أنت ما أريد

17

بعد يومين تاني :

- احسن الابيض ؟

- لااا البسي دا احلى ، اذا لبستي الابيض ح يبقى كتير شديد

شالتو منها وهي بتقول : طيب اوكي حلو

مدت ليها ساعة وشوية اكسسوارات وقالت : البسي ديل ، البسي الساعة والاسورة دي مع بعض حلوين

اشرت عليها وقالت بابتسامة : عسل ، اصلاً كنت مختاراهم

لبستهم وبعدها قالت ليها : كدا خلصنا

عاينت لملابسها اللي كانت عبارة عن فستان ابيض سادة وفوق ليهو عباية باللون السماوي وطرحة بلون الفستان وصندل عالي شفاف ..

قالت ليها بتوتر : شكلي حلو ؟

- يابت ما شاء الله تبارك الله والله طالعة حلوة حلوة بطريقة خيالية ، صدقيني عبدالرحمن عيونو ح تطلع قلوب

- قال انو ح الاقي امو

- امو زاتها عيونها ح تطلع قلوب

ضحكت وبعدها قربت منها وحضنتها وقالت ليها : بحبك والله

بادلتها الحضن وهي بتقول بابتسامة : انا اكتر والله

بعدت منها على رنة رسالة في تلفونها .. مسكت التلفون وقالت ليها بتوتر : دا عبدالرحمن قال هو تحت

- يلا بسم الله ، م تتوتري خليك قوية زي م انتي اصلاً عادي عرفتي دا عبودي م زول غريب

- انا م متوترة الا عشان هو عبودي

- اوفف يلا يلا انزلي م تتكلمي كتير ، لا ثواني تعالي

- في شنو تاني ؟

- تعالي ازيد ليك القلوس شوية

ردت برعب : لالالا اسي لو قال لي زي م احمد قال ليك والله بيغمى علي ولا ح اتفاهم

ضحكت ضحكة عالية وقالت ليها : يابت تعالي

طلعت من باب الشقة وهي بتقول ليها : هو الفي دا انا عايزة امسحو ، المهم باي يا قلبي

وقفت جمب الباب وقالت ليها : طيب اوكي باي ، حاولوا م تمشوا الشقة

سيدرا لفت وعاينت ليها بتهديد وهي ضحكت وقالت ليها : عايني ليهو كدا وصدقيني ح تمشوا الشقة

قفلت الباب بسرعة وهي بتضحك لمن شافتها وهي جاية عليها : يلا يا ماما امشي سريع م تخليهو ينتظر

ركبت المصعد وهي تستغفر عسى ولعل تهدى شوية ، طلعت من المصعد وبعدها من المبنى كلو ، شافتو وهو متَكل على عربيتو وبعاين في الارض ، لابس قميص ابيض مع بنطلون من درجات البيجي وجزمة سوداء مع حزام وساعة اسود برضو ..

همست بخفوت : م ممكن يكون حلو كدا ، اوف يا سيدرا بسم الله عليك يلا م تتوتري

مشت عليهو بخطوات هادية ، وهو طوالي رفع راسو واول م لمحها ابتسم ، قربت عليهو وقالت بصوت هادي عكس التوتر الفيها