جرم غير مباح.1423

part 30

ممكن تصويت + تعليق بين الفقرات فضلاً وليس
وليس أمراً. متابعة لحسابي. 🙂💙
.
.
.
.
.
.
اخذت تليفوني وگعدت وهوه يدقق بأوراق
جمدت بمكاني من رجع نطق بحدة وكلامة خلى ليانة ترجف لدرجة نزف خشمها.

بشار: بس عمچ جواد گال بنت صديقك نزلت روسنة منو يقصد بيچن شنو الي صاير وضامته علينة لتين.!؟

ليانة خلت ايدها على خشمها التهينة بيها اجه نوح گعد بصفها خله كلنس على خشمها وباوعلي بتوتر فهمت نضراتة خايف على ليانة نطقت بهدوء عكس توتر ليانة ونوح.

لتين: عمو نرجع لـ موضوعنه عمو جواد گال هيچ عني لأن خالفت رئيهم وتزوجت نوح.

بشار: بس هوه گال كسرة وجه قبل الزواج شنو يقصد.!؟ لتين اني وفاقد الله يرحمه اخوان وانتي عندي مثل نجوم گليلي شنو يقصد.

لتين: مرة طلعنة اني ونوح باليل بخصوص موضوع رجعتنة لـ سليمانية ومن رجعت عبالهم بينه شي زودو بالكلام والتخيلات ماكو اي شي من كلامهم صحيح مجرد حقد تجاهنة.

رنا: معقولة يوصلون لمرحلة يلطخون شرف بنت اخوهم.!؟ شنو من بشر لخاطر الله.

نوح: شنو تترجون من متعطين مخدرات!؟ من غير هاذا كلة عدهم عرف بالدولة يعني يگدرون يصلون لـ اكثر من هل المرحلة.

عيسى: اشنو من بشر هذولا يقدرون يعادون بنية زغيرة وبنت اخوهم همين.!؟ انتو لازم ترجعون لـ سليمانية ويانا اشنو رئيك رنا.!

رنا: كلام عمچ عيسى صح ليش متنتقلون لـ سليمانية مو بعد ما الهم سلطة عليكم.!؟

نوح: بس اني ما اگدر لأن شغلي هنا من غير شغل مُلهم وهمس وفيصل يعني كل اهلنة هنا صعب الانتقال بهاذي الحالة.

ريناد: زين ودوام ليانة ولتين شلون.!؟ ترى اني جبت كل الكتب الي تخصكم انتي وليون.

لتين: تمام انته لخصلي المحاضرات ومن تبلش الإمتحانات اجي لـ سليمانية وليانة كذالك.

ريناد: ماشي لعد ماما اني ابقى هاي الاسبوعين هنانه لأن الدروس هواي وما الحگ الخصهم بيوم لو يومين والامتحانات كذالك بعد اسبوعين.

هزو روسهم متفهمين ليانة هدئت بقينة ندردش بمواضيع عشوائية مرة الوقت بسرعة لـ ساعة 4 نطق عمو بشار.

بشار: يله يابا احنى نتوكل هم ورانة طريق بعيد بنات اتو حضرو نفسكم.. نوح تعال نتمشى شوية اني وياك.

نوح هز راسه وطلع والبقية طلعو ورى البنات حضرن نفسهن ويبوسون بيه وبـ ليانة خاله لُجين توصي بية وهم اخذت همس على صفحة خالة رنا طلعت ضرف متوسطالحجم وخلته بأيدي ونطقت بهدوء.