يا سحابة خافقي يا تباشير البروق

Part 30

٣٠
-
ابتسمت وتين وهي تشوف توترها الواضح والي كانها تخفي جريمه ؛ حي سحابي ، طمنينا اقنعك؟
وسعت عيونها بصدمه ؛ وش اقنعني فيه ؟
ضحكت عروب من ملامح سحاب ؛ الامور تعدت الاقناع ، والظاهر تحدد الزواج
هزت راسها سحاب بالنفي ؛ ما اقنعني ، كلكم تدرون ان مابتقنعني غير الأسباب ، والتبريرات !
ضحكت وتين ؛ ما اشوف انه برر لك ، بس اشوف وحده طايره من الفرحه !
اردفت ميعاد بحده وضحكت ؛ خلاص بنات لا تحرجون سحابي "
اردفت سحاب وهي توقف ؛ انا بروح لأمي مهره افضل لي
اردفت وتين ؛ امي مهره تقول يرجعون كلهم ونحنا مانروح
تلاشت ابتسامة سحاب ؛ لا برجع بيتنا"
هزت عروب راسها بـ ايه ؛ ماله داعي ، جلوسنا "
،
بيت خالد ال ثنيان "
زفرت وهي بالفعل اشتاقت لبيتهم والهدوء الي فيه واشتاقت لاخوانها الي نادر تلتقيهم ببيت جدها نزلت من غرفتها وهي تشوف عزام وتميم اخوها جالسين مع امها
ابتسم تميم وهو يرحب فيها ؛ عاش من شافك يا سحابي
كان مارجعتي اذا تبين عادي "
ابتسمت وهي تجلس بالقرب من وصال ؛ حسيت ان في احد مشتاق لي وجيته "
ضيق عيونه تميم باستغراب ؛ عزام مشتاق لها انت ؟
رفع عزام عيونه عن جواله وهز راسه بالنفي ؛ من قاله ؟
ضحكت سحاب ؛ ماما شوفي عيالك يبوني ارجع بيت جدي "
هز تميم راسه بالنفي ؛ مو بيت جدي الا بيت زوجك "
وسعت عيونها واردفت ؛ مب رايحه أي مكان جالسه على قلبك ، لا يكون عندك اعتراض ؟
اردفت وصال ؛ اتركوا بنتي بحالها ولا احد يتدخل فيها
تزوج انت واخوك الي عدا الثلاثين وفكوني منكم
وسع عزام عيونه من الموضوع الي رجع عليه ؛ وش دخلني بموضوعكم انا ، وش دخل عمري "
هزت وصال راسها بـ اي ؛ صار عمرك ثلاثين وللحين ما اعرست ، امي مهره تقول بتزوجك هالسنه غصب او بالطيب"
هز راسه بالنفي معترض ؛ مشكورين ، خليكم بتميم
ابتسم تميم ؛ ماكان ودي ، بس دامها رغبتكم نقول بسم الله ونتوكل "
اردف عزام بهدوء يوجه كلامه لامه ؛ ماقلتي لنا ان الزواج تحدد !
ضيقت سحاب عيونها باستغراب ؛ اي زواج ؟
عقد عزام حاجب ؛ زواجك !!
اردفت باستغراب ؛ ومن قال تحدد ؟
زفر عزام وهو ادرك انها ماتدري ؛ سياف اعلن ملكتكم اليوم بين كامل رجال الديره ، وبشر الجميع ان زواجكم قرب
عقدت حاجب باستغراب ، وتغيرت ملامحها لشديد الغضب ، وهي تجهل تصرفه انسحبت من عندهم وتوجهت لغرفتها بسرعه وسكرت الباب وهي تاخذ جوالها وتدق عليه وتحس جسدها يرجف من فرط عصبيتها "
-