في شقة صُهيب :
فتح تلفونو بحماس وضرب في رقم سيدرا ، في الاول م ردت ، ضرب تاني مرة بعد ثواني طويلة سمع صوتها الساحر : الو ؟
صُهيب بهيام : احلى الو وربي
سيدرا اتوترت وقالت ليهو : منو معاي ؟
- م قادر اصدق يا حبي اني اخيراً لقيت رقمك
- منو انت ؟؟
- امممم ممكن تقولي مُعجب
سيدرا ولا هظرت طوالي قفلت الخط في وشو وهي بتتحلطم
صُهيب نزل التلفون وقال بخبث : م عليك يا سيدرا ، بس الايام بينا واكيد ح تجيني
•>•>•>•>•>•>•>•>•>•>
في شقة سيدرا و وتين :
سيدرا قفلت تلفونها بزهج وبقت قاعدة تقلب في التلفزيون بدون هدف مُعين
وتين كانت في غرفتها فاتحة اللاب بتاعها ، لحدي م تلفونها ضرب ، ردت بسرعة : الو
- حبيبتي والله شوق كتيييير شديد
رفعت حاجب وقالت : حبة في نص راسك
اتصدم وقال ليها : رؤى مالك ؟
- رؤى مين يا ابني ؟
- يعني انتي م رؤي ؟
- رؤى منو ؟ م بعرف رؤى
- يعني دا م تلفون رؤى ؟
وتين ولعت ووصلت معاها الف وقالت بعصبية : يا ولد انت غبي ؟ اقول م بعرف لي اي رؤى انا وتجي تقول دا تلفونها ؟
- طيب آسف ماف داعي للجوطة
اخدت نفس وقالت ليهو : لا عادي م مشكلة
- طيب مع السلامة وآسف مرة تانية
- عادي عادي
قفلت منو وبعدها زفرت بضيق وطلعت لسيدرا برا لقتها في التلفزيون ، قعدت جمبها وقالت ليها : انا زهجاااانة
سيدرا بملل : حصل ياخ والله الزهج واصل معاي الف ، ارح نطلع
وتين عاينت ليها بطرف عينها وقالت ليها : تقول م كنتي في الجامعة اسي ولاقيتي عبودك
سيدرا ضمت يدينها لصدرها وقالت بهيام : وه بس من عبودي قلبي والله
التفتت على وتين وتابعت : م عارفة ليه انا بتصرف كدا
وتين : انه الحب يا فتاة
- تفتكري اكون حبيتو ؟
- الا اكيد حبيتيهو يا قلبي
- ااه الحب دا حاجة حلووة
وتين نزلت راسها وهمست بابتسامة حزينة : بس ممكن يكون حاجة كريهة شدييد
سيدرا عاينت لتوأم روحها اللي ما زال الماضي بيلاحقها وم راضي يخليها ، قربت منها وحضنتها بصمت ، وتين ختت راسها في كتف سيدرا وهي ساكتة لحدي م قاطعهم تلفون سيدرا بنغمة رسالة ، وتين رفعت راسها من كتف صحبتها ومسحت الدمعة الوحيدة اللي نزلت من عينها بسرعة ، سيدرا عاينت ليها وسكتت وبعدها رفعت تلفونها ثواني واتأففت بضيق
أنت تقرأ
أنت ما أريد
Romance❣︎ كيفَ جمَعت كل الاشياء التي اُحبها فيك ؟ كيف جِئْتني هكذا دون مَوعِد ونفَضْت كُل ذلك الغُبار الكثيف عن صدري ؟ كيفَ جعَلت هذا القلبَ بعد حُبك ناصعاً ؟
