جرم غير مباح.1423

part 25

ممكن تصويت + تعليق بين الفقرات فضلاً وليس أمراً. متابعة لحسابي. 🙂💙
.
.
.
.
.
.
الصالة فارغة وبابها مفتوح طلعت وهنا متت سيارة اسعاف وليانة بأيدين الممرضين لازمينها وهيه تصرخ تشيل بنفسها وترگعها ركضت اريد اخلصها ما احس غير سبع لازمني بين ادية.

اضرب بي برجلية وايدة اريد اخلص نفسي من بين ادية بس ماگدرت اخذوها من گدامي واني أصرخ احس حبالي الصوتية اجرحت ونار تطلع من گلبي بعمر الورد وراح ياخذونها مني.

لازمني بين اديه واحسه يضغط على انفاسي اباوع شلون صعدوها وهيه تشيل روحها وترگعها بس هيهات تگدر تخلص نفسها ممرض جثل ثبتها على السديه وربطو اديها ورجليها واني اعت بروحي.

اريد اخلص من بين اديه سدو باب الاسعاف وحركت حسيت الهوى نگطع من رئاتي دنگت راسي ليگدام ورجعت رفعته حيل ونضرب خشمه دفعني حاير بدم خشمه وگعت على الحصو الي بالحديقه عصرت اديه وگمت اركض ورى سيارة الاسعاف.

حافيه الدنيه بارده تگص گص والجو مغيم وتنگط مطر خفيف اركض بكل حيلي لحد ما صارت الاسعاف اسرع مني واختفت وگعت على ركباتي خاويه تعب فحطانه اجه يركض وراي ودم خشمه على قميصه.

وگف گدامي طلع المسدس من خصرة وضربني على وجنتي اليسرة بعدها ماحسيت بشي صحيت وجسمي مشمور على كتفة وهوه يمشي ما اگدر اقاوم لأن دايخة وراسي مگلوب اسمعة يحچي هوه وعون وكلامة حرگ گلبي.

سبع: هاي مال واحد يغتصبها ويكسر عينها ويذبها حتى تصير مثل اختها ونشمرها بالمصحة يومين وتموت مثل ما اختها راح تموت

عون: صح سوت مشاكل وجابتنه وجع الراس بس يا اخي هية الوحيدة الي وگفت بوجه بيت حجي فرهود لا العمال و لا الفلح الي بستان سوو مثلها.

سبع: شو چنك وگفت بصفها.!؟

عون: لا ما وگفت بصفها بس شخصيتها قوية.

قهقه سبع وكملو الطريق رجعوني لبيت فرهود نزلني بصالة گدام فرهود سند ضهري على صدرة لأن جسمي ما متوازن اشرلة جواد يعوفني بس ابتعد وگعت بالگاع نطق جواد وكلامة خلاني اوگف على طولي.

جواد: استعجلتي وذبيتي الاسود لو ضالة لابستة لأن اجه دور اختچ الي راح تموت بسبب خبالها.

رغد: لا ذمة ولا ضمير بسرعة ذبت الاسود ولا عبالك تلاثة من اهلها ماتو والرابع بالطريق.

گمت على حيلي گعدت گدام جدو ولزمت ايدة سحبها مني ودار وجهه رجعت سحبتها حيل وبقيت لازمتها لازم اتصرف وارجع ليانة ما بقالي غيرها خزرني ونطق بشماتة.

فرهود: ها هسة عقلتي وگمتي تحترمين.

لتين: لياانة بنت اخووك شلون تگدر هيچ اسوي بيها مو المفروض تحبها وتخاف عليها لعيون ابوية الي هوه ابنك.!؟