اسكريبتات روان أحمد ♥️

اسكريبت 17

اسكريبت .

فى عر.....
ـ بجد فى عريس جاى يتقدم دا انا هزغرط من الفرحه .
ـ ما تتهدى بقا يا زفته انتى انا بقولك فى عربيه بتبيع تفاح معديه انزلى اشترى اتنين كيلو يالا.
ـ منها لله الامومه ..
ـ بتبرطمى بتقولى إيه يا بت .
ـ بقول حاضر نازله اجيب ، لبست الاسدال بسرعه ونزلت ياعموووو اقف ياعموووو وقف الحمد لله جريت عليه اشتريت اتنين كيلو وجايه ادفع اوبسس نسيت الفلوس .
ـ ياعمو البياع انا نسيت الفلوس هروح اخلى ماما تنزلها فى السبت وجايه .
ـ ماشى يا بنتى وانا واقف اهو .
جريت على بيتنا يا مامااااا يا مامااااا .
ـ طلعت من البلكونه واتكلمت:إيه يابت نسيتى إيه .
ـ الفلوس نزلى 40 جنيه فى السبت .
ـ لييييه يختى 40 دا كيلو التفاح فى كل حته بـ 15 جنيه بس يعنى الاتنين بـ 30 مش 40 اللى هيضحك عليكى علشان لقاكى هبله .
ـ احم ... لا ما انا هديله 30 والـ 10 هشبرق على نفسى بيهم .
ـ طب نزلتهم فى السبت اهم ولما تيجى حسابك معايا .
ـ نهااار اسووح انا اكتر كلمه بترعب منها اصل انا عايشه مع اسد الغابه الذى لايرحم فى المسائل الماديه بذات .
ـ جريت على عمو البياع اخدت التفاح ودفعت الحساب وروحت لسوبر ماركت عمو حسن العسليه .
ـ صباحك فل يا عم حسن يا عسل انت .
ـ صباحك عسل يا تالين  .
ـ خد ياعم حسن تفاحه اهى حلى بيها بعد الفطار وانا هدخل اجيب شويه بسكوتات على كنزايه كدا.
ـ ادخلى خدى اللى انتِ عايزاه يا بنتى .
ـ دخلت جبت حاجات لا تعدى الـ 10 جنيه"شوفتوا انا موفره ازااى هاتولى عريس بقا 😂" وروحت قعدت على سلم العماره بس السلم اللى بعدينا بدور بحيث نبع الحنان ماتشوفنيش ...
قعدت اكلت البسكوت والكنز وروقت على حالى لقيت اللى خارج من الشقه اتكسفت لانى منظرى كانى طفله هربانه تاكل الحاجات دى من ورا امها .
لقيت واد كدا مش حلو اوى يعنى بس ملامحه حلوه ودا هيبقا عري...
قاطع تفكيرى وهو بيقول :بقالى ساعه يا آنسه بكلمك .
انتبهت ليه وقولت افندم كنت بتقول إيه .
ـ كنت بقولك لو محتاجه حاجه .
ـ احم لا شكرا وجريت على تحت خبطت نبع الحنان قصدى الاسد الثائر مستنينى دخلت وانا بجر فى رجلى .
ـ فى أيه يا ماما انتى مالك تعبانه ولا حاجه .
ـ دا انا هطلع تعبى كله فيكى دلوقتِ تعالى بس، جريت منها قولى بس يا أمى بالله عليكى انا عملت ايه غلط .
ـ بقا يا كلب البحر انتِ بعتاكى تجيبى 2 كيلو تفاح تغيبى نص ساعه .
ـ إيدااا بجد دا الوقت مع عمو حسن بيعدى هوااا .
ـ دا انا اللى هخليكى تعدى الثانيه بعد كدا وهوب لقيت الخرطوم الاحمر بتاع الحمام نزل على دراعى وانا خدته من هنا وجريت على اوضتى اضحك "ماتستغربوش انا محتاجه 2 كيلو دم علشان معنديش " قعدت فى الاوضه ولا كلت ولا شربت كانى مقموصه وكدا "لكن انا حاطه تحت السرير عندى علبه بسكوت لوقت العوزه وازازه مايه "اصلى اتحطيت فى الموقف دا كتييير"اسال مجرب ولا تسال طبيب".
ـ تانى يوم الصبح خلاص هموت واكل والعلبه خلصت قومت دخلت الحمام وصليت واقتحمت التلاجه طلعت كل اللى يصلح للفطار وقعدت كلت وبصوت عالى .
ـ يا ماااامااااا انا رايحه الكليه .
ـ قامت مفزوعه من النوم طب لما تيجى يا تالين الكلب وكملت نوم تانى .
نسيت اعرفكوا بنفسى "انا تالين عندى 22 سنه كليه حقوق وانا وامى عايشين سوا بعد ما ابويا توفى وحد يساعدنى ويجيب عريس اصلى اتخنقت من الكليه نفسى احضر الفطار لشريان قلبى مره بس شكلى كدا هاخد معاش ابويا "
ـ حضرت المحاضرات انا والبت منار وخرجنا روحنا كلنا حواوشى وشيبسى وكنز والدنيا فل وجميله لحد اما لقيت اسمه إيه دا معرفش اسمه اللى قابلته فى العماره عندى
ماشى هو وحد وعمال يزعق ليها جامد وهى قاعده تعيط .
ـ روحت ناحيتهم وقربت منهم وقولت ليه :كفايه لو سمحت زعيق الناس كلها ملمومه حواليكوا وروحت حضنت البنت وطبطبت عليها ،انتى كويسه .
هزت راسها بمعنى لا شاورت لمنار علشان نسدها سوا لان البت منهاره من العياط واسمه ايه دا لسه واقف روحت عنده وقولت : انت تعرف البنت دى ساكنه فى علشان اوصلها .
ـ دى اختى يا انسه وانا اللى هوصلها .
ـ تمام وانا هاجى معاك .
ـ بس ،قاطعته مفيش بس يالا قدامى .
وسندتها وركبنا العربيه بتاعته ووصلنا العماره وطلعت انا بيتى بعد ما اطمنت عليها وتانى يوم طلعت ليهم ..
ـ خبطت ولقيت طنط فتحتلى ،ازيك يا طنط عامله ايه.
ـ الحمد لله يا بنتى ،انتى جايه لملك بنتى .
ـ اه ياطنط انا تالين جارتكوا اللى فى الدور اللى تحت .
ـ اهلا يابنتى تعالى اتفضلى .
دخلت قعدت فى الصاله ولقيت طنط جابت عصير وبتقولى انتى بنت فوزيه .
لا يا طنط انا بنت ام تالين .
لقيتها بتضحك وبتقولى طب انا هروح انادى ملك .
عامله ايه يا ملوكه .
ـ الحمد لله اننى اخبارك ايه.
ـ الحمد لله يستى المهم طمنينى عليكى انتى .
انا بخير والله وشكرا لسؤالك عليا يا
ـ تالين اسمى تالين .
"وشويه شويه اتصاحبنا انا وملك ومامتى بقت صاحبت مامتها وبقينا اهل وبقيت انا واسلام وملك اخوات واصحاب ،وطلعت ملك اليوم اللى عيطت فيه دا ان اخوها عايز يروح وعايزها تروح معاه  وهى مش عايزه فشدوا قدام بعض فحصل اللى حصل "
بعد فتره لقيت ماما بيقولى فى عر ..
قطعتها وقولت سمعت ياماما ان عمو البياع بيلف بمانجا هنزل اجيب مانجا حاضر .
ـ اصبرى يا بنت الموكوسه مش عايزه مانجا.
ـ اومال إيه ...؟
ـ فى عريس جايلك .
ـ بجد والله ياما انت كريم يارب مين بقى ..؟
ـ اسلام ...
ـ اسلام مين ابن ام اسلام .؟
ـ مالك هنجتى ولا إيه ايوا الواد اتقدم وهتقعدوا انهارده بعد المغرب مع بعض.
ـ يختاااى وجايه تقوليلى العصر الله يسامحك يا ماما .
ـ يختى قدامك لسه كام ساعه جهزى نفسك يالا وبردوا انزلى هاتى مانجا .
ـ حاضرر هوا علشان نفسى فيها .جبت وطلعت لقيت ملك قعدنا سوا وبعد كدا مشت وانا لبست بنطلون وبلوزه شيك وطرحه وكان جيه طلعت وسابونا لوحدنا .
ـ اممم إيه الشياكه دى كلها .
ـ شكرا .
ـ انا مش محتاج انى اعرف نفسى بس هقولك بردوا "انا يستى اسلام عندى 25 سنه شغال فى وظيفه حكوميه وعندى شقه جاهزه الحمد لله واتبقى انتى تنوريها ".
ـ يا دى الكسوف بس على مين دا انا جامده ولا يهمنى الكلام الحلو دا  اتكلمت وقولت :وانا يا عم تالين ،اشرب العصير بقا علشان لسه جيباه انهارده.
ـ  ضحك وشرب وقال : ايدا امى اشترت مانجا انهارده بردوا .

"""""""""""""""""""""""""""
إيه رايك فى المانجا .
ـ جميله ياروحى بس مش كنتى عملتى عصير بدل الحوسه وتوسيخ التيشرت كدا .
ـ اعمل إيه بقا ابنك طالب انى اكلهاله كدا .
ـ كل التيشرتات تهون علشانك انتى والمحروس اللى هيشرف .
ـ الاه قال يعنى انت بتاكل المانجا علشانى دا انت بتوسخ التيشرت لانك بتاكلها .
ـ تيشرت مين اللى انتى لابساه دا .
ـ احمم بتاعك ..
ـ  بغيظ :كلى كلى يا تالين وانتى ساكته .
ـ برقه :سلومتى .
ـ نعم يا بختى .
ـ قوم اغسلى واحده كمان .

"يا حظى فيك ويا حظ قلبى الذى احبك 🫀😇"
لـ روان احمد.
رايكم يا لُطاف...❣️👀