جرم غير مباح.1423

مشهد.

تصويت.+ تعليق بين الفقرات فضلاً وليس أمراً.✨

متابعة لحسابي. 🐾
.
.
.
.
.
.
.
1_كل العادة طلعت من المدرسة لگيته منتضرني بملابس الشغل چفوف طالعه اصابعه وحذاء مخيط وملابسه مليانه اسمنت لأن يشتغل عماله تلث ايام ميروح الجامعة يطلع يشتغل بيهن وياخذ الدورس من صديقه بس حتى ميخلينه نطلب فلوس من احد لو امي تتقرض من جوارينها.
رغم العنف الي عايشينه والوضع الي يلعب ستين نفس بس واحد على گلب واحد وهوه دائماً ينضرب بدالنه واكثر من عدنه هوه يعاني من حب التملك لدرجة الجنون اذا حب احد يحمي بروحه ويتأذه بداله لازم ايدي ويمشي وصلنه البيت ولگينه امي متمدده بالحديقة ودمها بطولها وصوت تكسيري بالبيت ركض خله راسها بحضنه وينافخ لزمت وجهه تترجى بي ميعيد نفس الحركه.

ويضرب ابوي لأن ضربها لحساب تنطي فلوس لشرب باوعلي فهمت عليه گعدت بصفه وخله امي بحضني ودخل معصب وسد باب الصاله ومانسمع غير غلطه وصياح ابوي گامت امي تزحف وادگ بالباب ولعل يفتح الباب بس مستحيل يعوفه اذا ما يدمي شويه ونگط صوتهم دخل عيونه حمر وايده كلها دم شالها بين اديه ودخلها لغرفتها اباوع على وجه ابوي مدمه ومدد بالگاع سحبني ودخلت يمها وسد الباب علينه وطلع اسمع صوت ونين ابوي فتحت الباب على النص وشفته شلون متربع وگاعد على صدر ابوي ويشرب جگاير نضراته تخوف من يعصب بسرعة سديت الباب من خزرني صح ميأذينه بس يخوف.

2_ اخذوها من گدامي واني أصرخ احس حبالي الصوتية اجرحت ونار تطلع من گلبي بعمر الورد وراح ياخذونها مني لازمني بين اديه واحسه يضغط على انفاسي اباوع شلون صعدوها وهيه تشيل روحها وترگعها بس هيهات تگدر تخلص نفسها ممرض جثل ثبتها على السديه وربطو اديها ورجليها واني اعت بروحي اريد اخلص من بين اديه سدو باب الاسعاف وحركت حسيت الهوى نگطع من رئاتي دنگت راسي ليگدام ورجعت رفعته حيل ونضرب خشمه دفعني حاير بدم خشمه وگعت على الحصو الي بالحديقه عصرت اديه وگمت اركض ورى سيارة الاسعاف حافيه الدنيه بارده تگص گص والجو مغيم وتنگط مطر خفيف اركض بكل حيلي لحد ما صارت اسرع مني واختفت وگعت على ركباتي خاويه تعب فحطانه اجه يركض وراي ودم خشمه على قميصه وگف گدامي طلع المسدس من خصرة وضربني على وجنتي اليسرة بعدها ماحسيت على شي.

3_ بدة يحبچ من اول مرة شافچ بيها راح يحبچ لدرجة الجنون وبسببچ راح تتلطخ ادي دمم صح هوه خطير بس راح يصير اخطر من تلتقون مرة ثانية راح يملكچ بطريقة مجنونه تحاولين الهرب. بسسسس ما راح تخلصين منه لأن هوه مقرون بييييچ.

4_ فتح باب مصنع حديد كلش چبير وقديم رابط اديهم ورجليهم تلاثتهم على كراسي حديد وكلبچات ومغطي روسهم بكيس اسود خلاني واگفه گدامهم اباع عليهم مستغربه رجع وبيده تلث دبات نفط فتح وحدة وفرغها على الأول اجه وگف وراي ولزم ايدي خله بيها جداحه حديد شكلها فضي ضليت اباوعلها وايدي ترجف لزم ايدي وشغلها درت وجهي اباوعله ملامحه خاليه وعيونه على نار الجداحه رجعت اباوع على المربوطين منو هذوله وليش جابني هنا سرت رجفه بجسمي من همس بأذني.

: احرگيهم واحد ورة الثانيي واستمتعي بالمنضر.

5_ احنى بغرفة امي واسمعه يصيح بعلوو صوته ويطلب منه يعوفها حاولنه نفتح الباب بس چان مقفول صريخنه ممزوج ويه صريخه رغم احنى بغرفة وهوه بالاستقبال بس صوتنه واحد نگطع صوته ورى نص ساعة فتح الباب وملابسه كلها دم وجهه خاوي من الملامح واگف بالباب ويباوع علينه من خوفي على امي گمت اريد اطلع لزم زندي وخله راسي بصدرة وطلعني ماشوف شي بس امشي ويا طلعنه باب الصاله واشرلي ما احچي شي واروح لبيت خالتي ردت احچي خله اصبعه على حلگي هزيت راسي ورحت امشي ودموعي تمشي وياي بدون ماعرف شنو خليت وراي.

6_چان عمري 13 سنة قبل ما ارد عليه سد باب الكنتور وقفلة عليه شغلت الجداحه لأن ضلمه دنية ليل والكهرباء طافيه وبس صوت الچلاب والهوه العالي خفت من صريخ امي اول مرة اسمعها تصرخ هيچ سمعت صوت مألوف بس ماميزته بسبب البحه الي بي وهوه يحچي ويا واكو اكثر من شخص يضحكون.

7_لا تكون خيبتي بعد كل هاذا التباهي الي تباهيته بيك كون انتصاراتي ولتكون هزيمتي لتكون كسرتي بعد ما بنيتني وخليتني اثق بيك واحتمي بسدك.

اهلا گايز شلونكم شخباركم مشتاقين.✨😔🤍
رواية جديدة واقعيه جريئه هوس مرض فقدان بقلمي ريام فاروق..
انستا.ream.farooq

انتضرو التنزيل.