يا سحابة خافقي يا تباشير البروق

Part 6

٦
-
عقد حاجب:ادري انك بالمثل تبيني ، وادري ان رفضك عتب علي ، الشي الوحيد الي لازم تعرفينه اني تركت كل شي ورجعت عشانك ، رجعت لاني ماتحملت انهياراتك ودموعك وانا بعيد عنك ، بتعرفين مع الايام سبب هالغياب لكن صدقيني ماغبت الا للشديد القوي "
سكرت عيونها وقشعر كامل جسدها من نزول دموعها و من لمسة ايدينه لخدها يمسح دموعها مافتحت عيونها لثواني لين ابعد يدينه منها ووقفت وكانت بتدخل للبيت واردف سياف بهدوء:امي مهره تقول بتجلسين هنا مابترجعين بيتكم معهم "
عضت شفتها وهي للحضه ادركت ان جدتها طلبت منها الجلوس عندها هالشهر قبل ايام ، لكن رجوعه نساها ولخبط موازينها وزفرت وهي تسمع باقي كلامه:فكري"
ما التفتت له وهي تمشي للداخل متجاهله كلامه
يصدمها بروده بالكلام ، شلون يعاملها كانه اختفى اربع ايام او اربع شهور مو سنين ، شلون ماعتذرلها ويبرر غيابه
لو شرح غيابه وبرره كانت بتسامحه ، كانت بتصارحه انها اشتاقت له حيل بغيابه ، وانها انتظرته دايماً وانها كانت بكل مره تبكي فيها تنتظر دخوله من الباب تنتظر يمسح دموعها وياخذها بحضنه ، مثل ماتعودت بطفولتهم
لكن طال انتظاره وبدأت تنسى ذكرياتهم ، عاشت بدونه اربع سنين ، اربع سنين على ذمته وماتدري بمكانه
دخلت وهي تشوف ميعاد نازله مع بنات عمها ارياف و وتين عضت شفتها وهي ماتبي تجلس بدونهم لانها تدري عن كثر زياراته لبيت جدها:بتروحون ؟
اردفت وتين:مابتجين معنا ؟
هزت راسها بالنفي ، وعضت شفتها لثواني واردفت:امي مهره تبيني هالشهر اساعدها
عقدت وتين حاجب واردفت:تراه فخ عشان يقنعونك بالزواج هي وجدي "
ارمقتها ميعاد بنظرات حاده واردفت:وش رأيك بالموضوع؟
سكتت وهي تطالعهم لثواني تسأل نفسها هالسؤال ، عجزت تحدد شعورها وموقفها ، شلون تتزوجه وشغله يؤدي لغيابه بـ اي لحظه ، وبدون اي تبرير "
تدري عن شعور سياف لها ، وتدري انه حتى جدها يخاف يزعلها عشانه ، وتدري انها نُقطه ضعفه الوحيد وهو ماله بالضعف اعتراف " زفرت وماكان عندها رد لسؤالها ولا كانت تدري عن قراراها ، الي تعرفه بهاللحظه انه طالما مابرر غيابه مستحيل تتزوجه ، وهو معرض للاختفاء
-