ممكن تصويت+ تعليق بين الفقرات فضلاً وليس أمراً.
متابعة لحسابي.
.
.
.
.
.
.
.
اله شوية تلاطخنة وگفت السيارة ونزلت معصبة وچنت ناوية بس اشوفة اضربة وگفت بمكاني بدون حركة من شفتة نزل من السيارة بينة متر غمضت عيوني بعصبية من نطق اسمي بهدوء.
مُهيب: لتين.!
لتين: متشوف.!؟ انتة متشووف منين طلعتلييي.
خلة ادي ورى ضهرة وعيونة تفصلني من فوگ ليجوة نزل عون والي ويا قبل ما يحچي اشرتلة وگفت گدامة ونطقت بهدوء.
لتين: لتين مو البنية الي نضراتك تجذبها احترم نفسك وعمرك أياك تباوعلي بهاية النضرة مُهيب رضوان.
نطقت كلامي ودرت وجهي اريد امشي ولزم ردن القمصلة حسيت نار براسي سحبت ايدي منة وانطيتة بوكس بمعدتة حنى ضهرة متألم ولازم مكان الضربة نطق بوجع وعصبية.
مُهيب: مستهترة الحجي وداني عليكم اطمن عنچ اذا محتاجة شي شنو هل التصرفات المتمردة.!؟
لتين: سلملي على الحجي وگلة لتين فاقد تگول سلامتة ومن احتاج اعرف وين بيتة اجي واطلب منة وهسة يلة فارگ.
بدون ما اسمع ردة صعدت السيارة بس بعدني معصبة حييل من حنين ومن مُهيب وحتى من نفسي نار وتاكل بصدري شغلت السيارة وطول الطريق متنرفزة دخلنة المول اشريت كم قطعة ملابس وبعدها.
دخلنة كوزمتك لگيت جعفر صديق نوح و ويا وحدة محجبة وعباية بقى يباوعلي متفاجئ حتى البنية الي ويا ندستة بغيرة طلعو هوة وياها اشتريت عطور ولوشنات وطلعنة نطقت بهدوء.
لتين: حنين اذا محتاجة شي المول گدامچ اشتري الي تريدينة واعتبريها هدية اعتذار بسبب التهديد الي سمعتي مني.
حنين: ست لتين جاي تعيشيني تناقض بسبب اسلوبچ الي كل شوية شكل.!؟
لتين: وضيفتي استفز المتهم حتى يعترف بس شوفة عينچ جواد اعترف وانتي لا واكو مثل تعلمتة من ابوية الله يرحمه يگول يا خبر اليوم بفلوس بكرة بلاش اشتري شي وخلينة نطلع.
حنين: سلامتچ ست لتين مااريد شي غير تنسين جريمتي لأن اني چنت مضلومة ومغدورة من الكل.
لتين: حنين الشعب العراقي كلة مضلوم ومغدور مو بس انتي.
خلت ايدها على حلگها تضحك طلعنة للبيت طول الطريق عيونها علية وبحلگها كلام بس مترددة وخايفة نطقت.
لتين: احچي حنين شنو سؤالچ.!؟
سؤالها چان بخصوص نوح نطقت وهية تعصر بأديها بتوتر.
حنين: بعدچ تذكرين ملامح الاستاذ نوح.!
لتين: شلون انسى ملامح الشخص الي دمر حياتي صح صار 3 سنوات ماشايفتة وحتى اذا تغير لو يخلونة بين شبهه الـ 40 هم راح أعرف.
أنت تقرأ
جرم غير مباح.1423
Romansaقصة حقيقية: بقلمي ريام فاروق. اخذوها من گدامي واني أصرخ احس حبالي الصوتية اجرحت ونار تطلع من گلبي بعمر الورد وراح ياخذونها مني لازمني بين اديه واحسه يضغط على انفاسي اباوع شلون صعدوها وهيه تشيل روحها وترگعها بس هيهات تگدر تخلص نفسها ممرض جثل ثبتها ع...
