قرب بخطوات غير مسموعة قعد قدامو في الارض وهو سامع صوت تنفسو السريع مدّ يدو وشال العِصابة اللي مغطية عيونو
- اهلاً مرة تانية
بلع ريقو بخوف وهو بعاين ليهو ، احمد وقف من الارض ودخّل يدينو في جيوبو وهو بعاين للقاعد في الارض
- بقيت كيف ؟
سكت مسافة وهو بعاين ليهو بخوف وبعدها قال : انا انا آسف على الحصل لوتين
احمد قاطعو وهو بقول : لا يا حلو ، قلت ليك اسمها اشرَف من انو يتنطق بلسانك
تنفسو ازداد وحبيبات العرق اخدت مكان في جبينو : طيب آسف ، كانت بس لحظة شيطان
- المرة الاولى كانت لحظة شيطان ، المرة التانية كانت شنو ؟
ردّ بنبرة شبه باكية : آسف والله آسف مستعد اركع ليك عشان اعتذر
- اول حاجة الاعتذار م لَي انا ، وبعدين اعتذارك دا اسي ح يعمل شنو ؟ ح يرجع الفات ؟ ح يرجع وتين الزمان ؟ ح يمسح ويغطي الجروح العملتها فيها ؟
نزل راسو من غير م يرد عليهو ، احمد قال : ح اندمك ، صدقني ح آخد حقها تالت ومتلت
قال بصوت مُرتجف ومهزوز : حتى ربنا بسامِح ، انت منو عشان م تسامح ؟ ان الله غفور رحيم
- بس انا انسان والانسان بطبعو حقود ، وبعدين انّ الله شديد العقاب برضو
دقايق من الصمت قطعها احمد مرتضى : وتين ... اقصد هي كانت .. وِثقت فيني سريع انا في البداية كنت عايز العب وم كنت معتبرها علاقة جادة نسبة لانها كانت صغيرة بس تمينا سنة وم قدرت ابعِد منها حبيت ونستها وكلامها وحُبها لَي واستمريت معاها لحدي م جا اليوم داك ... م كنت قادر اقاومها واقاوم جمـ......
سكت وهو بئِن بألم بسبب اللكمة اللي اداها ليهو احمد وبعدها قال : م قدرت اتجاوز ، تابع كلامك وحاول قدر الامكان م تجيب كلمات توصِفها او تسيئ ليها او انا م مسؤول من الح يحصل ليك
سكت بسبب الم راسو وفكو اللي سببتو قبضة احمد تابع بعد ثواني : الشيطان لعب بي وم قدرت اقاوم رغبـ... قصدي م قدرت ... الشيطان لعب بي بس
احمد كان بعاين ليهو ببرود بس عيونو لونها احمر : اقيف
عاين ليهو وهو تابع : قلت ليك اقيف على حيلك
احمد مرتضى وقف من الارض بس كان واقف بطريقة غير مُستقيمة بسبب الم رِجلو من رصاصة احمد قبل فترة ، احمد محمد فكّ يدينو اللي كان مربطها ليهو وقال
- امشي
عاين ليهو بدهشة كأنو م متوقع وقال : انا ؟ يعني قصدي امشي خلاص ؟
- اي امشي ، بس م خلاص ح اجيبك تاني طبعاً
مشى خطوة وهو بعاين لاحمد اللي كان بعاين ليهو ببرود ظاهري ، خطى الخطوة التانية واحمد برضو م اتحرك لحدي م طلع من المستودَع واتوَجه على بيتو بسرعة ..
أنت تقرأ
أنت ما أريد
Romance❣︎ كيفَ جمَعت كل الاشياء التي اُحبها فيك ؟ كيف جِئْتني هكذا دون مَوعِد ونفَضْت كُل ذلك الغُبار الكثيف عن صدري ؟ كيفَ جعَلت هذا القلبَ بعد حُبك ناصعاً ؟
