#16
#ضَـاجـعـنِــي_جـهـراً...
الفصل الأول ...
" العين بالعين و انا المغرم التائه "
تكات تماك كتبكي بحرقة و معنقة الطرف لي بقا من التصويرة.. و بقات على ديك الحال حتى داتها عينها و غفاااات... ما حساتش لا إمتى لا كيفاش...
لتحت باس ليها يدها و راسها و شاف فيها و نطق مأكد على كل حرف كينطقو : لوليدة ما تعتبش باب الدار... ساروتك غبريه ... و حضي الغيبة... انا ما غنطولش ...
خدبجة كتحرك راسها بآه : لله اودي اوليدي كون هاني راها بنيتي ما غنطيحش بكلمتك.. لله يعرضك السلامة...
طه رجع باس على راسها: يالله تبقاي على خير ...
خديجة سير اولدي الله ينقي طريقك من الشوك..
طه عطها بالضهر غادي الباب و هي تابعاه كدعي معاه : امين الوليدة...
خرج لقا طوموبيل دالرجال كتسناه ركب و ديمارات الطوموبيل مخليا وراها غا لعجاج... و خديجة رجعات دخلات : يعلم لله فين غتكون هاديك بنت السلكوطة .. ما غتكون غير ناعسة كي الخنشة...
مشات كتقلب عليها من بيت البيت ناويا تفدي فيها هاد الأيام لي روحات منها ...
حلات الباب دالبيت بانت ليها ناااعسة على كرشها شعرها راجع على وجها.. دارت يديها على جنابها قارنا دوك الحجبان عنيها شرااانيين مضيقاهم: يا نوضي يا الخانزة نووضي نوووضي .. نوضي امو ركاني مودحين نوووضي....
لا جواب نعاسها ثقييل.. قربات عندها كتنغز فيها بحالا كتنغز فيشي حما/// و اعزكم الله :انوووضي تكعدييي نوووضي...
جوهرة حلات فيها عنيها داايخااا بالنعااس ... شافت فيها و ناضت كتحك فعويناتها و نطقات :خالتي على سلامتك...
خديجة علات فيها حاجب و نطقات : يخوي ليك الجناب.. تكعدي تبعيني ...
جوهرة تنهدات موكلة امرها لله سبحانه ... و فخاطرها كدعيهم لله .. يتيمة و ما عندها حد فهاد الدنيا و حاكرين عليها ... لا هو لا مو ...
مشات وراها على شي نكير كي السم ... مشات جبدات ليها لماعن ديال لامينيو كااملين كوكوطات برارت برمات طناجر كلهم تحكهم فهاد العشية... ما حنات فيها ما رف ليها جفن : يالله كفضي على دوك الدرعان ها السلك ارطب و الصابون البلدي..
جوهرة بتضمر : و راه يالله غسلتهم المرة لي دازت اخالتي...
دارت فيها مخرجة عنيها: كترادي معايا فالهضرة يا بنت الخا/ نزة... يالله بداي .. يالله تسالي من هنا لعشا ديري لينا ما ناكلو...
مشات و خلاتها حاصلة بين دوك عرام دلماعن الدمعة حابسة ليها فجفنها ... وكلات أمرها لله و بدات كتحك فدوك لماعن على سعدها و وعدها....
أنت تقرأ
ضاجعني جهرا ( النسخة الأصلية و الوحيدة )
Storie d'amoreهي لا تنحصر في مضاجعة تروي العقول بكأس خمر من ليلة حمراء تفيض من النذالة .. هي مصير قلوب فتية ضاجعتها الحياة رغما عنها .. على أيادي السلطة والجاه الذي يقبض بقبضة النفوذ ويسحق من ليس لهم حيلة.. فلا اسم يعطيهم ورقة الخلاص من بطش الماردين ..!! جوهر...
