت مراته نكزته فى جنبه راح حضنها وقالها كلمتين ثبتها خالى دا ناصح من يومه وبعد مرح من العيله روحنا ....
" قمر ...
ـ نعم يا شمس ..؟
ـ بحزن :مؤمن راجع الجيش .
ـ طب يا شموسه مستنيه إيه روحى ودعى حبيب القلب .
اتكسفت = إيه حبيب القلب دى عيب يا قمر كدا .
ـ بغمزه :طب بلاش حبيب القلب خليها قره عينك .
ـ ضحكت وقامت تروحله .
{اختى ومؤمن بيحبوا بعض بس اختى خجوله شويه وهى اكبر منى وشكل خطوبتهم قريب .}
{بعد شهرين }.
ـ سى مؤمن نزل أجازه فاحنا كلنا رايحين نصيف ...
ـ عيلتى وعيله خالتى وخالى رايحين المصيف واقفين قدام العربيات مستنين الكل يتجمع علشان ننطلق وانا متحمسه لانى انا اللى هسوق .
* وصلنا مطروح كل عيله راحت الشاليه بتاعها وبالليل هنتقابل فى المطعم نتغدى كلنا ...
وصلنا المطعم لقينا العيله اكلنا وقعدنا على الشط فجأه مؤمن قام وقال انا ليا اتنين اصحابى هنا فهما هيجوا يقضوا معايا الايام اللى هنقضيها هنا ..
فخالى كان هيعترض علشان بنته هنا معاه وبالمناسبه هى عندها 23 بينى انا وشمس .
ـ بس وافق فى الاخر بما انهم هيبقوا فى شاليه لوحدهم .
جم والكل اتعرف عليهم واحد اسمه عمران والتانى اسمه طارق ،وهما الصراحه باين انهم محترمين وانا حاسه انى اعرف عمران دا .
ـ كنا بنزل البحر سوا وناكل سوا فاندمجنا سوا بسرعه وحاسه انى فى اعجاب ما بينا ...
انا وهنا وشمس وعمران وطارق ومؤمن فى سن بعض تقريبا .
فيوم العيله طلعت تتفسح فى مطروح واحنا الشباب قعدنا على الشط سوا ...
-اقترحت نلعب الصراحه بس اللى هيجى الدور عليه يقول بدون كدب احنا تقريبا منعرفش بعض فاللعبه دى هى المناسبه ...
رحبوا بالفكره وقعدنا على شكل دائره بقيت انا قصاد عمران وهنا قصاد طارق وشمس قصاد مؤمن .
وبعد أساله كتير الازازه
لفيت وكان الدور على هنا و مؤمن .
ـ هنا : حبيب حد قبل شمس .
ـ مؤمن بابتسامه : انا محبتش ولا هحب غير شمسى .
شمس ابتسمت بخجل .
ـ لفت الازازه وجات عليا انا وعمران.
ـ انا ممكن اكون شوفتك قبل كدا انا صح ولا بتهيألى .
ـ ابتسم وقال: فعلا شوفتك فى كافتيريا والصراحه لعب فى شعره بتوتر وقال : اعجبت بيكى و رخمت عليكى علشان اخد رقمك وانتى سبتينى ومشيتى .
ـ افتكرت اللى حصل وسكتت واللعبه استمرت .
ـ طارق بيسأل هنا : انتى عمرك حبيبتى قبل كدا .
ـ هنا :الصراحه لا .
ـ ابتسم وقال بجراءه: انا بحبك من اول ما شوفتك وهطلبك من ابوكى .
ـ تسقيف وصفير من الشباب ليه وكلنا ضحكنا وانبسطنا لهنا وطارق ..
لقيت عمران قام وقال بصوت عالى علشان الكل يسمعه :. وانا عايز اقول انى كنت معجب بقمر بس دلوقت بقيت احبها وعايز اتجوزك توافقى تتجوزينى..؟
ـ لقيت الانظار كلها موجهه ناحيتى وانا بخجل لاول مره اهز رأسى بموافقه .
ـ كله سقف وفرح والبنات حضنوننى والشباب حضنوا بعض والفرح والسعاده ملت المكان والجو ..
ـ خلصت اللعبه على حب جديد وحياه جديده وبدل الخطوبه هيبقوا تلاته......
{بعد مرور أربع سنوات }.
قاعدين كلنا على الشط كل واحد حاضن مراته وبنفتكر ذكرياتنا اللى حصلت فى المكان دا من اربع سنين واننا وعدنا بعض ان اول لما نتجوز كلنا نرجع للمكان اللى جمعنا واعلنا حبنا فيه لبعض ..
لقيت مؤمن بيهمس لاختى انه بيحبها وطارق همس لهنا انه بيعشقها وبيحمد ربنا اللى جمعه بيها ..
نكزت عمران علشان يتلحلح هو كمان وينطق بصلى وقال بوجع :إيه يا قمر يا حبيبتى حد ينكز حد فى جنبه كدا ..؟
ـ اتكلمت بغيظ : يعنى كل واحد عمال يحب فى مراته إلا انت سادد نفسى دايما .
ـ لقيته ضحك وشدد من حضنه ليا وقال : انا مهما اقول من كلام عمرى ما اقدر اوصف حبى ليكى عامل ازاى وحط إيده على بطنى وقال امتى تيجى بقا يا حبيب بابا علشان امك جننتني على الاخر .
ـ ابتسمت وضربته بخفه على كتفه وقولت بصوت عالى: أيه رأيكوا يا شباب نلعب لعبه الصراحه .
ـ ضحنا كلنا وقومنا بحماس نعيد ذكرى الماضى بس بحاضر اجمل واحلى .
"أختارت حبك عن حب البقيه واكتفيت ♥️".
لـ روان احمد 💜.
ـ تـمـت💜.
رأيكم 💝
أنت تقرأ
اسكريبتات روان أحمد ♥️
פרוזהادخل عالمى بحيث يوجد المرح والكوميديا والكثير لتستمتع به وكل اسكريبت غير مرتبط باللى قبله.
