ممكن تصويت + تعليق بين الفقرات فضلاً وليس
وليس أمراً. متابعة لحسابي.
.
.
.
.
.
.
.
لتين: اني اسفة سيدي على عدم الامتثال لـ اوامرك وعلى الكلام الي سمعتة من العميد صاحب بحقك.
حيدر: لتين فاقد انتي اول محققة من غير أي ضابط او ملازم تردين على العميد صاحب على الرغم من هاذا الشي غلط بس بالقرآن شفيتي غليلي احسنتي وديري بالچ تعيدين هل التصرف.
نطق كلامة وطلع الكل يباوعلي بعدم رضى ما عدى حمزة الي نطق.
حمزة: الله شلون اجت لـ الحلگ بس حرامات ما تعاقبتي.
ماهر: مو بعدچ جديدة يا بوية ليش ما سكتيي.
رفل: لا لتين اله شوية رحتي بيها.
جَبتر: حضرت المحقق لتين فاقد تعالي لـ مكتبي.
نطقها بحدة وتوجه للمكتب استغربت شبي ليش هل العصبية نطق عُدي بأبتسامة لطيفه وهوه يخلي ايدة على كتف حمزة.
عُدي: اتحملي عصبية جَبتر عليچ ترى راح يحچي لـ مصلحتچ خليچ عاقلة.
هزيت راسي و توجهت لـ مكتب جَبتر الي صاير نار وجگارتة بين شفايفة بس دخلت عصرها بأيدة وشمرها بالگاع گام بوجهي ودفعني من جبيني بأصبعة نزلت راسي نطق بعصبية.
جَبتر: صاحب طاغي كلب مجرم طالع من طورة انتي شلوون تردين علييي ليش تلغيين ويااا صاحب يكرهچ قبل لا تتعينين ليش تخلينة يستغل منصبة ويأذيچ لو منزل بيچ عقوبة حبس لو فصل سشوين.!؟؟؟؟؟
نطق كلامة ولزم راسة يفتر بالغرفة معصب نطقت بهدوء.
لتين: بس سيدي ما عاقبني فـ ماكو داعي لـ هل الانفعال.
جَبتر: اطلعيي برةة.
حيل ضجت من طردة الي وشلون موجه اصبعة على الباب طلعت بدون ما اجادلة دخلت مكتبي ضايجة من خسارة القضية ومن اسلوب جَبتر ومن نقص النوم شوية و دخل ضابط اخذلي تحيه ونطق بهدوء يقدم نفسه.
سيف: مرحبا سيدي اني الضابط سيف قصي راح اكون مساعدچ ومن ضمن الفريق بأوامر العقيد حيدر.
لتين: اهلاً بيك سيف تفضل استريح.
گعد وقدملي قضية وگعدنة نشتغل عليها طول النهار بس طلعنة تغدينة ورجعنة رحنة لمكان الجريمة اخذنة الادلة للمختبر ومنتضرين النتائج طلعنة من وكت لأن ماعدنة شي نطق سيف يسأل.
سيف: سيدي ما عندچ سيارة.!؟
لتين: لا ماعندي اخذ تكسي.
سيف: سيدي اوصلچ وياي.!؟
لتين: لا عزيزي تسلم تصبح على خير.
أنت تقرأ
جرم غير مباح.1423
عاطفيةقصة حقيقية: بقلمي ريام فاروق. اخذوها من گدامي واني أصرخ احس حبالي الصوتية اجرحت ونار تطلع من گلبي بعمر الورد وراح ياخذونها مني لازمني بين اديه واحسه يضغط على انفاسي اباوع شلون صعدوها وهيه تشيل روحها وترگعها بس هيهات تگدر تخلص نفسها ممرض جثل ثبتها ع...
