وتين كانت بتتونس مع احمد وبتطلع من موضوع وبتدخل في موضوع تاني وهو ببادلها وفي النهاية قال ليها
- وتين ..
قاطعتو بسرعة وهي بتقول ليهو : طبعاً لمن كان مشينا المستشفى آخر مرة م بتتخيل الدكتـ...
قطعت كلامها لمن احمد وقف العربية على جمب والتفت عليها وبقا بعاين ليها ، ابتسمت بتوتر وقالت ليهو : مالك ؟ قطعت بنزين ولا شنو ؟
- معليش بس م ح تتهرَبي مني ، قبيل قلتي لي لمن نرجع ح اوريك ومن ركبنا انتي بتماطلِي وبتجيبي مواضيع من ماف عشان تضيعي الموضوع الرئيسي
مررت يدها في شعرها وقالت ليهو : لا م كدا بس يعني بحب اتونس معاك وكدا
- حتى انا بحب اتونس معاك وبحب اسمع صوتك ، بس برضو لازِم توريني انتي مالك
- مش انت قلت ح توريني برضو ؟
- وانا عند كلامي بس ح تتكلمي انتي اول وبعدها انا
ضيقت عيونها عليهو وقالت : اذا م وريتني ؟
- ح اوريك ، وعد
اخدت نفس وقالت ليهو : اسمع هو اصلاً الموضوع م خطير شديد وانا اسي ماشة على اني ابقى احسن
كان بعاين ليها بهدوء خارجي بس من جوا كان خايف شديد ، خايف من انو يفقدها خايف من المرض اللي هي داساهو منو ، فضِل يعاين ليها وهي تابعت
- انا عندي Coronary artery stenosis (ضيق الشريان التاجي)
عيونو اتوسعت وقال ليها : نعم !! من متين ؟ عملتي عملية ولا لأ ؟
- اوكي انت اهدا ، وعدتني انك م ح تأڤور الموضوع
ضغط على اسنانو بعصبية ، وهي قالت : انا الحمد لله اكتشفتو بدري والحمد لله م محتاج عملية بس علاجات باخد فيها حالياً
- من متين ؟ عرفتي متين ؟
- امممم تتذكر لمن اتلاقينا في الشارع ؟
- لمن مشينا الكافيه اول مرة ؟ ولا لمن مشينا الدار ؟ ولا لمـ...
قاطعتو وهي بتقول : بسم الله يا احمد ، لمن مشيت معاك العيادة وكنت ببكي ، كنت جاية من المستشفى
العصبية كانت واضحة فيهو وهو بقول ليها : طيب ليه م اتكلمتي من زمان ؟
- بالجد م حاجة خطيرة بس محتاجة اني اواصل في العلاج وانت عارف انو الاغماء والارهاق حاجة طبيعية جداً في حالتي دي
- طيب انتي لسة مواصلة ترهقي نفسك
هزّت راسها بالنفي وقالت : لا بالعكس ، انا ماشة في تحسُن والحمد لله
- وتين .. وتيني انتي متأكدة انك كويسة ؟
- والله يا احمد كويسة
أنت تقرأ
أنت ما أريد
Romance❣︎ كيفَ جمَعت كل الاشياء التي اُحبها فيك ؟ كيف جِئْتني هكذا دون مَوعِد ونفَضْت كُل ذلك الغُبار الكثيف عن صدري ؟ كيفَ جعَلت هذا القلبَ بعد حُبك ناصعاً ؟
