يا سحابة خافقي يا تباشير البروق

Part 14

١٤
-
دخلت وهي تتأمل تفاصيل البيت بهدوء وجلست بالكنب تقابله واردفت:وش بيصير الحين ، ليه جينا هنا !
امي بتقلق لاني مو مع البنات ، خلينا نرجع "
زفر من توترها واردف:عمتي وعمي يدرون ، ومابترجعين الحين ، فين بيننا اشياء لازم تنحل ،"
عقدت حاجب بصدمه من ان اهلها يدرون ، وسمحوا له بانه ياخذها لبيته :حتى لو يدرون انا ما ابي اجلس معك هنا ! 
اردف بحده وكأنه تعب من تصرفاتها: اكبري يا سحاب "
زمت شفتها وسكرت عيونها للحظه واردفت ؛ رجعني البيت ولا تجبرني اكثر ، جلوسي معك هنا مابيغير شي
لاحظت انه يحاول يتمالك اعصابه ، من شدته ع قبضة ايده ، سكر عيونه لثواني طويله وهو يتمتم بالاستغفار حركته وترتها لانها ادركت انه وصل لاشد مراحل غضبه الي ماتتمنى تشوفه اردفت ؛ طيب خلينا نتفاهم
لمحت تغير كبير بنظراته ، وهاجمه شديد الصداع الي يمنعه من الكلام دايماً وهز راسه بالنفي:مو الحين "
زفرت ومانطقت ولا جربت تتكلم وهي تدري انها الحين يحس بالصداع ياكل راسه ، وتدري عن هالشي فيه من الماضي ، كان اذا عصب او تحمل فوق طاقته يهاجمه صداع يهلكه أشد الهلاك ، توترت وهي تشوفه يجلس ع الكنبه بهدوء ويسند راسه للخلف وهو يسكر عيونه بشده اردفت بتوتر ؛ فيك شي ؟
هز راسه بالنفي واكتفى ، مارد عليها وكانت تحس قلبها بيوقف من شدة خوفها عليه بهاللحظه تقدمت تجلس جمب وحس فيها بدون مايفتح عيونه وهمست له:تبي مهدأ ، فيه مهدأ هنا ؟
مارد عليها واشتد فيها الخوف وتجمعو الدموع بعيونها وهي تشوفه يتألم بهالطريقه ، وقف قلبها لثواني وهي تشوفه يحط راسه ع رجلها ويسكر عيونه ، رجف جسدها وحس برجفتها وهمس لها ؛ لا ترجفين بنام
عضت شفتها ، وهي تحاول تهدي نفسها وخوفها وتطمن نفسها انه ساعات بس وبترجع بيتهم ، هدأت رجفتها واستمر بنفس وضعيته مابعد عنها وطول ، وحست بانتظام انفاسه وادركت انه نام ، كانت تتأمله بهدوء ، تتأمل حدة ملامحه الي وقعت بحُبها سنين ، حواجبه الحاده ، ورمش عينه الكثيف اكثر شي كانت تلاحظ عليه بطفولتها وتسأله عنه ، رفعت ايدها لشعره بشكل لا ارادي وكانت تحركها بين شعره بهدوء اهلك قلبه بهاللحظه
لاول مره من اربع سنين يغفى بمكان ويرتاح فيه ، لاول مره يحس برغبتة بالنوم والراحه ، ماتحرك ، وما ابتعدت هي ، كانت تلمح بعيونه التعب ، وقلة نومه ، وتدري انه الحين يحتاجها ، ويحتاج يرتاح
-