٧
-
وصل مجلس الرجال الي كان مليئ بافراد ال ثنيان وانسابهم من كل الجهات ، من ضمنهم خواله
جده اصر على جمعة العشاء بشرف رجوع اكبر احفاده واقربهم لقلبه بالسلامه ، واضطر يتحمل هالاجواء الي مايحبها عشان جده ، دخل بكامل هيبته الي كانت تجبر الجالسين يوقفو يسلموا عليه ، ويتحمدون سلامته رغم عدم معرفتهم عن مكانه صافح احد عيال خاله بكل برود واردف بهدوء:الحمدلله على سلامتك ياحضرة الفريق اول
سمعنا انك كنت مسجون ، وطلعت
ميل شفته بسخريه وابتسم خفيف الابتسامة:اربع سنين وللحين تمشي وراء الاشاعات ماتغيرت ؟
ابتعد عنه وهو يصافح باقي اهله ويجلس بالقرب من جده وابوه زفر وهو يسمع كم الاسأله الي تنسأل عن غيابه واردف لجده بهدوء:تجاوبهم ؟ او اجاوبهم
هز راسه جده بالنفي:لا تجاوبهم خليهم بيسألون واذا ماشافوا منك الرد بيسكتون
اردف سياف بهدوء:تزعجني كثر الاسأله
اردف مانع:تحملهم اليوم عشاني يابوك
زفر وهو ينقل عيونه بالمجلس ، وبملامحه شديد السكون وابتسامة بارده يجامل فيها حضورهم ، عقد حاجب وتحول كامل هدوئه للغضب وهو يشوف دخول ال منصور داخلين بكل ثقه للمجلس واردف كبيرهم:الحمدلله على سلامتك ياحفيد مانع
اردف سياف بهدوء يعدل طريقة نطقة ، الي تعمد فيها نبرة الاستهزاء فيها :الفريق اول سياف ال ثنيان
عقد حاجبه باستغراب ، وما احد يدري عن ترقيته لرتبه الفريق الاول غير اهله:اعطوك منصب جدك ؟
كان مانع بيتكلم لكن قاطعه سياف:حفيد مانع ال ثنيان مابيكون مختلف عنه " الشبل من ذاك الاسد طال عمرك
لازم جده ومافارقه وهو يدري بحُب جده لحضوره كل المناسبات معه ، ماكان يفارقه من سنين ، وبيرجع لسابق عهده الحين ، ضايقته هالاجواء وزفر وهو ينتظر موعد العشاء عشان يقدر ينسحب فيه ، وتحملهم لين صار موعده وانسحب بهدوء من المجلس يدخل للبيت ، توجهه لجناحه وكان يدري انها بتكون فيه ، فزت من دخوله بدون لا يدق او يعطيها مقدمات والتفتت عليه بصدمه:ليه تدخل بهالطريقه؟
عقد حاجبه واردف ببرود:جناحي !
هزت راسها بـ ايه وزفرت:تعودت ع غيابك ، ونسيت رجعتك ، خذ راحتك بجناحك انا بطلع
أنت تقرأ
يا سحابة خافقي يا تباشير البروق
Romanceالفريق اول سياف الي بيوم ملكته ع حُب طفولته وبنت عمه ، يختفي من المدينه بشكل غامض ، ويرجع بعد اربع سنين عشان يكمل زواجه منها "
