يا سحابة خافقي يا تباشير البروق

Part 11

١١
-
لكن خالف عادته لاول مره واردف بهدود ؛ نعم ؟
لاحظ نظراتها لاحظ خيبتها وتوقعها لرده الي تعودته لكن تظاهرت بعدم الاهتمام واردفت ؛ جدي يبينا بمكتبه
هز راسه بايه وهو يوقف يمشي خلفها متوجهين لمكتب مانع ، الي سمح لهم بالدخول جلسو ع الكراسي الي كانو مقابلين بعض ينتظرون جدهم يبدأ حديثه ، هي كانت منزله راسها ومارفعت عيونها ، وهو عكسها هو مارفع عيونه عنها ، وتأملها بشكل واضح لعيون مانع الي كان يشوف حُبه لمهره بنظرات سياف اردف مانع بهدوء ماخلى من الحزم : سحاب طالعيني
رفعت عيونها الي كانت تلمع من فرط توترها ، ومن خوفها بان جدها يجبرها على شي ماتبيه ، وامام سياف اردف مانع : ما يكفي هالمده تفكرين ؟
هزت راسها بـ ايه واردفت برد صدم مانع ؛ فكرت جدي
وما ابي اكمل ، ضاع من عُمري اربع سنين ولا ودي يضيع باقيه"
اردف مانع وكانه يلغي هالفكره من راسها ؛ ما عندنا طلاق يا سحاب وانتِ تدرين "
اردفت وهي تحاول تلتزم الهدوء ، وتضبط نفسها لا تبكي او تدمع عيونها ؛ ما احد يدري عن زواجنا الا ال ثنيان !
اردف مانع بهدوء ؛ سياف رجع والحين بينتشر الخبر
تبين يقولو طلق بنت عمه وهم توهم مملكين !
عضت شفتها وهي فاهمه طريقه احباط جدها عشان تلغي الفكره واردفت ببرود ؛ اجل ما يطلقني ، وكل احد فينا يكمل حياته مثل ما عشنا بالاربع سنين !
عقد حاجبه بصدمه من ردها ، ونبرتها بالرد ، لمح الغضب بملامح جده لكن اشر لجده بعيونه وكأنه يقله يترك الموضوع له ، ولاحظت سحاب حركته وميلت شفتها بسخريه ، لانها تتوقع ردة فعلها اذا احد سوا شي يعارض رغبة سياف ، او فكر يرفض له طلب وشلون باكثر رغبات سياف ، الي ماكانت غيرها "
اردفت ؛ انا بطلع ، وجدي تكفى لا يضغط علي احد بهالموضوع ، قراري اتخذته ، واذا يبي الزواج من غيري
ما اعارض ولا عندي اي مانع " كانت تقول كلامها ويهُلك قلبها من تخيل الفكره ، من كونه بيكون مع احد غيرها لكن تظاهرت بالبرود ، الي يعرف خافيه سياف ويعرف صِدق شعورها من نطقها لهالكلام ، ولهالسبب ماتضايق عكس مانع الي كان بيصرخ فيها لولا نظرات سياف له
طلعت بسرعه لانها كانت تدري ان دموعها مابيتمالكوا اكثر وبمجرد ماسكرت الباب نزلت دموعها ، وقابلتها مُهره الي رجف قلبها من دموعها وتوقعت ان مانع اجبرها على شي:سحاب يمه وش فيك ؟
ماردت عليها وهي تطلع لجناحها بسرعه ، وكررت مهره السؤال نفسه لسياف الي طلع من مكتب جده وعقد حاجبه باستغراب انها طلعت تبكي ، رغم عدم اعتراض جده او مناقشتها بالموضوع كان بيطلع وراها لكن في شي منعه وتوجهه للحديقه بدون مايرد على المهره "