ضاجعني جهرا ( النسخة الأصلية و الوحيدة )

الجزء الأول 🔞

#1

#ضَــــاجَــعَنيِ_جــــهرا ...

الفصل لأول ...
" العين بالعين و انا المغرم التائه "

سورة ياسين مطلوقة ولي داز من حدا دار كيخلي دعوة لخير و العزاية مجموعين و الدار عامرة...
كانت كتشوف فهاد الشي مزال ممتيقاش راسها و هي مطرفة لواحد القنيت و جالسا مصدومة مقادراش تهضر معندهاش القوة لسانها مربوط ، الحسرة كتقتلها هاديك لي ماتت ماشي اي وحدة هاديك مها كلشي بالنسبة ليها... وهي لي عندها فهاد الدنيا ، كتسمع فلعيالات كيهضرو عليها و كيقولو : ماتت عروسة مسكينة عرسها هاد سيمانة
نطقات وحدة اخرى  حداها : ايه مسكينة كانت كتوجد لهاد العرس ، وطير وتنزل
تنهدات لولا : خلات لعزيبة صغيرة مزال حتى مادارت 18 لعام

ما قدراتش تستحمل كلامهم كيزيد غير يحرقها حطات يدياتها الصغار فوق وذيناتها ناضت بالزربة من قدامهم دخلات لبيت فين كانت مها كتشوف حوايجها باقيين تماك موتها جا على غفلة مكانش فالحسبان جلسات حدا دوك لحوايج عنقاتهم كتشم ريحتها تجمعو دموع فعينيها وبداو يهبطو فوق خدودها لمزنكين بحرقة و نطقات : لمن خليتيني ا ماما، نتي لي عندي...
بقات فداك البيت ما حاملا تشوف حد ، بدات تخوا الدار ليوم الثالت فالعزا ،جابو ليها تاكل حيت من موت مها مطاحتش النعمة فكرشها ، ما بغاتش تهضر دخلات فصدمة لي جا عندها كتبقا غير ساكتا و كتبكي... دازت ديك الليلة اكفس ليلة فحياتها ،كفس حتى من نهار موت مها حيت دابا بدات تصدق وفاة مها، 

جا صباح جديد فاقت معنزة كتحس بصحتها مدكدة ... خرجات من ديك البيت كدور فعويناتها كتسمع غير السقيل عرفات تا حد ما كاين تا هوا ما كاينش... تنهدات براحة و مشات لبيت فين كانت هبطات كاع حوايجها كتمجمعم ف فاليز ... خاص ترجع لبلاد فين كانت عايشة ليوم قبل غدا ... جمعات حوايجها و مشات كتقلب على وراق هويتها و باسبورها لحمر ... مالقاتهمش لا ديالها لا دمها... بدات كتقلب فالدار كاملة و والو دخلات تا لبيتو لي عمر دخلات ليه تا هو بدات كتقلب فيه عتحماق : يا ربي فين مشاو هاد لوراق.. فينهم لا يا ربي لا .. بلاا بيهم انا والو بلا بيهم ما نقدرش نخرج من هاد الدار و هاد الدرب الحقير ، منقدرش
كتقلب بلا عقل شادة فراسها بيد و كترون فلمجورة ولماريو باليد الثانية و فنفس لوقت دايرة بالها لايحصلها كتقلب فحوايجو تا وقفات كتبلع فريقها فاش سمعات صوتو وراها بديك لبرودة القاتلة : كتقلبي على هذا ؟
دارت ببطء كتشوف واراقها كاملين بين يديه بلعات ريقها و حركات راسها بآه و نطقات بصوت ضعيف : اه

قربات بخطوة بخوف مترددة كتشوف نظرة فعينيه خبيثة و مخيفة : اعطيهم ليا

قرب عندها خطوة بجرئة ونفس التعابير تعلو وجهه هي ترجع بلور و نطق : علاش بغيتيهم ؟ علاش ناوية ؟
بقات كترجع بلور تا تحازت مع لحيط كتهرب عنيها من عينيه ما كتحملش دوك الشوفات الباردين ديالو : بغيت نمشي بحالي من هنا ، خاص نمشي .. ماما صافي ماتت مابقا عندي علاش نبقا هنا هاديك لي كانت بيناتنا دفناها انا بغيت نرجع عند عائلتي ف فرنسا...
شاف فيها و تبسم بخبث وحقارة و حط يدو فجيبو جبد بريكة و شعرها فدوك لوراق قدام عنيها : ها هوما خوديهم
حركات راسها بلا و مدات يديها ليهم هاكداك شاعلين بلاماتفكر: لا لا حرام عليك ،
لاحهم في الأرض و هي كتحاول تهبط على ركيباتها تطفيهم وكتنتر هوا جا وراها شدها بعنف من خصرها ملصقها معاه و مزير عليها واخا كتنتر والو مكتقدرش وهي كي لكميشة قدام ضخامة جسمو وهي كتغوت ربي لي خلقها وكتبكي و كترغب فيه :" عاافاااك لاا لاااا "
تا تحرقو دوك لوراق و لباسبور و رجعو رماد...