يا سحابة خافقي يا تباشير البروق

Part 21

٢١
-
وصل لمكتبه وعقد حاجب وهو يشوف احد اصدقاء جده بالمهنه والراس الاكبر ، ينتظره وملامحه ماكانت تدل على الخير جلس بكل هدوء على مكتبه ؛ تفضل طال عمرك "
اردف غانم ؛ الحمدلله على سلامتك يا سياف ..
اردف سياف وهو يدري انه صار شي كايد وهالشي ضايقه ان غانم جاء لمكتبه وبوسط حضور الجميع ؛ الله يسلمك ، اذا جاي بخصوص الكلام ، بيوقف صدقني "
هز راسه بالنفي ؛ جاي احذرك ، لا تهدم كل شي بأول رجوعك ، حذرت مانع قبلك ، وقال ماينخاف على سياف ، لكن بدأت تدخل بالخطر ياحفيد مانع ، ولا نبي ينهدم شي بنيناه ! عشان كلام الناس !!
زفر سياف وهو يحاول يتمالك نفسه ولا ينفعل حتى بنبرة صوته احتراماً لجده وله واردف يكرر كلام جده ؛ ماينخاف على حفيد مانع طال عمرك ، وبالنسبه لراشد ال منصور اتركه علي "
اردف غانم بهدوء ؛ الاهم ماتكبر مشاكلكم ، وتوصل لفوق
حل الأمور بهدوء "
هز راسه بـ اي وداخله نيران ، من راشد ومن كافة ال منصور ، الي من الماضي مايدانون جده ، ولا يبون لاحد فيهم طيب السمعه والمنصب ، حاربو جده قبله والحين يحاربونه ، زفر وهو يشوفه يطلع من مكتبه ورفع جواله يدق على مساعده ويده اليمين ؛ موقع راشد الحالي ارسله لي يا ليث ، ولا تتاخر
وقف وهو يدور بالغرفه يحاول يتمالك اعصابه ، لكن ماتمالك نفسه اكثر بمجرد وصول رساله ليث بالعنوان طلع من مكتبه بسرعه ، وبغضب لفت انتباه كل الموجودين الي كانوا يدرون ان في مصيبه وراء غضب سياف ، حرك سيارته متوجهه للحّي المليان بافراد ال منصور ، ساق بسرعه جنونيه ، والغضب كان يحرقه يدري عن دناءة ال منصور ، لكن ماتخيل انهم بتكون بهالطريقه وصل امام البيت ونزل وميل شفته بسخريه وهو يشوف الحارس يكلم بالسماعه وما اضطر يعرف عن نفسه ، وصد ينتظر طلوع راشد ، الي ماطول وطلع بسرعه وابتسامه هادئه ؛ حيا الله سياف ال ثنيان "
اردف سياف بحده وغضب ؛ وين تبي توصل واوصلك ؟
تبي تصير فريق ؟ او تبي منصبي وش ما كان !!!
ابتسم راشد ببرود ؛ اتفضل اقهويك هالأمور مايتكلموا عليها بالواقف ، الجدران لها أذان ، والا كان علمتك وين ابي اوصل يا سياف "
عقد حاجبه وزاد غضبه وهو يكرهه التلميحات ؛ انطق لا تخاف الجدران ؟ وين تبي توصل ؟ لا تطول الامور !
اردف راشد بهدوء ويعرف ان البرود يثير اعصاب سياف ؛ تظن بيخفى عني ماضيك ؟ والي صار بالاربع سنين ؟
ابتسم سياف بسخريه وصدمة من كلامه وقلة معرفته للامور ؛ كنت اظنك اذكى يا راشد ، وخاب ظني
كلمتين وتذكرها ، كانك تبي تلعب ، اللعب بالعلن "
ماهي سوايا رجال القيل والقال ، انت تدري ان هالكلام مايضر غيرك "
-