ممكن تصويت + تعليق بين الفقرات فضلاً وليس
وليس أمراً. متابعة لحسابي.
.
.
.
.
.
.
.
.
.
جَبتر: ليش ضربتي.!؟؟
مسحت دموعي بأنفعال باوعتلة وطولت اباوعلة وافكر رفع حاجبة مستغرب داس بريك سريع من نطقت بكلام مجنون.
لتين: تتزوجني جَبتر.!
دار كل جسمة علية باوعلي مزغر عيونة ارمش سريع خايفة يوافق ابتسم بوجهي وضرب گصتي بأصبعة ونطق بأبتسامة.
جَبتر: نچبي لتين شنو هل الطلب.!؟
سحبت نفس براحة ورجعت ضهري على الكرسي شوية وسمعت قهقتة درت وجهي علي مستغربة خربط شعري بايدة وضاف بلطف.
جَبتر: لا تعيدين هل الكلام بوية لا تتهورين مثل نوح الزمال المريض ماشي بنيتي.!
لتين: اعذرني على غبائي وتسرعي.
جَبتر: هسة غير تنچب.!
هزيت راسي مبتسمة وهادئة رجع سأل باصرار.
جَبتر: هسة ما گتيلي ليش ضربتي نوح.
لتين: اكثر من مرة يسمي شهلاء بأسمي هاذا الشي ضوجني ليش هيچ يعاملها بصفتها شخص ثاني.
جَبتر: كل ما يحاول يبتعد عنچ يلگة نفسة ضايع بتفاصيلچ.
لتين: انتة ويا منو.!؟ وياية لو ويا.!؟
جَبتر: الجو حلو اليوم ودافي.
ضحكت علي لان يتهرب من الجواب وصلني البيت وراح بقيت اصارع الارق لحد ما نمت.
~؛ ~؛ ~؛ ~؛ ~؛ ~؛ ~؛ ~؛ ~؛ ~؛ ~؛ ~؛~؛ ~؛ ~؛ ~؛ ~؛ ~؛~؛
الصبح گعدت وكلي نشاط اولاً عازمين شهلاء وامها وثانياً فاتحت خالتي اشواق بخطتي و وافقت سوينة الغدة وگاعدين كلنة على السفرة خالتي ما ترتاح على الكرسي كملنة غدة وگاعدين نشرب چاي نطقت خالتي اشواق تسأل.
اشواق: ام شهلاء خية ليش ماعدكم اهل خوال عمام ابو البنية وينة.
كافي: عيوني ابو طلگني وعايش وية زوجتة بالخارج واني ماعندي اخوان ولا اخوات چان عندي اخ وانطاچ عمرة واهل طليقي لا يعرفونة ولا نعرفهم.
اشواق: شهلاء تحبين نوح.!؟
شهلاء: اي خالة احبة.
اشواق: بس هوة ما يحبچ هوة بگلبة وحدة ثانية الي هية طليقتة لتين ح....
نوح: يمهةة.
نطقها يحذرها تكمل بس خالتي ما همها كملت لحساب شهلاء تسحب نفسها وما تدمر حياتها.
اشواق: چذبت انتة تحب لتين الكل يعرف لحد هسة انتة تحبها وتموت عليها وعلى طاريها انتة تريد تزوج شهلاء حتى تنسى لتين الي مستحيل تنساها.
أنت تقرأ
جرم غير مباح.1423
Romantizmقصة حقيقية: بقلمي ريام فاروق. اخذوها من گدامي واني أصرخ احس حبالي الصوتية اجرحت ونار تطلع من گلبي بعمر الورد وراح ياخذونها مني لازمني بين اديه واحسه يضغط على انفاسي اباوع شلون صعدوها وهيه تشيل روحها وترگعها بس هيهات تگدر تخلص نفسها ممرض جثل ثبتها ع...
