ضاجعني جهرا ( النسخة الأصلية و الوحيدة )

الجزء الخامس و الستون 🔥

                                     - 65 -

       ضَـــاجَـــعَنِي جَـــــهْراً...

الـفصـل الـثالـث :
" جِراحكِ النازِفَة انَا خَالقُها و انَا شَافِيها  تَجردِي دَعينِي اُشفِيكِ... 🥀"

و سكتات تاني كتبكي بحرقة ... و هو زيييير على فكو مغدد...

و هي رجعات نطقات : انا ما درت ليهم والو كنحلف ليك ... غير بغيت شي حاجة حلوة هبطت عندهم و هوما قالو ديك الهضرة انا ما عمر بغيت ندي بلاصتها حيت عارفا واخا نحاول ما انقدرش...

تنهد و زاد قرب عندها جرها عندو عنقها ضامها لصدرو .. كتبقا مراتو و هي حاملا بولدو او بنتو ... الخلفة لي كان كيحلم بيها من زمان .. كان باغيها من جوليا ولكن ما كتبش ربي ... هي عندها الحق .. جوليا ما عمر شي واحد عيقدر يدي بلاصتها فقلبو و الدليل انو كينعس و يفيق على تصاورها فجناحو الخاص ... ولكن ما يكدبش انو لقا فسارة شحال من حاجة كيبغيها .. لقا فيها ديك الزوجة المطيعة العقلانية لي يقدر يناقش معاها شي مواضيع بأريحيحة .. لي يقدر يجي عندها عيان باغي يرتاح و تريحو ما تزيدش عليه بالمشاكل و الهم و النكد ...  حتى هي دارت بلاصتها فقلبو و فحياتو و فاش حملات زادت فرضات راسها...

طبع قبلة على راسها و هي كتبكي مخليها تخوي قلبها مزياااان ... تا بقا كيسمع غير شهيرات خفاف منها .. عاد بعدها من صدرو.. و حاوط حنوكها بيديه و شاف فعويناتها الباكيبن و نطق : لتحت سمعتيهم كيقولو هاد الهضرة ...

سارة حركات راسها بآه و هو نطق : صافي ولا عليك حقك انا غنجيبو ليك ...

سارة حركات غير راسها و هو تبسم ابتسامة خفيفة خلاتها تسها فديك الوسامة و الهبة لي عندو فوجهو و ديك الخشونة لي كتق// تلها فملامحو الرجولية و نطق : نتي مراتي ... نتي ام ولادي لا كتاب .. بلاصتك ما كاينش لي غيحيدها... حيدي هاد الوسواس من راسك ...

سارة رجعو دموعها نزلو تاني : ولكن انا شنو درت ليهم ...

البارون : ما كيهمنيش انا و ما غيهمكش تا نتي ..قولي ليا اشنو كنتي مشهيا ...

سارة قابلت شفايفها بحال شي درية صغيرة و نطقات : ما بقيت مشهيا والو حكتها ف فخاضي .. خرج من خاطري ...

البارون ضحك ضحكة رجوولية على تصرفاتها الطفولية و كلامها ... و هبط طبع قبلة دااافية على شفايفها وشاف فيها و نطق : اجي معايا ...

وقف و هزتها بين يديه و هي كتفركل برجيلاتها و تضرب ايه فصدرو و ضحك : فين غاديين نزلني انطيح...

البارون بقا غير كيضحك و خرج بيها من الجناح مشا هبط بيها مع الدروج خارج البرا و هي كتسول فيه فين غيمشيو.. تا وقف فاش شاف قدامو لكبيرة د الخدم وقفات ليهم بإحترام ...

شاف فيها و نطق بصراامة و هو باقي هاز سارة لي غير شافتها تغيرات : غتقولي ليهم يجمعو حوايجهم .. و حتى نتى جمعي جوايجك معاهم ... و حسابكم غيوصلكم...