اسكريبتات روان أحمد ♥️

اسكريبت 33

ـ ما وظيفه القلب ..؟
ـ ضخ الدم لجميع انحاء الجسم .
ـ بعبوس :غلط علشان يحبه بس .
ـ  بعدم رضا : يسلام على المحن يختى .
ـ طب إيه وظيفه العقل...؟
ـ  حطت إيديها على خدها وقالت :قوليلى انتى يا أستاذه المحن .
ـ انه يفكر فيه دايما .
ـ طب قوليلى يا محن إيه وظيفه المراره .؟
ـ إيه دخل المراره فى الكلام دا ....؟
= قومت من على السرير وروحت عليها وقلت بغيظ وانا بضربها : علشان تستحمل الكلام المحن اللى انتى بتقوليه دا .

تانى يوم كنت واقفه انا واختي فى البلكونه وسرحانه فيه كالعاده ، لقيت اختى بـتلكزنى فى جنبى  وقالت بسرعه بصى يا بت يا حبيبه اهو حبيبك هناك اهو ...
ـ بصيت ناحيته بلهفه اصلى بقالى كتير ماشوفتهوش .
ـ لقيت اختى بتقولى بصوت عالى وهى بتغمزلى : بت يا حبيبه مش احنا كنا عايزين نشا علشان نعمل سحلب يابت .
ـ فهمت قصدها وقولت اه صحيح عايزين نشا طب انا نازله علشان اشترى .

ـ ماما سمعتنا وقالتلى انها عايزه ٢كيلو مكرونه وحلبه وفلفل اسود بالمره قولتلها ماشى وروحت لبست العبايه والطرحه ونزلت بسرعه .
ـ لقيته واقف على ناصية شارعنا وداخل نفس المحل اللى هدخل اشترى منه عينى طلعت قلوب ومديت فى خطوتى وروحت المحل .

ـ دخلت المحل لقيته بيشترى سجاير قره عينى بيشرب سجاير يا عيال ان شاء الله هخليه يبطلها ابتسمت بثقه وقولت لعمو البياع قولتله طلباتى هو اول لما سمع صوتى التف ناحيتى وبصلى وبعد كدا اخد باقى فلوسه وبص عليا بصه اخيره ومشى انا استغربت نظراته يكون عارفنى ولا اى .
ـ اشتريت طلباتى وطلعت من المحل ودخلت العماره وبصيت بصه اخيره ناحيه ناصيه الشارع لقيته بيبص ناحيتى وشبه ابتسامه على شفايفه .

ـ عدى وقت كتير وانا ماشيه فى الشارع بجيب شيبس وبسكوتات وحاجات كتير كدا علشان عيال اخويا عندنا النهارده فـ لقيت عربيه بتبيع تفاح فقولت اشترى نقيت ليا ٢كيلو ودفعت تمنهم ....
فلقيت اللى بيقول لو سمحت يا آنسه .
ـ التفت للصوت اللى شبه خمنت ان هو بس قولت اكيد لا يعنى بس طلع هو فقولت : افندم .
ـ فقال بعشم ولا اكنى قريبته : ممكن تنقيلى ٢كيلو تفاح .
ـ بلمت من الطلب شويه وبعد كدا ابتسمت ليه وقولت طب ممكن تمسك الاكياس دى عقبال اما انقيلك .
ـ ابتسم وقالى : اكيد .
ـ حسيت وانا طول ما بنقى التفاح عينه متبعانى خلصت وهو دفع وانا اخدت الاكياس بتاعتى منه والتفت علشان امشى لقيته قال يا آنسه .
ـ التفت ليه وقولتله :حبيبه .
ـ ابتسم وقالى شكرا وطلع تفاحه من الكيس وقالى ممكن تاخدى دى تعبر عن شكرى ليكى .
ـ ابتسمت وقولت انا شاريه والله تفاح زيك شكرا ودا اولا ثانيا بقى العفو انا معملتش حاجه يعنى علشان تشكرنى .
ـ قال : بس ممكن تقبلى دى منى يا حبيبه .
ـ ابتسمت وقولت : العفو يا
ـ هلال اسمى هلال .
ـ اخدت التفاحه ومشيت جريت على بيتنا ودخلت اوضتى وحكيت لاختى اللى حصل اختى فرحتلى علشان انا كنت دايما بشوفه على اول شارعنا بس مااعرفش ولا اسمه ولا هو ابن مين ولا اى حاجه عنه مسكت التفاحه حضنتها بفرحه ونمت .

ـ امى قالتلى ان فى عريس جاى لاختى فرحت ليها لانى انا وهى فى سن بعض 20 سنه طلعت قعدت معاه ووافقت عليه وفرحنا وهيصنا وجيه يوم الخطوبه لبست الدريس والميك اب الهادى والناس جم ولبسوا الدبل ودخلت وقفت فى البلكونه واتنهدت بزعل لانى مشفتش هلال انهارده .

ـ لقيت اللى بيشيل ايدى من على خدى وقال بلطف: ليه القمر زعلان .
ـ التفت ليه بخضه غمضت عينى وقولت بصوت عالى :  لا دى اول مره تحصل واتخيله هو الحب وصل للدرجاتى فين اختى تفوقنى زى ما بتفوقنى دايما .
ـ  ضحك وقال :طب هى بتفوقك ازاى وانا اعمل زيها .
ـ فتحت عينى بصدمه وقولت :دا انت بجد .
ـ مسك ايدى وباسها وقال وانا كل دا تحت صدمتى :بحبك يا حبيبه .
ـ ما استوعبتش اللى قاله وقولت : لا اكيد دا حلم فينك يا حنين تيجى تصحينى .
ـ طب وكدا هتصدقى جايه ابص اشوفه هيعمل اى مالحقتش لانه باسـ..ـنى من خدى وضحك .
ـ ضحكت انا كمان وقولت : انا اتاكدت ان دا حلم خلاص مادام انه حلم فهبو...سك انا كمان وروحت بو..سته من خده .
ـ لقيته ضحك وقال مجنونه والله وشدنى من ايدى وقالى فين باباكى ..؟
ـ شاورتله عليه بابتسامه هبله على وشى فلقيته شدنى وراح عنده وقاله : انا طالب ايد بنتك يا حاج .
ـ بابا ابتسم وقاله : طب انت شايف ان دا وقته يابنى .
ـ بص حواليه وقال بالعكس دا انسب وقت ونخلى الفرحه فرحتين .
ـ ماشى يا ابنى  على عينى وعلى راسى والله بس بردوا مش اصول نعرف انت مين واصلك وفصلك وكدا .
ـ عندك حق عارف عبد الحق حجاج .
ـ عز المعرفه يا ابنى .
ـ انا ابنه هلال يا حاج .
ـ كل دا وانا واقفه مبتسمه لانى عارفه انى فى حلم مستحيل يكون دا حقيقه يعنى .
ـ بابا بصلى وقالى موافقه يا حبيبه ابوكى.
ـ ابتسمت وقولت : اكيد موافقه دى محتاجه سؤال يعنى .
ـ بصلى باستغراب وقال : خلاص على بركه الله .
ـ وكان تانى يوم خطوبتى عليه .

اتاكدت انى مكونتش بحلم ساعتها  واتكسفت اوى من نفسى .

ـ واقفه فى البلكونه مستنياه فابتسملى وطلع وقف جنبى فى البلكونه .
ـ جيه سؤال على بالى فسألته: ازاى حبيتنى وامتى اصلا .
ـ ضحك وقال : علشان التفاح اللى نقتيه طلع مسكر .
ـ ضربته فى كتفه وقولت : لا بتكلم جد .
ـ انا اصلا كنت بقف على ناصيه شارعكوا علشانك وعلشان اشوفك وانتى فى البلكونه وتفضلى تدورى عليا بعينك واول لما عينى تيجى فى عينك تجرى على جوه حبيتك ووقعت فى حب عينك البنى دى وضمنت انى هاكل تفاح مسكر من ايدك دى طول العمر.
ـ ابتسمت بخجل وبصيت ليه بحب زاد اكتر بعد ما عرفته .

"وكنت بعينى حُلما جميلاً أفقت و ياليتنى لم افق 💍💕".

لـ روان احمد.
ـ تـمـت ...✨
ـ رأيكم يا لُطاف 💝.