جرم غير مباح.1423

Part12

ممكن تصويت + تعليق بين الفقرات فضلاً وليس أمراً.
متابعة لحسابي. 🙂💙
.
.
.
.
.
.
فرهود عاايقه انتي وحدة سرسريه وما متربية حرامات فاقد ابوچ چان خليت دمچ نهر يجري.

لتين: لتخاف يجي يوم و ولدك يسونها.

رفع ايدة يريد يضربني سحبتني خاله رنا ونطقت بهدوء وتحذير عكس غضبها الي واضح بعيونها ونبرة صوتها.

رنا: حجيي ابد ما مقبول هاذا تصرفك ولا كلامك عن اختي المرحومه وعن ابنك وتصرفك ويا لتين هااي فوك ما تحتويها تسبها وتضربها.. وين الرحمة والشفقة على اليتيم.

جواد: يا رحمة ماسمعتيها شلون تغلط ولسانها اطول منها عبن ما متربية.

رنا: رجاءً اخوية اني والحجي نحچي... حچي المات مات من رخصتك اخذ بنات اختي ونرجع لــ سليمانية احسن ما تضل تسببلك مشاكل.

فرهود: اخذي.....

رغد: اعتذر عمي لأن قاطعتك بس يعني ناس وفاتحه شلون تروح خليها بعد يومين تلاثة لحد ما تكف العالم.

اصرار رغد غريب والاغرب تحچي بـ لهفة ومشدد ابقى هنا وتذكرت اني موقعة اتفاق ماگدر اطلع من هل المنطقه رد عليها جدو بنبرة صارمة وهوه يتوجه لــ غرفته.

فرهود: خليها لحد ما تخلص فاتحت اخوها وبعدها خليها تولين وين ماتريد.

رنا: ست رغد زين وتعرفين بـ الاصول. يله ماما خلونه نروح لــ الفندق.

تقدمت على رغد وگفت لزگ بوجها اني اطول منها نزلت راسي اباوع بعيونها كسرت حواجبها مستغربة نطقت بهمس بهدوء.

لتين: خليتكم براسي.

دفعتني من صدري بعصبية خاله رنا لزمت ايدي وصعدنه خليت تليفوني بجيبي وريناد شال ليانة بحضنه ونزلنه جواد مشتبى ورغد عيونهم نطت من شافو ليانة بحضن ريناد خليت اديه بجيوبي وباوعتلهم رجعت گعدت البارحة بـ اليل بـ عقلي نفس الگعدة همس واني اتجه لــ الباب.

لتين: هه العهر الثلاثي.

ليانة بحضن خالتي واني بصفها وسمارة ليگدام وريناد يسوق خليت راسي على الجام اباوع لــ طريق اتصل على تليفوني رقم غريب ما رديت مرة ثاني هم ما رديت وصلنه الفندق اني وليانة بـ غرفة وخالة رنا سمارة كذالك وريناد بـ وحده نامت ليانة دگ الباب گمت فتحته دخل ريناد طلعنه على البلكون.

ريناد: شلون طلعتي من الحجز.!؟

لتين: ماكو دليل ملموس وطلعت.

ريناد: شنو موضوع الكفالة والمحامي والقرار الي ميخليچ ترجعين لــ سليمانية.!؟

باوعتله مستغربة منين عرف رفعت راسي وغمضت عيوني مابية اناقش او بـ الاحرى ماعرف شلون اگله نوح ساعدني ودفع الكفالة خله ايده على راسي ونطق بهدوء.