جرم غير مباح.1423

part 4

ممكن تصويت + تعليق بين الفقرات فضلاً وليس أمراً. متابعة لحسابي.
.
.
.
.
.
.
.
.
فتحت عيوني من حسيت نفسي انرفعت من الگاع شفته حاضني ويصيح مادري منو وجهه مو واضح بس عطرة شامتة عطرة مألوف ماعرف اذا حقيقة لو اتوهم بعدها ما حسيت على شي.

اشوف نفسي ابيت جدو اهل امي من چنت زغيرة وبعدين اشوف نفسي بقسم الجامعة لو اشوف نفسي بعرس ريناد شفت نفسي بحضن نوح وعلى چربايتة حاضني لصدرة.

رفعت راسي اباوعلة رفعت ايدي المس صدرة اريد اتأكد حقيقة لو خيال غمضت عيوني من خليت ايدي على صدرة نوح حقيقي جاي احس بملمس قميصة وتقاسيم صدرة نزل راسة باوعلي نطقت بعتب وصوت متحشرچ.

لتين: ليش ضحيت بيها وضيعتنة اني وياك.!؟

نوح: من غبائي وجشعي تجاه الانتقام ضعت وضيعتچ بس هسة مستحيل تضيعين مادامچ بحضني.

لتين: اكرهك واكرة نفسي اني وياك الي ضحينة بيها.

ابتسم بوجهي وقرب وجهه علية درت وجهي عنة ولگيت نفسي ابيتهم گاعدة بصالة ايه تلعب هية وليانة ضربت على وجهي حيل اريد اخلص من هل التخيلات بس شلون ماعرف.

هلوسة مسيطرة علية اهلي واهل نوح وبيت فرهود كلهم گاعدين على سفرة وحدة يباوعون علية واني واگفة اباوع عليهم اجة نوح حضني من ورة گدامهم وهمس بأذني.

نوح: كافي تتوهمين لتين.

دفعتة عني وخر مبتسم وهمة هم ابتسمو لزمت راسي افتر جنوني رجعلي كل تخيلاتي رجعتلي رجعلي مرضي اضرب على راسي واصرخ بكل صوتي المبحوح.

لتين: كاااافي كااافي طلعووونيي ياربيييي فااااقد تعال اخذني وياك كِيان خلصووونييي.

بعد هل الصريخ مادري شصار بعدني احلم لو صدگ مادري شصار ومنو نقذني ومنو حقيقة ومنو كذب.

~؛ ~؛ ~؛ ~؛ ~؛ ~؛ ~؛ ~؛ ~؛ ~؛ ~؛ ~؛ ~؛ ~؛ ~؛ ~؛ ~؛

خامس يوم گعدت صليت صلاة الفجر وبقيت ادعي واصلي ترجع لتين ويبرد گلب نوح بقيت گاعدة لصبح طلعت من الغرفة بعد ما سمعت صوت نوح يصيح دخلت غرفتة لكيتة مغير ملابسة.

ويحچي على التليفون بس يحچي بصياح وعصبية ويسب ويغلط سد التليفون معصب من شافني فتح ادي دخلت حضنتة وراسي على صدرة نطقت بخنگة.

همس: ادعي من رب العالمين يبرد گلبك وتلگاها.

نوح: اميين يا همس اميين.

همس: حبيب اختك خليني اسويلك ريوگ قب لا تطلع.

نوح: مالي نفس ورب الكعبة مالي نفس التعب ماخذ راحتة بروحي.

نطقها بتعب وخر عني من دگ تليفونة جاوب وفتح عيونة على وسعهن ونطق مفرفح.

نوح: وييينها هسة.... انتضرنيي بعزيز گلبك انتضرني جااي.