#2
#ضَــــاجَــعَنيِ_جــــهرا...
الفصل لأول ...
" العين بالعين و انا المغرم التائه "
غير دخلو بالزربة حيدات داك النقاب من على وجها و لاحتو في الأرض كترد النفس خنقها : ااااوف تخنقت تخنقت .. ما غنبقاش نعاود نلبسو ولله لا لبستو ...
طه قرب عندها و نطق بجدية ونبرة خلاتها تخشع : نتي حلفي و صومي ... هو لي غتبقاي تلبسي ولا برب العزة تا تشوفي معايا جهنم...
بقات كتشوف فيه بعنيها لواسعين لي كيتحقنو بالدموع و هو كيشوف فيها بعنيه الحادين مطراسيين بطريقة خشنة رجولية ، هبط عنيه لشفايفها لي كيترعدو بلع ريقو مشهيهم... يالله قرب و حط يدو تحت عنقها ومعوج عنقو حيت قصيرة عليه ،تا كيسمعو التقرقيب جاي من لكوزينة : ولدي جيتي ؟
شاف فيها و عض على شفايفو و نطق : باقي ماساليناش
بعد عليها وتلفت جهة مو مبدل نظرة الشهوة والحقد لنظرة عادية: اه الواليدة
مشا عندها للكوزينة خلا جوهرة وراه كتمسح دموعها حسا براسها داخلا للجحيم ، كتتمناه يكون كابوس وغتفيق منو حدا ماماها... مشات لبيت حاسا بلعيا و الإرهاق النفسي اثر على على صحتها البدنية كتحس باالنعاس ، ما خلاهاش تا تحزن على مها فخاطرها.. حطات راسها على لمخدة طاحو دموعها في الأول و غير شويا و مشات فالنعاس بحال شي وليد صغيور شبع بكا وختمها بنعسة ملائكية...
طه... جلس هو و مو .. هي تسول و هو يجاوب دارت ليه استنطاق و هو كيقول ليها غا لي بغا ويجاوبها بناقص :" اولدي اش غدير بهاد لبرهوشة خود ليك مراة عاقلة و قادة"
طه :" هاد لبرهوشة هي لي غنربي على يدي "
حس بطيليفونو كيفيبري هزو شاف شي ميساجات و وقف بزربة كيبان شي حاجة مهمة شاغلاه :"لوليدة هاهو خارج حضيها عنداك تخرج انا عندي شي خدمة... نقضيها ونرجع"
خديجة تنهدات مخصرة سيفتها: سير لوليدي لله يعاونك.. ما لحقت نفرح بيك تفكيتي من ديك السلقوطة تا لقيت بنتها لااسقا فيك ...
طه كيلبس سبادري ديالو كوبرا فلكحل: و صافي الوليدة ما تبدايش تاني ، بالكاسيطة
خديجة : هاهي ساكتا اوليدي.. سير لله يعاونك...
خرج و خلاها كالسا فالكوزينة كتنكر غا الراسها من الأول ما كانتش حاملاه يتزوج بيها فاش ماتت قالت الله ولدي تهنا ما لحقات تفرح تا لقات بنتها تاني لسقات فيه : لله على ولدي اله و ما عندو زهر...
هزات كاس دتاي كتشرب منو شويا و هي تحطو و قوسات حجبانها و ضيقات عنيها بشوفات شرانيين : الدار حالتها و لعروسة كالسا مبرزة ...
ناضت مشات عندها : صباح مبارك العروسة نوضي تكعدي.. ركانيك خانزة و نتي رااكدة ما خاصك تا خير...
بدات كتنغزها برجلها: نوضي تكعدي نوضي...
فاقت جوهرة قافزة مدوخها النعاس : حرام عليك خليني نعس مزال..
الأم : تي نوضي نوضي لاقياه شاد ليك الخاطر نتي و ديك الصلكوطة د مك لاعبين عليه العشرة...
جوهرة شافت فيها بعبوس و نطقات : دكريها بالخير اش دارت ليك راه ماتت ودرتوها تحت تراب اخالتي خديجة
خديجة خرجات فيها عنيها : يخوي ليك اجناب ياك يا بنت ليي/ هودي كترادي معايا فالهضرة ؟
جراتها من دراعها بع///- نف تا وقفاتها: تكعدي تشقاي على راسك الركاني كلهم خامرين تكعدي..!!
جوهرة تنترات: صافي غير طلقي مني طلقي انوض راسي
الأم بعدات عليها كتشوف فيها بدوك العنين الشرانيين: عندك الزهر موصيني عليك اما كون شديتك عجنتك بين يدييا تكعدي تبعيني عندك شلا ما ديري..
خرجات و خلاتها... خاطرها مكسوور حاسا بالحكرة غير من طه لي وراها نيابو لمو لي هاكدا كتعاملها... مسحات دموعها و ناضت تبعاتها.. لقاتها جبدات ليها كاع الركاني زااادت روبلاتهم و فينما كانت شي ماعونة موسخة ولا ما مسخاش حطاتها ليها... حرتات عليها الشوك و نكير من لفوق غير لي دارتها ما كتعجبهاش... هبطات ليها الزرابي و المانط
أنت تقرأ
ضاجعني جهرا ( النسخة الأصلية و الوحيدة )
Storie d'amoreهي لا تنحصر في مضاجعة تروي العقول بكأس خمر من ليلة حمراء تفيض من النذالة .. هي مصير قلوب فتية ضاجعتها الحياة رغما عنها .. على أيادي السلطة والجاه الذي يقبض بقبضة النفوذ ويسحق من ليس لهم حيلة.. فلا اسم يعطيهم ورقة الخلاص من بطش الماردين ..!! جوهر...
