جرم غير مباح.1423

part 4

تصويت + تعليق بين الفقرات فضلاً  وليس أمراً. 🙂🤍

متابعة لحسابي. 🙂💙
.
.
.
.
نوح: اش هاذا وحش لطلعين ابد لسوين صوت حتى اذا صاح بأسمچ لطلعين.

چان عمري 13 سنة قبل ما ارد عليه سد باب الكنتور.
وقفلة عليه شغلت الجداحه لأن ضلمه دنية ليل والكهرباء طافيه وبس صوت الچلاب والهوه العالي خفت من صريخ امي اول مرة اسمعها تصرخ هيچ سمعت صوت مألوف بس ماميزته بسبب البحه الي بي وهوه يحچي ويه نوح واكو اكثر من شخص يضحكون.

:- باوووع شلوون راح تطلع روحها خلي عيونك عليها ركز الي راح يصير بيها انته سببة.

بعدها سمعت صوت نوح وهوه يطلب من مُلهم ان يغمض عيونه وميفتحهن ابد والرجال يريد العكس.

نوح: مُلهم باووعلييي غمض عيونك غمض لتفتح ابد غمض ابد لتفتح ابد.

من بعدها صريخ نوح ترس البيت واني مخليه ايديه على حلگي امنع شهگاتي وصوتي ومغمضه عيوني رغم ضلمة بس مغمضه صوت نوح نبح وصار ضعيف والضحكات تتعاله بعدها ماسمعت ولا صوت غير الساعة والهوه العالي شوي واجه مُلهم عيونه مورمه نزع قمصلته وغطه راسي وجهي بيها ولز ايدي وامشي ورى وصلني لبيت خالتي ماشفت مقتل امي ولا قاتلها ولا حتى مُلهم شاف الوحيد الي شهد هوه نوح الي ادمرت حياته وعانه هواي....  دگينه الباب وطلع فهد وابو كلمة طيحت گلبي نطقها ملهم.

مُلهم: فهد گل لــ خالتي امي ماتت كتلها حرامي.

هاذا الي سمعته والي عرفته دخلت يم زهراء شهر واني ماشايفه اخواني ولا اعرف عنهم شي لحد عشرين يوم فوگ الشهر اجه نوح بس مو نوح اخوي بس مو اخوي متغير حيييل حاضني ويصرخ مثل النسوان واني وملهم نصرخ على صريخه ضلينه عايشين ويه خالتي ورجلها يخاف الله لحد ماكبرنه ودرسنه وتخرجنه من غير مرض نوح النفسي بس گدر يجاوز ويوصل للمكان الي يريده.

هواي مواقف مرينه بيها اذكرها مثل مره.
كل العادة طلعت من المدرسة لگيته منتضرني بملابس الشغل چفوف طالعه اصابعه وحذاء مخيط وملابسه مليانه اسمنت لأن يشتغل عماله تلث ايام ميروح الجامعة يطلع يشتغل بيهن وياخذ الدورس من صديقه بس حتى ميخلينه نطلب فلوس من احد لو امي تتقرض من جوارينها رغم العنف الي عايشينه والوضع الي يلعب ستين نفس بس واحد على گلب واحد وهوه دائماً ينضرب بدالنه واكثر من عدنه هوه يعاني من حب التملك لدرجة الجنون اذا حب احد يحمي بروحه ويتأذه بداله لازم ايدي ويمشي وصلنه البيت ولگينه امي متمدده بالحديقة ودمها بطولها وصوت تكسيري بالبيت ركض خله راسها بحضنه وينافخ لزمت وجهه تترجى بي ميعيد نفس الحركه.

ويضرب ابوي لأن ضربها لحساب تنطي فلوس لشرب باوعلي فهمت عليه گعدت بصفه وخله امي بحضني ودخل معصب وسد باب الصاله ومانسمع غير غلطه وصياح ابوي گامت امي تزحف وادگ بالباب ولعل يفتح الباب بس مستحيل يعوفه اذا ما يدمي شويه ونگط صوتهم وطلع عيونه حمر وايده كلها دم شالها بين اديه ودخلها لغرفتها اباوع على وجه ابوي مدمه ومدد بالگاع سحبني ودخلت يمها وسد الباب علينه وطلع اسمع صوت ونين ابوي فتحت الباب على النص وشفته شلون متربع وگاعد على صدر ابوي ويشرب جگاير نضراته تخوف من يعصب بسرعة سديت الباب من خزرني صح ميأذينه بس يخوف.