တောင်ပတ်လမ်းတစ်လျှောက် ပြန်ဆင်းလာသော
ကားကလေးမှာ အုံ့မှိုင်းနေသည့်ရာသီဥတုကို ဖောက်ခွင်းလျက် ခရီးဆက်နေ၏။ အပြင်ရာသီ
ဥတုနှင့် မတူစွာ ကားထဲရှိ လေထုမှာတော့ကလေးငယ်၏ သီချင်းသံဖြင့် စိုပြေလျက်ရှိနေ
သည်။ ကားမောင်းနေသည့် ဖခင်ဖြစ်သူကပြုံး
နေလျက် မိခင်က ကလေးနှင့်အတူ လက်ခုတ်
တီးကာ သီချင်းသီဆိုနေ၏။
" ဆောနူလေး ကြီးလာရင် အဆိုတော်လုပ်
မှာလား.."
" ဟုတ် ! သား အဆိုတော်လုပ်ပြီး ပွဲအကြီးကြီး
လုပ်မှာ ! အဲ့အခါကျ အမေရော အဖေရော လာ
ကြည့်ရင် သားက စင်ပေါ်ကနေ လက်လှမ်းပြ
မှာ.."
" ပြောနေတဲ့ပုံကတော့ အတည်ပေါက်ပဲ၊
ယောက်ျား မြို့ကိုပြန်ရောက်ရင် ဆောနူ
အတွက် အဆိုသင်တန်း ရှာပေးကြည့်ရင်
ကောင်းမလား.. သားလေးရော၊ ကြိုးကြိုး
စားစား လုပ်မယ် မလား.."
မေမေက ပေါင်ပေါ်ကသူ့ကိုပြုံးကာငုံ့ကြည့်၏။
" အင်း !"
ဆောနူ မျက်လုံးလေးများ မှိတ်သည်အထိ
ခေါင်းညှိမ့်ကာ ဖြေလိုက်သည်။
အဲ့တုန်းက... ကြိုမသိခဲ့ဘူး။
အဲ့တာက အဖေနဲ့အမေပါဝင်ခဲ့တဲ့ နောက်ဆုံး
မှတ်ဉာဏ်ဆိုတာ။
အသိပြန်ဝင်လာတော့ အဖေနဲ့အမေက
ဓာတ်ပုံထဲက လူတွေအနေနဲ့ပဲ ကျန်ရှိနေတော့သည်။ သူတစ်ယောက်တည်းကို စိတ်မပူတော့သလိုမျိုး၊ အရမ်းအပူအပင်ကင်းကင်းပြုံးနေခဲ့လေသည်။
ဇာပနာသို့လာသည့် ဧည့်သည်များက အနက်
ရောင် အနောက်တိုင်းဝတ်စုံသေးသေးလေး
ဖြင့် ဒူးထောက်ကာ ထိုင်နေသည့် ချစ်စရာ
ကလေးလေးကို သနားကရုဏာသတ်ကြသည်။
" ဒီအရွယ်လေးပဲ ရှိသေးတယ်၊ ဘယ်လိုလုပ်
နေမှာလဲ.."
" တစ်မိသားစုလုံး ကားစင်းလုံးမှောက်တာ ၊
သူတစ်ယောက်ပဲ ကျန်ခဲ့တာတဲ့လေ "
" အမလေး.. သနားလွန်းလို့ ဘယ်လိုလုပ်ရမလဲ "
အဲ့လို ပြောဆိုနေကြတဲ့ လူတွေထဲ ဘယ်နှယောက် မှ ငါ့ကို မကူညီခဲ့ကြဘူး။ ငါ့ရဲ့ကံဆိုး
မှုကို စာနာပြသလိုလိုနဲ့ သူတို့ဘဝမှာ ဒီလိုမျိုး
မကြုံရတဲ့အတွက် စိတ်သက်သာရာရနေခဲ့ကြ
မှာပေါ့။
YOU ARE READING
When you were in my arms , I was on your shoulder
RomanceWRITTEN IN BURMESE Character introduction kim sunoo : seems like cold-hearted person but have a soft spot on one person he loves park sunghoon : the most straightforward and delicate guy who knows nothing but how to love that person park jay : the m...
