جرم غير مباح.1423

part 29

ممكن تصويت + تعليق بين الفقرات فضلاً وليس
وليس أمراً. متابعة لحسابي. 🙂💙
.
.
.
.
.
.
اخذت تليفوني وگعدت وهوه يدقق بأوراق وملفات شويه وصار صوت رعيد قوي طلعت اطمن على ليانة وصلت غرفتها بابها مفتوح.

جمدت بمكاني من ما لگيتها دخلت الحمام ماكو الف فكرة اخذت مساحة براسي نزلت اركض على الدرج واصيح بأسمها دورت بكل ركن بالبيت ما ألها اثر نزل وراي نوح مُلهم فيصل علياء همس لزمني من اكتافي يسأل بخوف.

نوح: شبيچ ليانةة شبيها.

لتين: ماكوو ليانة مو بغرفتها دورت عليها بس ماكو.

كل واحد أتجه بمكان ماكو باب الصالة بس مردود ما مقفول بدون تفكير طلعت حافية والجو مطر رس داخلين جوة بسبب المطر سألهم فيصل اذا شافوها بس محد شايفها.

طلعت لـ شارع اركض واصيح بأسمها ما همني البرد ولا اني حافية المهم الگاها نوح والحرس مُلهم فيصل كلها ادور قسم دخل البستان وقسم على الشارع مر وقت واحنى ندور وصلنة الشارع العام.

وگفت بية الدنية وگفت بدون حركة متجمدة بمكاني جزعت واني ادور عليها بجامة نص وحافية الجو مطر باردة ثلج سحبت نفس من بين رجفة البرد شي حار نزل على شفتي.

خليت ايدي لـ خشمي انترست دم غوشت عيوني اجه سندني ولزم خشمي يمنع النزيف دفعت ايدة ورجعت اسحل بروحي للبيت لزم زندي يسندني رجعنة للبيت بسرعة علياء نزلت لازمة تليفوني ونطقت.

علياء: هاذا تليفونچ ثالث مرة يتصل رقم غريب.

قبل ما اخذة منها اخذه نوح وجاوب فتح مكبر الصوت عضيت شفتي حيل من اجاني صوته يطمني عنها.

حمزة: لتين المهملة ليانة بالمستشفى تعالي تريدچ..

قبل ما ارد سد الاتصال مشيت خطوتين اريد اطلع سحبني نوح من ايدي وصعدني ويا ما حچيت ولا اعترضت لأن مالي روح دخلنة الغرفة طلعلي ملابس خلاهن على الچرباية لزم وجهي بين اديه ونطق.

نوح: مابيها شي مادام حمزة يمها ماعليها شي يله غيري ملابسچ ونطلع.

اخذ ملابسه وطلع غيرت ملابسي ولفيت شعري المبلل دخلت الحمام غسلت دم خشمي اباوع بالمراية وجهي تعبان خشمي احمر عيوني مغورگة طلعت لكيته منتضر برة باب الغرفة.

لزم ايدي ونزلنة راحو ويانة مُلهم وفيصل ورانة سيارة حرس وصلنة المستشفى نزلنة دورنة بالطابق الاول ماكو صعدنة الثاني لگينة حمزة واگف بالممر هوه وجَبتر قبل ما اسألة نطق بحدة.

حمزة: مهملة حيوانة مدمنة لة مريضة تخلينها تطلع بهل البرد والجو اني مرييضهةة و...

نوح: هووب حمزةةة الزم حدكك لتروح زايد كمل فضلك وانته ساكت.