اسكريبتات روان أحمد ♥️

اسكريبت 7

#اسكريبت.

ـ بصوت عالى :- هات المأذون يا بابا يالا .
ـ مأذون لايه .
ـ علشان كتب كتابنا يا حبيبى .
" الاب دخل ليهم ومعاه المأذون" .
وكل دا تحت صدمه العريس وفرحه اهله انه هيتجوز .
ـ "بارك الله لكما وبارك عليكما وجمع بينكما في خير " .
ـ العريس فاق من الصدمه لما كتبوا الكتاب ولقى العروسه بتقوله مش هتدينى حضن كتب الكتاب ولا إيه .
ـ بعصبيه : حضن إيه انتي كمان انتى ايه اللى هببتيه دااا .
ـ بابتسامه :يعنى انا بكراش عليك بقالى 3 سنين واول لما تيجى تتقدم هضيعك من ايدى يعنى دا انا اكون هبله اوى .
لقيته بصلى باستغراب وبعد كدا ابتسم اوى اهبل دا ولا إيه وسابنى ومشى وقبل ما يمشى قالى :باى يا عروستى .
" حاسه ان لسه الصدمه مأثره عليه ياله المهم بقيت
مراته ".

ومن يومها ماجاش ولا حتى اتصل بالفون وفى يوم لقيت امى وابويا داخلين وبيقولولى فرحك الاسبوع الجاى .
ـ طب حددته من غير ما تقولى دا انا العروسه يعتبر .
ـ يختى ما احنا كلنا عارفين انك كنتى هتموتى على الولا ولا لما جالك بقا وحش .
ـ احم الله يسترك يا حاجه بطلى فضايح انا غلطانه انى امنتك سرى .
ـ سر سر إيه يام سر دا ناقص شويه وكنت عرفتى عم محمد بتاع الفلافل .
ـ بتسرع :ماهو عارف ... احم
ـ يالا يا حاج احنا غلطانين اللى داخلين نقولها .
ـ يعنى كنتى عايزه تعمليها مفاجاه يعنى .
ـ سابونى ومشوا وجيه يوم الفرح عملنا الفرح والدنيا جميله وروحنا البيت واول لما دخلت لقيته بيقولى بغمزه : والله وبقت الفرخه فى القفص .
ـ فرخه إيه وقفص إيه يا اخ انت .
ـ ما انتِ لو كنتى صبرتى على رزقك كنت انا اللى ناديت الحاج يجيب المأذون لكن نعمل إيه بقا المتسرع متسرع .
ـ على فكره بقا دى مكانتش انا .
ـ اومال مين اختى منى .
ـ بكسوف :الله يكرمك اسكت بقا دا كان يوم ابيض يوم ما عملت كدا .
ـ هو فعلا كان يوم ابيض لان انا وقمرى اتجوزنا يا جميل انتِ .
ـ مصطفى انت ايه اللى حصلك كنت مؤدب .
ـ لا زمن الادب راح خلاص.
ـ لااا انا هروح اوديك عند امك انا كنت واخداك مؤدب الظاهر كدا البضاعه استبدلت .
ـ هههه امى هتقولك البضاعه لا ترد ولا تستبدل خلاص كدا انت لبستى فيا رسمى .
ـ ياله بقا عوضى على الله و هستحملك بس لانى بحبك .
ـ والله وانا دايب فيكى دوب .
ـ يكسوفى 🤭

لـ روان احمد.
رأيكم يا لُطاف ....♥️