يا سحابة خافقي يا تباشير البروق

Part 1

١البداية"-

بيت الجد مانع ال ثنيان "بوسط جناحها البارد شديد الهدوء و الظلام الجناح الي مايقربه احد من اربع سنين غيرها ، جناحه الخاص واقفه بكل لهفتها تدعي البرود امام النافذه الكبيره تراقب دخول افراد ال ثنتان وحماسهم الكبير لوصوله بعد مُده غياب ، مانزلت ولا قابلت احد اليوم ، وما كان لها نية تقابله او تقابل احد اهلها ، اكتفت بمراقبتهم من نافذه غرفتها ، وهي تشوف الفرحه بوجه كل افراد العائله ، حماسهم بالسلام عليه وبالمقابل هدوئه وبروده بالمصافحه الي كان باين جداً بملامحه ، كانت عيونه تبحث عن شي بالحديقه ، و لحالها كانت تدري انه عيونه تبحث عنها هي ، بدون لا ينتبة لها احد لكن لاحظته وشلون ماتلاحظه وهي تنتظره سنين ، بعدت بسرعه عن الشباك وهي تشوف عيونه توجهت لجناحه ، ماكانت تبيه تشوفه ورفضت مقابلتها له اشد الرفض ، رغم طلب جدها بنفسه انها تتجهز وتنزل لكنها رفضت طلب جدها للمره الاولى ، هالمره ماكان طلبه هين على قلبها وشعورها ، ماكان هين عليها تقابله بعد كل هالسنين الي غاب فيها بدون تبرير ، صارلها من صباح اليوم حابسه نفسها بالجناح خوفاً من انها تلتقي فيه اذا طلعت فزت برعب وهي تسمع صوت خطوات قادمه للجناح ورجف كامل جسدها من فرط التوتر الي حست فيه بلعت ريقها وهي تحاول تستوعب تحاول تبحث عن مكان تتخبى فيه عنه لا يشوفها ، ارتخت ملامحها وهي تسمع صوت ميعاد يناديها ، سمحت لها بالدخول ، ودخلت ميعاد الي كانت جامده ملامحها لانها تدري بردها عن الموضوع:سحاب سياف طلب يشوفك ، وينتظرك بالمجلس تحت "هزت راسها بالنفي بشديد الرفض وبحده اردفت:قولي له نايمه رجف كامل شعورها وهي تسمع صوته وتشوف دخوله وراء ميعاد بكامل هيبته وطوله الي يرجف قلبها ويوترها:نايمه يا سحاب ؟عضت شفتها بتوتر ، والي زاد توترها وقت اشر لميعاد تطلع من الجناح كانت بتعترض وتنطق لكن جمدت وهي تشوفه يسكر الباب ويتقدم ناحيتها ، بلعت ريقها بتوتر وهي تحاول تهدي نفسها وتخفف من رجفتها وسكرت عيونها لثواني وفتحتها وكان قريب منها بشكل مخيف ومربك واردف:مانزلتي تسلمي علي !رفعت عيونه له وسُلبت منها كامل حروفها وقت التقت عيونهم ببعض ونزلتها بشكل سريع ماتبي تظهر ربكتها وهزت راسها بالنفي :كنت نايمه "