يا سحابة خافقي يا تباشير البروق

Part 2

٢
-
اردف بنبره شديدة الهدوء وهو يبعد شعرها عن رقبتها يرجعه للخلف ، وهالحركه زادت من توترها وسكرت عيونها:ليه تهربين مني ؟
هزت راسها بالنفي بمكابره وهدوء اردفت:ما اهرب
انحنى يهمس باذنها وقشعر كامل جسدها من قُربه وهمسه باذنها ، وانفاسه الي كانت تلفح عُنقها:تهربين وتتجنبين النزول ، تظني مابجيك ؟ وانتي بجناحي
رفعت عيونها له واردفت بهدوء وكامل جسدها كان يرجف بهاللحظه وماخُفيت رجفتها عنه:بروح لجناح البنات الحين
هز راسه بالنفي وبنبرة شديدة الحزم وكأنه ينهي النقاش:مابتروحين لهم ، تجلسين فيه بغيابي وتروحين اذا  جيت ؟
اردفت بتوتر:بكره بنرجع للبيت ، وبنام عندهم اليوم "
تنهد وهو يشوف توترها وعدم الراحه من قُربه ابتعد عنها يعطيها مجال تبعد وكانت بتطلع لكن قاطعتها نبرته:تعالي ، بنتفاهم "
هزت راسها بالنفي:مافيه شي نتفاهم عليه ، رجعت الحين وبننهي الشي الي ماكان المفروض يصير من البدايه
عقد حاجبه بصدمه وتحولت ملامحه لشديد الغضب:اجلسي
زفرت وهي تجلس ع الكنب وتهز رجلها بتوتر وهي تلعب بيدينها ، وضايقه توترها واردف:لا تساليني كثير الاسأله
بتعرفين مع مرور الايام عن الي صار بالسنين الماضيه
المهم الحاضر والي بيصير فيه "
هزت راسها بـ ايه وبسرعه اردفت ولا تدري اي شجاعه خلتها تنطق امامه بهالطريقه وهي تحت حدة نظراته:الي بيصير انه مثل مابدأ الموضوع بتنهيه الحين مابيستمر هالحال اكثر من اسبوع
ضيق حواجبه باستغراب من شجاعتها الي ماتعودها رغم ملاحظته للتوتر الي تحس فيه ، لكن ماتوقع ردة الفعل هذي منها ، توقع غضبها لكن ماتوقع تصريحها بالطلب هذا اردف:ماتبين الطلاق سحاب !!
رفعت عيونها له وثبتتها هالمره لثواني طويله واردفت:ابيه
ماتغيب اربع سنين ، بدون ما احد يدري عنك شي
وترجع بكل هالسهوله تجيني ، اربع سنين كل ماخطبني احد يتعذرون بدراستي ، ويخفون اني بذمتك من اربع سنين يخفون ان ولد عمها ملك عليها وبنفس الليله اختفى من المدينه ، وما احد عرف يوصله
رحت وانا بنت الـ ١٨ سنه والحين عمري ٢٢ سياف !
الي امامك الحين مو سحاب الي كانت تحبك بسابقها ولا انت سياف الي حبيته "