وائل عاين لاحمد اللي جا نازِل من غرفة وتين وقال ليهو : في شنو ؟ مالها ؟
- م شي مهم
عقَد حواجبو وقال ليهو : مستحيل حاجة م مهمة تخليك تجي من بيتكم لحدي هنا عشان تتكلم معاها
احمد اتنهد وقال ليهو : على فكرة انت سغيل
- شكراً ، ممكن توريني اختي مالها ؟
- عاين رايك شنو نطلع ؟
- نمشي وين ؟
- اي مكان ياخ ، نشم هوا ساي
- طيب ارح لكن برضو ح توريني الحاصل شنو
طلعوا وبعدها اتوَجَهوا على شارع النيل ، نزلوا من العربية وقعدوا في مكان القهوة دقايق وطلبهم كان جاهز
وائل : احمد
احمد : يا عيون احمد
ضيّق عيونو وهو بعاين ليهو ثواني وبعدها قال ليهو : اخـتـي مالها ؟
ردّ احمد بضحكة : بالمناسبة لاحظت حاجة ، لمن تجي تحذرني من حاجة او تسأل من حاجة عندها علاقة بوتين بتقول لي " اختي " زي م ابوك بقول لي " بتي " في حين انو في المواضيع والحكاوِي العادية بتقولوا " وتين "
سكت ثواني وهو بفكر وبعدها قال بضحكة صغيرة : اي والله يادوب لاحظت ، دا طبعاً نوع من الترهيب وكدا يعني الزولة دي وراها اخو وابو
- وراجل برضو
- اي برضو ، لكن م نسيت الموضوع لسة انا
- ياخ انت معّاط بطريقة مبالغة ، بس كنت بتكلم معاها وقلت ليها ليه م بتمشي للدكتورة وقالت انها م عايزة تمشي نهائي وحاولت اقنعها بس م اقتنعت في النهاية قلت ليها لمن اجيك بكرة بنتناقش بس هي زعلت وقفلت الخط
- دا م منطِق بالنسبة لي ، يعني اسي البخليها تزعل شنو ؟
احمد عاين ليهو ثواني وبعدها قال ليهو : يا وائل سؤال
- اها
- وريني هل حصل ارتبطت ببت قبل كدا ؟
- مرتين ، ولا تلاتة ؟ اي مرتين التالتة دي م بقول عليها ارتباط لانها كانت لمدة اسبوعين ، ليه السؤال ؟
- طيب ليه بتديني احساس انو خبرتك زيرو في التعامل مع البنات ؟
عاين ليهو بعدم فهم وبعدها قال : انا لاسي م فاهمك قاصد شنو ؟
لفّ وشو منو وقال ليهو بملل : خلاص ياخ انسى ، عارف انا اسي نفسي في شنو ؟
وائل كان في قِمة الاستغراب من احمد بس قال ليهو : نفسك في شنو ؟
- امسك زول واضربو اضربو لمن زيتو يطلع وبعدها يبقى كويس وتاني امسكو واعمل فيهو نفس العملية
الصدمة اعتَلَت ملامح وائل بسبب كلام احمد والطريقة القال بيها الكلام وقال ليهو : والله م بلوم عبدالرحمن دامو بقول ليك مُختل لانك جدجد م طبيعي وبرضو اياد كلامو صاح
أنت تقرأ
أنت ما أريد
Romance❣︎ كيفَ جمَعت كل الاشياء التي اُحبها فيك ؟ كيف جِئْتني هكذا دون مَوعِد ونفَضْت كُل ذلك الغُبار الكثيف عن صدري ؟ كيفَ جعَلت هذا القلبَ بعد حُبك ناصعاً ؟
