ممكن تصويت + تعليق بين الفقرات فضلاً وليس
وليس أمراً. متابعة لحسابي. 🙂💙
.
.
.
.
.
.
.
وصلنة قبل ما انزل باس ايدي مبتسم حسيتة معاق ساعة حباب ساعة مجنون دخلنة جوة الكل منجمعين بصالة ويلعبون ويه ايه بات لايڤ وليانة من ضمنهم ابتسامتها تارسة وجها وتضحك ويه مُلهم.
دخلنة گعدنة وياهم اباوع على ليانة شلون مندمجة تسألت ليش وياي باردة وعلى گد السؤال شوية والكل صعد لغرفته اخذت ليانة وصعدنة لغرفتها طلعت بجامت النوم مالتها غيرت وانطيتها علاج لزمت ايدها وگعدت.
لتين: شلون چانت مراجعة الدروس ويه همس.!؟
ليانة: زينة راجعت 3 مواد واكتشفت وخالة همس حبابه ولطيفة.
لتين: ليون حبيبي ليش تصرفچ وياي غير تصرفچ ويه نوح والبقية شايفة مني شي مضوجچ.!؟
ليانة:.. لتين اريد انام طفي الاض.....
لتين: ليانة جاي نحچي جاوبيني ليش صايره تصديني شنو موضوعچ.!؟
ليانة: ارييد انااام.
صاحت بوجهي وتمدت سحبت الغطى عليها غطيتها طفيت الاضويه وطلعت گعدت گدام باب غرفتها اريد ارجع اسألها بس اخاف تنفعل رفعت راسي من قدملي ايدة لزمتها وگمت ويا ابتسم بوجهي ونطق بمزح.
مُلهم: شنو زوجة نوح لازمة حراسة.!؟
لتين: ليش عدكم حرامية حتى الزم حراسة.!؟
مُلهم: اندري چا ماتحاچين نفسچ.!؟
لتين: عجبني هل المكان وگعدت بي هسه انتة ليش تلح.!؟
مُلهم: لو بس اعرف نوح شلون حبچ شلووون.
لتين: نفس ما حبتك علياء.. تصبح على خير.
مُلهم: عقلت وانتي بالف خير.
رجعت للغرفة دخلت وهوه يخابر غيرت ملابسي بالحمام وطلعت لزمت تليفوني وبقينة نتراسل اني وريناد نسيت نفسي وضحكت بصوت عالي بسبب كلام ريناد سحب التليفون مني وتليفونه على اذنة قبل ما احچي خزرني وصاح بصوت عالي.
نوح: جعفر انتهةةة زماااال جاي اگلك اريييده يا اخيي ارييدةةة.
شمر تليفوني على الچرباية وطلع معصب شوية سمعت صوت سيارة باوعت من الشباك صعدو تلاثتهم نوح مُلهم وفيصل رجعت احچي وية ريناد والبنات اتصال كملت ولزمت الكتاب وبديت ادرس.
لحد الساعة 3 ونص نفتح باب الغرفة وگع گلبي من دخل نوح بس شنو شابع ضرب من غير الدم الي ينزل من صفحة صدرة اليمين قريب على كتفة.
طفرت خايفة سندته گعدت على الچرباية ردت اطلع اصيح احد لزم ايدي حيل گعدت گدامة بالگاع گوه يفتح عيونة نطقت بتوتر.
أنت تقرأ
جرم غير مباح.1423
Romanceقصة حقيقية: بقلمي ريام فاروق. اخذوها من گدامي واني أصرخ احس حبالي الصوتية اجرحت ونار تطلع من گلبي بعمر الورد وراح ياخذونها مني لازمني بين اديه واحسه يضغط على انفاسي اباوع شلون صعدوها وهيه تشيل روحها وترگعها بس هيهات تگدر تخلص نفسها ممرض جثل ثبتها ع...
