ممكن تصويت + تعليق بين الفقرات فضلاً وليس أمراً. 🙂🤍
متابعة لحسابي. 🙂💙
.
.
.
.
.
لحد ما اجه اتصال لــ ابوية خرب كل يومنه. جدو واگع على رجله ومكسورة ابويه اخذ امي وكِيان ويا واني وليانة بقينه بالبيت لأن عدنه دراسه.
فاقد: ليتي حبيبي ديري بالچ على اختچ ودراستچ وتأكدو من كل الابواب باليل وانته ريناد دير بالك عليهن.
لينار: من اطبخن ديري بالچ من الغاز والنار ولتبقن بدون اكل دييري بالچ على اختچ ولتخلينها وحدها وانتي رنا امانة بناتي عندچ.
كلامها هيه وابوية خنگني حسيتهم يودعون بينه وهاي اخر مرة نشوفهم بيها حضنت ابويه حيل حتى ضحك ونطق بمزح.
فاقد: ههه ليتي حبيبي خنگتيني يومين تلاثة ونرجع يله حبي صيري سباعية يعمري.
هزيت راسي بوسنه امي وابويه وكِيان يضحك علينه واني گوة لازمه دموعي طلعو بسيارة ابويه حضني ريناد من شافني واكفه وضايجه رفعت راسي اله عندي بمثابت كِيان ويفهمني من نضرة بدون ما احچي نطق يهدي بية.
ريناد: هاذا احساس الخوف لأن اول مرة تبقين بعيدة عنهم اهدي يومين ويرجعون وبعدين اني موجود يله ادخلي الجو بارد.
هزيت راسي ودخلنة سويه مر يومين بين اتصال ابوية ودوامنه واليوم الصبح يرجعون غيرنه ملابسنه اني وليانة وطلعنه وصلتها لمدرستها وطلعت لــ جامعتي ب 10 اجاني اتصال من تليفون ابوية بصوت عمو باقر.
لتين: هلا حبيبي وصلتو.!؟
باقر: عمو لتين انه عمچ باقر شووفي بنيتي تعاي انتي واخيتچ لبيتنه.
لتين: عمو باقر ابوية وين وليش نجي لبيتكم ابوووية وينه وليش انته اتصلت احچي عمووو.
باقر: خلي خالتچ وابنها يجيبونكم وانتي تعرفين يله استعجلو.
نطق كلامة بصوت مبحوح وعبرة اديه ترجف واتصلت على امي اكثر من مرة محد رد اتصلت على كِيان بالحضة الاخيرة جاوب صوت غريب.
لتين: و اخيراً حبيبي وينكم شصاير ابوية شبي.!؟
-انتي من اهل صاحب هاذا الرقم.
لتين: يي ااني منو انته منوو وكِيان وين امي وابوية وينهم شديصير.
-البقية بحياتچ بنتي اهلچ سوو حادث سيارة قرب سيطرة ال.. امچ وابوچ توفو واخوچ حاليا بمستشفى ال.....
ابد ما انسى شعوري بوكتها وگع التليفون مني وگعت ويا كُلشي گدامي يفتر النفس ضاع مني اريد اصرخ احچي ماگدر احس العالم وگف بيه غمضت عيوني وضربت على راسي اكثر من مرة اريد ارجع لوعيي اريد اگوم صرخت صرخة طلعت كل طلاب الجامعة.
أنت تقرأ
جرم غير مباح.1423
Roman d'amourقصة حقيقية: بقلمي ريام فاروق. اخذوها من گدامي واني أصرخ احس حبالي الصوتية اجرحت ونار تطلع من گلبي بعمر الورد وراح ياخذونها مني لازمني بين اديه واحسه يضغط على انفاسي اباوع شلون صعدوها وهيه تشيل روحها وترگعها بس هيهات تگدر تخلص نفسها ممرض جثل ثبتها ع...
