ကံဆိုးတဲ့ တောသူမလေးရဲ့ယောကျ်ားက သောက်ရမ်းချမ်းသာတယ်

67

အခန်း 67: ကလေးက  ကလေးကို အနိုင်ကျင့်ခြင်း

လင်းယွဲ့လန်က

'ကျေးဇူးပြုပြီး ငါ့ကို အနိုင်ကျင့်ပါ'

ဆိုတဲ့ ကြေညာချက်ကို သူမရဲ့ မျက်နှာမှာ ရေးထားသလားလို့တောင် တွေးမိတယ်။

ကျားကိုရောင်းဖို့ ကိစ္စမရှိပေမယ့် ကျားကိုရောင်းပြီးတာနဲ့ အရာအားလုံး မှားသွားပါတော့တယ်။ ပထမဦးစွာ သူမကို ဒေသခံ ရက်စက်ကြမ်းကြုတ်သူများ ပစ်မှတ်ထားခံရပြီး ဆန်ဆိုင်ပိုင်ရှင်မှ သူမကို စော်ကားခြင်းခံခဲ့ရသည်။

ယခု သူမသည် အဝတ်အစားများဝယ်လာသောအခါတွင် တစ်စုံတစ်ယောက်နှင့် ရန်ဖြစ်ခဲ့ရသည်။ ယခုတစ်ကြိမ်တွင် သူမနှင့် သဘောထားကွဲလွဲနေသူမှာ အရပ်ရှည်သော ကလေးမလေးဖြစ်သည်။

လင်းယွဲ့လန်သည် သူမအသက်ရှစ်နှစ်နှင့်တူသော်လည်း သူမ၏အသက်အစစ်အမှန်မှာ ဆယ့်နှစ်နှစ်ဖြစ်သည်။ သူမ၏ နှလုံးသားထဲတွင် သူမသည် အသက်သုံးဆယ့်နှစ်နှစ်ရှိနေပြီဖြစ်သည်။။

သုံးဆယ့်နှစ်နှစ်အရွယ်လူကြီးတစ်ယောက်အနေဖြင့် လင်းယွဲ့လန်သည် ကလေးနှင့် စကားအငြင်းပွားရန် အမှန်တကယ် မလိုလားခဲ့ပါ။ သို့သော် ကောင်မလေးက သူမကို မလွှတ်ပေးချင်ပေ။

" အကျင့်မေကောင်းတဲ့သူ  နင်က ဒီလို ကောင်းတဲ့ အထည်တွေ ဝယ်ဖို့ ဘာအခွင့်အရေး ရမှာလဲ"

မထီမဲ့မြင်ပြုသော အသံပိုင်ရှင်မှာ မြီးနှစ်ချောင်းပါသော ပန်းရောင်ဂါဝန်ကို ဝတ်ဆင်ထားသည့် မိန်းကလေးဖြစ်သည်။ သူမသည် လင်းယွဲ့လန် ရှေ့မှာ ရပ်လိုက်သည်။

သူမသည် မျက်လုံးကြီးကြီး၊ မျက်နှာဝိုင်းဝိုင်းနှင့် ပန်းနုရောင်နှင့် နုပျိုသောအသားအရေရှိသည်။ သူမသည် အလှလေးတစ်ယောက်ဖြစ်သည်။

သို့သော် သူမပါးစပ်ကိုဖွင့်လိုက်သည်နှင့် သူမ၏လှပသောပုံရိပ်ကို ဖျက်ဆီးပစ်လိုက်သည်။ ဤသည်မှာ ဖောက်ပြန်ပြီး မာနကြီးသော မိန်းမပျိုဖြစ်သည်။

လင်းယွဲ့လန်သည် အကြောင်းပြချက်မရှိဘဲ ကြိမ်းမောင်းခံခဲ့ရပြီး မျက်လုံးများကိုသာ မှိတ်ထားနိုင်ခဲ့သည်။ သူသွားလေရာရာ၌ ဆင်းရဲသားဟု ခေါ်ရပေလိမ့်မည်။