ـ واقفه بتزعق من على السلم الخشبى : ولد انت يا ولد يا حرامى تعالى هنا يا يالا .
ـ لقت شاب معدى قالت بسرعه و بصوت عالى : لو سمحت يا أخ ممكن تجرى تلحق الواد دا سرق منـى ...
وملحقتش اكمل الجمله لقيت الشاب دا جرى وراه ، قولت بغيظ كله بسببك يا عبده الكـلـ...ـب انت لازم يعنى تروح تشترى كانز اهو الواد سرق الفانوس وطار ..
نزلت من على السلم وبعد شويه لقيت الشاب دا جابه وجيه وقفت ومسكت الولد من هدومه واتكلمت بانفعال : بقا جاى تسرق الفانوس اللى هعلقه يامعفن وديته فين يالا .
ـ اتكلم ببراءه :الصراحه بقا ان انا اديته لاختى علشان تلعب بيه .
ـ اتكلمت بحزن : بس دا مش فانوس يتلعب بيه دا بيتعلق فى الشارع بس هقولك روح هات الفانوس ونعلقه سوا وبعدها اروح انا وانت نجيب واحد ليك وواحد لاختك وبإبتسامه :اتفقنا .
ـ بس انا مش عايز فانوس ليا انا عايز واحد لاختى .
ـ خلاص روح هاته نعلقه ونشوف بعدها ماشى .
ـ ابتسم وجرى علشان يجيبه .
ـ لقيت الشاب واقف فـاتكلمت بابتسامه: شكرا جدا ليك يا كابتن على شهامتك دى .
ـ مفيش شكر على واجب .
ـ التفت علشان اقعد استنى الولد علشان اعلق الفانوس ...
لقيت عبدالرحمن جيه روحت عليه بغيظ كل دا تاخير مكانش اتنين كانز يعنى .
ـ ما المحل زحمه ولو مش عاجبك ابقى روحى هاتى انتى .
ـ وسابنى وطلع .
اتكلمت قبل ما يدخل باب البيت طب استنى ساعدنى اعلق الباقى بعد كدا امشى لقيته دخل اتغظت منه .
لقيت اللى بيقولى : بس ممكن افهم ايه اللى يوقف انسه زيك فى الشارع تعلق الفانوس والزينه .
ـ ابتسمت بحرج وقولت : انا كل سنه لازم اعمل كدا انا وعيلتى كلها علشان نحس بـبهجه رمضان وغير كدا دى عادتى لكل سنه ، وكل سنه وانت طيب .
ـ وانتى طيبه ، وكمل بحرج :ممكن اقف اساعدك بدل اخوكى اللى فلسع دا .
ـ ضحكت وقولت : ياريت تساعدنى والله اكون شاكره جدا .
وكملت بضحك : اصلا عبد الرحمن دايما كدا بيسبنى ويمشى وانا وكل شباب العيله بنساعد بعض بس رمضان دا بقا فيهم اللى اتجوز واللى مسافر فقولت انا بقا مش هقطع العاده دى وهنزل اعلقها بنفسى السنه دى .
ـ ابتسم وقال : اهو الواد جيه وجاب الفانوس .
ـ جايه اطلع على السلم قال : ممكن اطلع انا ، طلع وناولته الفانوس علقه ونزل .
ـ ابتسم ليا ومد ايده وقال : حصلى الشرف يا آنسه فانوس .
ـ ضحكت وقولت : انا اسعد وعلى العموم اسمى فرح .
ـ وانا سعد .
ـ وانا مصطفى .
" بصينا انا وهو لمصدر الصوت لقينا الطفل دا فـضحكنا .
ـ اتكلمت : طب يا ديشا هروح اغير هدومى واجيلك علطول .
ـ دخلت استاذنت بابا ووافق فـلبست عبايتى المفضله ونزلت لقيت مصطفى وسعد لسه موجود .
ـ استغربت وقولت : انا فكرتك روحت .
ـ انا افتكرت انى عايز اشترى فانوس لاختى فقولت اجى معاكوا بالمره.
ـ ضحكت وقولت بحماس طب يالا بينا .
ـ روحنا اشتريت فانوس لجميله اخت مصطفى وسعد اشترى فانوس عجبنى شكله فاخده وانا اشتريت فانوس ميداليا حاجه على قدى .
ـ روحت البيت ....
وبقيت كل يوم وانا طالعه من صلاه التراويح اشوفه وهو واقف فى الشارع وماسك المصليه فى ايده والجلابيه بتبقا قمر عليه .
ـ يوم العيد بعد صلاه العصر كنت بلبس لبس العيد علشان خارجه انا واصحابى لقيت الجرس رن ماما فتحت الباب وقالت اتفضلوا ونادت بابا .
ـ انا فكرتهم حد من العيله فخلصت وطالعه علشان اسلم على الضيوف قبل ما امشى لقيت سعد موجود مع الضيوف ...
ـ سلمت عليهم باستغراب فلقيت سعد بيقول انا طالب ايد بنتك ياعمى .
|٢٣ مارس /٢٠٢٣|.
ـ هات الفانوس على جنب شويه يا سعد .
ـ بصبر : دى تالت مره تخلينى اضبطه مره هاته يمين مره هاته شمال علشان تظبطى الزاويه صح .
ـ ماهو انا عايزاه فى النص مش لولا ابنك اللى مخلينى زى الكرنبه كان زمانى طلعت انا وعلقته .
ـ نزل وباس رأسى وقال : ان شاء الله رمضان الجاى تظبطيه انتى .
ـ ابتسمت برضا وقولت : طب يالا بقا نطلع علشان تفرجنى على الفانوس بتاعى .
ـ بكرا يا حببتى هبقى ادهولك .
ـ اشمعنا بكرا هاته دلوقت وبكرا هعمل نفسى متفجأه .
ـ ضحك وقال : بكرا يا فرح هدهولك .
"طلعنا وطبعا علشان ميزعلنيش ادانى الفانوس وطلع نفس اللى كنت اختارته رمضان اللى فات.. ♡ "
" كل عام وانتم بخير ورمضان كريم .. ♡".
ـ لـ روان احمد .|R.A.R|
ـ تـمـت.. ♡.
ـ رأيكم والفوت يا لُطاف.. ♡
أنت تقرأ
اسكريبتات روان أحمد ♥️
قصص عامةادخل عالمى بحيث يوجد المرح والكوميديا والكثير لتستمتع به وكل اسكريبت غير مرتبط باللى قبله.
