بعد مسافة بسيطة من القِيادة وصلوا البيت ، نزلوا واحمد نزّل الشنط ولمن دخلوا كان في استقبالهم ليلى ونُهى وجنى ..
نهى مسكتهم وحضنتهم الاتنين ودموعها نازلة : الف سلامة عليكم يا بناتي حمد لله على سلامتكم
فكّتهم لليلى اللي سلمت عليهم بنفس الطريقة وبعدها جنى وبعد دقايق بسيطة من السلام قعدوا في الصالة ومعاهم احمد في حين البنات الشغالات شالوا شنطهم وطلعوها ليهم فوق ..
كانوا فاتحين قناة اخبارية في التلفزيون ومتابعين الحاصِل وانو رسمياً القوات الخاصة نزَلت عشان الموضوع بدا يخرج عن السيطرة
ليلى : حسبي الله ونعم الوكيل فيهم جوا من وين هم اسي ؟
نهى : والله انا زاتي م عارفة انتشروا بطريقة كدا لمن غريبة ، لكن مَدام العمل الخاص نزَل خلاص بعد دا ببيدوهم ان شاء الله
جنى قالت بحماس : واي طبعاً انا بحبهم شديد
ليلى : منو ؟
جنى : ناس الspecial command
نهى : اجي وبتعرفيهم من وين ؟
جنى : نانا م ضروري اعرفهم شخصياً المهم كدا يعني
سيدرا قالت بضحكة : انتي لاحقة وتين
جنى : اوف انتو حظكم عشان شفتوهم ، بالله عاملين كيف ؟
وتين كان نفسها تعلِق بس نظرات احمد اللي كان مضيق عيونو عليها م ساعدتها ، ضحكت وقالت ليها : بوريك بعدين
احمد : تعليقات عجيبة غريبة م عايزها يا مرتي
حسّت بالاحراج من كلمة " مرتي " بس قالت ليهو : لا م تخاف ان شاء الله
ليلى ضحكت وقالت : كلنا عايزين نسمع انهم عاملين كيف
احمد ابتسم وقال ليها : يعني انا شوكة حوت ؟
جنى : اي يا حبيبي عشان كدا امشي وخلي وتين تحكي لينا براحتها
احمد وقف وقال : م عشان عيونك لكن اصلاً كنت طالِع
نهى : فوق ؟
احمد : لا طالع برا عندي مشوار صغيروني كدا
ليلى : سمح خلي بالك عليك الله
- ان شاء الله ، عايزين حاجة ؟
- سلامتك بس
عاين لسيدرا و وتين وقال : مفتاح عربيتكم وين ؟ عشان اجيبها ليكم
وتين ردت : لا طبعاً مستحيل ترجع هناك تاني
- لا برسل زول او كدا ، المفتاح معاكم ولا في الشقة ؟
سيدرا طلعت المفتاح من شنطتها وقالت ليهو : هدا
شال منها المفتاح وبعدها عاين لوتين اللي قالت : احمد عليك الله م ترجع هناك
أنت تقرأ
أنت ما أريد
Romance❣︎ كيفَ جمَعت كل الاشياء التي اُحبها فيك ؟ كيف جِئْتني هكذا دون مَوعِد ونفَضْت كُل ذلك الغُبار الكثيف عن صدري ؟ كيفَ جعَلت هذا القلبَ بعد حُبك ناصعاً ؟
