ممكن تصويت + تعليق بين الفقرات فضلاً وليس
وليس أمراً. متابعة لحسابي.
.
.
.
.
.
.
.
انتهى الموضوع خلص نحكمو بيت فرهود اخذت حقي وحق ليانة وكِيان منهم صار الي اريدة تعاقبو واخذو جزائهم زين ليش جاي ابچي ليش هلگد مقهورة ليش ارجف........!؟
انتهت القصة.......!؟
طلعني من تفكيري صراخ غيد بحرگة على ولدها ورجلها ادگ على راسها وتبچي من غير رغد الي حارو بيها جواد الي گلب القاعة بالسب والفشر الي مينذكر.
فرهود الي گاعد بالگاع مصدوم من كلشي شافة وسمعة ليانة الي سادة اذانها وتبچي خليتها بأيد نوح ونطقت.
لتين: طلع ليانة منا ودير بالك عليها.
نوح: ديري بالچ على نفسچ.
هزيت راسي اخذها وطلعو اخذو المحكومين وطلعو بقينة اني والعقيد حيدر وفرهود وغيد اباوع الي اريدة صار بس احس اكو شي غلط صدع صوت غيد وهية تحچي بحرگة وكلامها يسم البدن.
غيد: عساچ بحرگة گلبي عساچ بتعبي وكسرتي روحي يا لتين بت لينار عسى ماشفتي الراحة بحياتچ عساچ بحرگة گلب والدةةةة.
نفضت عباتها وطلعت حيدر سند فرهود وگعدة على الكرسي يبچي مثل النسوان وشماغة على وجهه اعترف نكسر گلبي علي لأن هوه ماچان يعرف بجرائمهم نطق حيدر يواسي.
حيدر: حجي گول يا الله والي صار امتحان من ربك ولا اعتراض على حكمة.
هز راسة گعدت گدامة على ركباتي بالگاع شال عيونة علية وگام يضرب على جبينة بقهر ويبچي لزمت ايدة ونطقت بهدوء.
لتين: ميستحقون تنزل دمعة منك عليهم.
رد علية بصوت مهزوز ويهز براسة بقهر.
فرهود: شلون الاگي رب العالمين اني شكيت بيچ وماصدگتچ ولا حتى حميتچ وضربتچ ودافعت عليهم وهمة اكبر مجرمين.
لتين: الي صار صار وانتة ماجنت تدري يلة تعال روح للبيت حتى ترتاح.
هز راسة گمت وسندتة طلعنة من القاعة اخذنة دورية وطلعنة للبيت وطول الطريق دمعتة ما نشفت من على خدة صح فرحت من اخذت الي اريدة بس شوفتة وهوه يبچي خربت واهسي.
وصلنة الشغالت ومهى تحمدلة وغيد دخلت ورانة وصعدت لغرفتها طلبت من حنين تسويلة ريوگ بقيت گاعدة ويا تريگ شوية وانطيتة علاجة گمت اريد اطلع ولزم ايدي رجعت گعدت نطق بكلام مليان قهر.
فرهود: شلون راح اقابل فاقد ولينار ومن يسألوني شلون انكتل ابنة وهوه ابيتك شگللهم.!؟ اگلهم مادري اگللهم ضربت بناتكم وما صدگتهن شگول.
لتين: دير بالك على نفسك ولتهمل صحتك واذا احتاجيت شي خلي مهى تتصل علية ماشي مهى.!
هزت راسها مبتسمة بوستها وطلعت اخذت الدورية ورجعت لـ المركز بس دخلت صاحب رفع سلاحة بوجهي گدام الكل وگفت بمكاني متصنمة كلهم دخلو تأهب سحب اقسام ونطق من بين اسنانة.
أنت تقرأ
جرم غير مباح.1423
Romanceقصة حقيقية: بقلمي ريام فاروق. اخذوها من گدامي واني أصرخ احس حبالي الصوتية اجرحت ونار تطلع من گلبي بعمر الورد وراح ياخذونها مني لازمني بين اديه واحسه يضغط على انفاسي اباوع شلون صعدوها وهيه تشيل روحها وترگعها بس هيهات تگدر تخلص نفسها ممرض جثل ثبتها ع...
