ركبها في العربية وبعدها ركب هو وحرّك العربية بسرعة لاقرب مستشفى ، بعد دقايق بسيطة من القيادة السريعة وصل للمستشفى ، نزل وبعدها نزلها ودخل بيها المستشفى ، استلموها منو الممرضين والاطباء ودخلوها ..
شال تلفونو بسرعة واتصل على عبدالرحمن وكلمو يجي ومعاهو سيدرا ، بعد دقايق الدكتور طلع واحمد مشى عليهو بسرعة
- حصل شنو يا دكتور ؟
- المريضة اُصيبت بانهيار عصبي ، واضح انها اتعرضت لضغط كبير ادى لتلف اعصابها اديناها مهدئات وانا شايف انها احسن تواصل مع طبيب نفسي
حسّ بعبرة في حلقو وقال : طيب ، شكراً
- العفو دا الواجب ، ربنا يشفيها ويعافيها
اول م الدكتور مشى احمد دخل لوتين اللي كانت نايمة في السرير ، سحب كرسي وقعد جمب سريرها وهو بعاين ليها ولملامحها ، جزّ على اسنانو بعصبية شديدة وهو بتذكر في احمد مرتضى وكيف مسكها وكيف كان بضحك بكل برود كأنو م ضيع سنين من حياتها
- آه آه ياربي لمني بيهو مرة تانية يارب واقسم ليك يا وتين حقك يرجع تالت ومتلت
همس الكلمات دي بعصبية ، وقف من الكرسي وهو م عارف يفرغ عصبيتو وين ، من اهم المشكلات البتواجهو في حياتو عدم مقدرتو على التحكم في عصبيتو ، بقا ماشي وجاي في الغرفة وشادي على شعرو لدرجة انو حسّ بانو ح يقلع فروة راسو
- احمـد
همس ضعيف وواهن طلعو من الحالة الغريبة اللي كان فيها ، مشى على وتين اللي كانت شبه مفتحة عيونها بضعف وقال ليها : يا عيون احمد ويا روحو
دمعة نزلت من عينها وتلتها دموع كتيرة بعدها ، احمد مدّ اصابعو وهو بمسح ليها في دموعها : هششش خلاص حبيبي م تبكي
همست بضعف وبكاء : ليه ليه ، ليه رجع تاني ؟
احمد ملامحو انكمشت بحزن شديد عليها وقبل يتكلم ، وتين قالت برعب : عايز يعملها ، اكيد عايز يعيدها قال لي اخيراً اتلاقينا
اتمسكت في احمد وهي بتقول بهلع : احمد م تخليهو يجيني ، انا م بقدر تاني ، هو ح يجيني هنا ح يلقاني تاني
وقفت من السرير بسرعة وقالت لاحمد بصراخ : م تخليهو يجيني ، عليك الله خلينا نمشي من هنا والله ح يلقاني تاني
احمد قرب منها ومسكها من يدها وقال : وتين م ح يلقاك ، م ح يعمل ليك حاجة ان شاء الله انا قاعد والله م يقدر يصلك
مسكت يدو وهي بتصرخ بهستيريا : لاا قلت ليك خلينا نمشي انت ليه م عايز تسمع الكلام ؟ ح يعملها مرة تالتة وانا برضو م ح اقدر اعمل حاجة
على صوت صراخها الممرضات والدكتور جو داخلين ، حاولوا يسحبوها من احمد ويرجعوها السرير بس هي كانت ماسكة يدو بقوة وم بتقول غير " ح يعيدها تاني " ، رقدوها في السرير وبعدها ادوها ابرة مُهَدئة ، احمد مسك يدها وعيونو بتلمع بالدموع
أنت تقرأ
أنت ما أريد
Romance❣︎ كيفَ جمَعت كل الاشياء التي اُحبها فيك ؟ كيف جِئْتني هكذا دون مَوعِد ونفَضْت كُل ذلك الغُبار الكثيف عن صدري ؟ كيفَ جعَلت هذا القلبَ بعد حُبك ناصعاً ؟
