جرم غير مباح.1423

part 2

ممكن تصويت + تعليق بين الفقرات فضلاً وليس
وليس أمراً. متابعة لحسابي.
.
.
.
.
.
.
.

يقين: وگال راح تسألچ هل الاسألة ولا تجاوبين عليها خليها هية تجي وتسألني.

ضحكت بصوت عالي ونطقت.

لتين: ههههههه شنو هل الثقه الي يملكها نوح عثمان.!؟ شوفي يقين انسي اسألتي وتفضلي تگدرين اطلعين اسفة اذا اخذت من وقتچ وحنين كذالك روحي سويلي شي سريع جوعانة.

نطقت كلامي وگمت حيل ضاجت من كلامي گامت ولزمتني حيل من زندي ونطقت بقهر وصوت عالي.

يقين: شنوو من گلب عندچ عايشة حياتچ بكل استقرار وعافية وصحة ونوح لا صحة ولا عافية لا ليلة ليل ولا نهارة نهار شبيچ حسييي.

قبل ما انطق اجاني صوتة يصيح بيها ويسحبني من عدها.

سبع: ايدچ وصوتچ اخذي شفقتچ على حضرة المحامي نوح عثمان واطلعي برةة.

يقين: ههه انته مثلها لا ذمة ولا ضمير.

نطقت كلامها بغصة وسحبت ايدها وطلعت سحبت ايدي منة وگعدت افكر بكلامها ليش كل بني ادم اعرفة واگف ويا نوح طلعني صوت سبع من نطق.

سبع: گتلچ دير بالچ منها واحسن شي بعد ما تتواصلين وياها.

لتين: سبع والي خلق الكائنات تعبت بس فهموني نوح شنو شغلة ليش الكل يگلي اسألي هوة يحچيلچ.!؟ شنو الموضوع احچيلي.

سبع: اكلي فد شي وارتاحي راح تعرفين كلشي بوكتة من رخصتچ.

نطق كلامة وطلع حنين چابتلي ريوگ اكلت وصعدت لغرفتي اتصلت على خالة رنا عزتني ورادت تجي بس ما قبلت لأن لمنو تجي قفلت باب الغرفة وذبيت نفسي عيوني تحرگني لأن ما نايمة شوية وغفيت ما ادري بنفسي.

~؛ ~؛ ~؛ ~؛ ~؛ ~؛ ~؛ ~؛ ~؛ ~؛ ~؛ ~؛ ~؛ ~؛ ~؛ ~؛ ~؛

طول هاي الـ 3 سنوات نوح صار شخص مريض منعزل عن الكل ما أذكر اخر مرة ضحك بيها رجع يراجع دكتور نفسي بسبب الهلوسة وعدم النوم من اباوعلة تموع روحي اخوي مو نفسة اخوي.

ماياكل مثل الناس ولا ينام ويگعد مثل الناس حتى صار يهمل شغلة ميروح لـ المكتب يختفي سبوع واعرف كلش زين راح يراقبها من بعيد ويحرگ بروحة شگد حاولت ويا زميلتة المحامية هيام بس ماكو فايدة.

مُلهم وعلياء صار عدهم طفل  واسمة ادم وايه صار عمرها 10 سنوات هية الوحيدة الي رغم زغر سنها تعتني بي من يوگع مريض ومن يرفض الاكل هية توكلة گاعدة وصافنة طلعني من صفنتي صوت فيصل الي شايل بأيدة ادم وايه لازمة ايدة.

فيصل: حياتي همس احنى طالعين نفتر شوية تجين ويانة.!؟

همس: لا حبيبي اطلعو انتم ودير بالك عليهم ايه ديري بالچ على ادم.